Iˉ kaˆ htonˍ peuˬ hkʼawꞈ nawˉ, Noˉaꞈ ve yaˇ paˍ hui yaˇ laiˉ gʼaˇ cawˬ la ve yoˬ. Yawˇ hui yehˬ kʼa lonˉ hpehꞈ la leh Yaˬhoˉvaˬ kʼoˆ taˍ ve hkʼe miˬ guiˬ hkʼoˆ teˇ gʼaˇ teˇ kaˬ ca chehˇ kʼai ve yoˬ.

Yaꞈ hkʼaˇ, Yaˬhoˉvaˬ hkawˇ maˇ na yuˬ ve yehˬ kʼa teˇ hpaˍ cawˬ la ve yoˬ. Yawˇ hui kʼoˆ daꞈ ve, ‘ngaˬ hui choˬ kaˬ lo teˇ geh hpoˆ chehˇ tuˬ, ngaˬ hui daꞈ ve awˬ meh gʼa tuˬ, mvuhˇ naw ma htaꞈ dawꞈ taˍ ve taꞈ yehˬ lonˉ teˇ maˬ te a veuˬ.’

 Yawˇ hui oˇ hkʼe te ve htaꞈ Yaˬhoˉvaˬ nyi ma maˇ cawˇ. Yawˇ hui taꞈ yehˬ lonˉ maˇ kʼawꞈ te gʼa tuˬ, Gʼuiˬ sha te piˇ ve yoˬ. Yaˬhoˉvaˬ hkʼaˬ hkʼe te piˇ ve le shiˍ˗aˬ laˇ? Yawˇ hui teˇ gʼaˇ teˇ chaw ceuˬ tawˇ hkawˇ yaw tuˬ te piˇ ve yoˬ. Tawˇ yaw daꞈ ve maˇ na gʼa ve teˇ yanˇ, taꞈ yehˬ kʼawꞈ caˉ te kʼai maˇ gʼa. Yawˇ hui te chehˇ ve venˇ Baˍbuˍlonˍ meh leh “hpaˆ daꞈ kʼai piˇ lawˬ” ve tehꞈ kʼoˆ gaˇ ve yoˬ. Yawˇ hui hpaˆ daꞈ kʼai leh miˬ guiˬ hkʼoˆ lo teˇ gʼaˇ teˇ kaˬ ca chehˇ kʼai ve yoˬ. Yawˇ hui awˬ suhˉ teˇ kaˬ ca chehˇ kʼai ve htawˇ, maˇ daꞈ ve htaꞈ te chehˇ sheˍ. Yaˬhoˉvaˬ htaꞈ haꞈ ve chaw cawˬ sheˍ laˇ? Awˬ gʼuˇ suhˍ teˇ lawn hkʼaw ngaˬ hui gʼa shiˍ tuˬ yoˬ.