Iˉsaˍreˍlaˆ chaw laˇ tsuhˇ gʼuiˬ nyi htaꞈ hkanˍ kʼai leh Siˉnaˆ hkʼaw gaˬ la ve awˬ yanˇ 2 ha pa yehˇ ve yoˬ. Iˉsaˍreˍlaˆ chaw oˇ kaˬ lo chehˇ taˍ htaˇ, Yaˬhoˉvaˬ yawˇ hui htaꞈ ka tiꞈ te piˇ leh Gʼuiˬ sha ve daꞈ jaˇ ve chaw ceuˬ hpehꞈ la tuˬ leuˆ yuˬ ve yoˬ. Yaˬhoˉvaˬ Iˉsaˍreˍlaˆ chaw htaꞈ nyi haꞈ shaˉ piˇ leh yawˇ hui loˍ ve teˇ ceuˬ le le piˇ ve yoˬ. Maˍnaˆ shiˍ caˍ piˇ ve, yawˇ hui ve veuꞈ kʼaˇ maˇ piˍ kʼai leh yawˇ hui chehˇ kuiˬ kaꞈ kawˆ tuˬ maˇ cawˬ. Nawˬ awˬ pa awˬ e hpehꞈ ve kʼo, aˬ htoꞈ ma te Yaˬhoˉvaˬ Iˉsaˍreˍlaˆ chaw htaꞈ awˬ liˇ tawˇ hkawˇ piˇ ve, yawˇ hui htaꞈ aˉ po kʼo bon yehˬ te tcuh ve, leh paw hkuˇ kaꞈ cawˬ tcuh ve chi teˇ hpaˍ yaˇ na gʼa tuˬ ga piˇ sheˍ. Ngaˬ hui Yaˬhoˉvaˬ htaꞈ ka tiꞈ yeˬ ve, nyi ma nuˇ nehˬ ve, leh ngaˬ hui ka tiꞈ htaꞈ gʼa haꞈ shaˉ ve awˬ lawn a yeˇ uiˍ jaˇ tehꞈ yaˇ htaꞈ maˍ piˇ sheˍ.