Awˬ tawn 2 tanˬ ve tawˇ hkawˇ
Aˬ htoꞈ ma te oˇ htaˇ teˇ co˗e, Yaˬhoˉvaˬ miˬ guiˬ htaꞈ iˉ kaˆ htonˍ tcuh ve le? Chaw yaˇ tanˬ cawˬ la htaˇ, daꞈ ve leh maˇ daꞈ ve kaꞈ cawˬ la ve yoˬ. Tawˇ pa haˉ te kʼo, Aˍdanˍ Eˇvaꞈ leh yawˇ hui ve yaˇ paˍ Kaˍiˉnaˆ maˇ daꞈ ve hpawˇ leuˆ yuˬ ve yoˬ. Yaꞈ hkʼaˇ, Aˍbeˍlaˆ leh Noˉaꞈ daꞈ ve hpawˇ leuˆ yuˬ ve yoˬ. Oˇ htaˇ teˇ co˗e maˇ˗awˍ ve chaw haiˬ jaˇ ve pa taw, Yaˬhoˉvaˬ yawˇ hui htaꞈ te luˬ piˇ ve yoˬ. Ngaˬ hui hkʼaˬ hpawˇ chehˇ tuˬ Yaˬhoˉvaˬ shiˍ leh, yawˇ daꞈ ve htaꞈ cuˇ leh haiˬ ve htaꞈ maˇ gʼaˇ tcuh ve awˬ lawn chi teˇ hpaˍ 2 tawn teˇ tawn hkʼaw ngaˬ hui gʼa henˇ tuˬ yoˬ.
IN THIS SECTION
Awˬ lawn 3
Aˍdanˍ Eˇvaꞈ Gʼuiˬ sha hkawˇ maˇ na yuˬ
Aˬ htoꞈ ma te suhˆ cehˬ teˇ cehˬ awˬ nu ve htaꞈ maˇ shuˍ daꞈ ve le? Aˬ htoꞈ ma te Eˇvaꞈ iˉ shiˍ oˇ ve htaꞈ caˇ ve le?
Awˬ lawn 4
Yawˇ nyi ma zuhˆ ve leh shu htaꞈ tiˇ pehˍ ve
Aˍbeˍlaˆ tuˉ tanˇ tuˬ Yaˬhoˉvaˬ haꞈ yuˬ ve yoˬ. Yaꞈ hkʼaˇ, Kaˍiˉnaˆ ve tuˉ tanˇ tuˬ yawˇ maˇ haꞈ yuˬ. Kaˍiˉnaˆ shiˍ htaˇ, yawˇ nyi ma zuhˆ jaˇ leh haiˬ ve htaꞈ te ve yoˬ.
Awˬ lawn 5
Noˉaꞈ ve haw loꞈ kʼoˍ
Maˇ daꞈ ve mvuhˇ mawˬ ma tcuh yaˇ lehˬ chaw yaˇ ve yaˇ miˇ htaꞈ ca heuˆ daꞈ leh yawˇ hui ve yaˇ paˍ shu htaꞈ dawˆ daꞈ yaꞈ daꞈ ve yoˬ. Miˬ guiˬ hkʼoˆ haiˬ ve hkʼa biˇ cawˬ ve yoˬ. Noˉaꞈ yawˇ hui htaꞈ maˇ shuˍ. Yawˇ Gʼuiˬ sha htaꞈ haꞈ leh yawˇ ve hkawˇ na yuˬ ve yoˬ.
Awˬ lawn 6
Iˉ kaˆ htonˍ htaˇ chaw hiˉ gʼaˇ ceh tiˉ gʼa ponˬ ve
40 nyi 40 haˉ mvuhˇ yeˬ laˬ hehnˇ jaˇ leh miˬ guiˇ htaꞈ iˉ kaˆ htonˍ ve. Noˉaꞈ ve yehˬ kʼa haw loꞈ kʼoˍ hkʼaw teˇ hkʼawꞈ hpaˆ chehˇ peuˬ hkʼawꞈ nawˉ, haw loꞈ kʼoˍ hkʼaw tawˆ la˗o tehꞈ, Gʼuiˬ sha yawˇ hui htaꞈ kʼoˆ piˇ ve
