Noˉaꞈ ve yehˬ kʼa leh to nuˇ to shaˆ haw loꞈ kʼoˍ hkʼaw loꞈ˗e ve yoˬ. Yaˬhoˉvaˬ haw loꞈ kʼoˍ yehˬ miˉ hoˆ piˇ ve yoˬ. Mvuhˇ yeˬ laˬ jaˇ leh haw loꞈ kʼoˍ iˉ kaˆ hkʼoˆ lawehˇ chehˇ taˍ ve yoˬ. Oˇ ve hkʼawꞈ nawˉ, miˬ guiˬ hkʼa peu˗eˬ iˉ kaˆ htonˍ biˇ peuˬ ve yoˬ. Maˇ daꞈ ve chaw hkʼa peu˗eˬ iˉ kaˆ kʼa suh peuˬ ve yoˬ. Yaꞈ hkʼaˇ, Noˉaꞈ leh yawˇ ve yehˬ kʼa haw loꞈ kʼoˍ hkʼaw gʼa chehˇ leh ponˬ ve yoˬ. Yawˇ hui Yaˬhoˉvaˬ hkawˇ na yuˬ ve pa taw, hkʼaˬ ma ha lehˬ ve dawˇ mawˬ gʼa˗aw laˇ?

40 nyi 40 haˉ mvuhˇ yeˬ laˬ hehnˇ jaˇ peuˬ hkʼawꞈ nawˉ, mvuhˇ yeˬ peuˇ la ve yoˬ. Iˉ kaˆ awˬ meu˗eˇ awˬ meu˗eˇ yawnˇ yaꞈ˗e leh haw loꞈ kʼoˍ hkʼaw pui hkʼoˆ lo jehˇ taˍ ve yoˬ. Yaꞈ hkʼaˇ, iˉ kaˆ naˉ jaˇ leh Noˉaꞈ yehˬ kʼa haw loꞈ kʼoˍ hkʼaw tawˆ la maˇ hpehꞈ sheˍ.

Iˉ kaˆ a yehˉ yehˉ yawnˇ yaꞈ˗e leh miˬ guiˬ goˇ lehˍ hpehꞈ la ve yoˬ. Noˉaꞈ ve yehˬ kʼa haw loꞈ kʼoˍ hkʼaw teˇ hkʼawꞈ hpaˆ chehˇ peuˬ hkʼawꞈ nawˉ, haw loꞈ kʼoˍ hkʼaw tawˆ la˗o tehꞈ, Yaˬhoˉvaˬ yawˇ hui htaꞈ kʼoˆ piˇ ve yoˬ. Yawˇ hui daꞈ jaˇ ve miˬ guiˬ htaꞈ gʼa mawˬ leh haiˬ ve chaw kaꞈ maˇ cawˬ. Noˉaꞈ ve yehˬ kʼa yawˇ hui ve a shaꞈ htaꞈ Yaˬhoˉvaˬ ponˬ piˇ ve awˬ bon htaꞈ dawˇ nawˇ leh yawˇ hui yawˇ htaꞈ tuˉ tanˇ piˇ ve yoˬ.

Yaˬhoˉvaˬ yawˇ hui ve tuˉ tanˇ tuˬ htaꞈ nyi ma cawˇ ve yoˬ. Miˬ guiˬ hkʼoˆ lo teˇ ceuˬ le le htaꞈ te luˬ tuˬ iˉ kaˆ maˇ kʼawꞈ htonˍ piˇ˗o tehꞈ, Gʼuiˬ sha ka tiꞈ te piˇ ve yoˬ. Gʼuiˬ sha yawˇ ve ka tiꞈ shaˉ hkiˆ hpehꞈ tuˬ, mvuhˇ naw ma lo aˉ laˇ miˬ shiˉ jaw tawˆ la piˇ ve awˉ lawˉ teˇ pawˆ hpehꞈ ve yoˬ. Nawˬ aˉ laˇ miˬ shiˉ jaw htaꞈ mawˬ jaw˗aw laˇ?

Oˇ ve hkʼawꞈ nawˉ, Yaˬhoˉvaˬ Noˉaꞈ ve yehˬ kʼa htaꞈ kʼoˆ piˇ ve, miˬ guiˬ hkʼoˆ lo awˬ yaˇ awˬ duˬ biˇ la pi˗oˆ.