Yawˇsuˆ Yaˬhoˉvaˬ ve chaw htaꞈ sheh kʼai ve laiˉ hkʼawꞈ gaˬ leh yawˇ a shaꞈ 110 hkʼawꞈ gaˬ htaˇ suh˗e ve yoˬ. Yawˇ teꞈ chehˇ sheˍ htaˇ, Iˉsaˍreˍlaˆ chaw Yaˬhoˉvaˬ htaꞈ oˉ kʼoˍ pui ve yoˬ. Yaꞈ hkʼaˇ, yawˇ suh peuˬ hkʼawꞈ nawˉ, Iˉsaˍreˍlaˆ chaw Yaˬhoˉvaˬ htaꞈ baˬ taˉ leh Hkaˍnanˍ chaw hkʼa shuˍ shaˉ hoꞈ htaꞈ oˉ kʼoˍ pui ve yoˬ. Yaˬhoˉvaˬ yawˇ hui htaꞈ Yaˍbenˍ chaw fawˉ mehˍ piˇ tcuh ve yoˬ. Yaˬhoˉvaˬ ga laˇ tuˬ Iˉsaˍreˍlaˆ chaw lawˬ hkawˉ htaˇ, Yaˬhoˉvaˬ ve chaw yawˇ geh hpfuhˆ kʼawꞈ laˇ tuˬ, sheh kʼai paˍ awˬ suhˉ Baˍrehˆ htaꞈ leuˆ yuˬ ve yoˬ.

Tcuh kaˍ ma Deˍboˇraˍ lehˬ Baˍrehˆ htaꞈ mawˬ daꞈ tuˬ, chaw htaꞈ peu leh yawˇ geh shiˍ laˬ tcuh ve yoˬ. Yaˬhoˉvaˬ lehˬ Deˍboˇraˍ Baˍrehˆ htaꞈ kʼoˆ piˇ tcuh ve, ‘chaw 10,000 gʼaˇ shaw hpoˆ leh Kiˇshonˍ iˉ kaˆ lawˬ lo Yaˍbenˍ ve maꞈ yaˇ htaꞈ ca bawˆ daꞈ˗e loˬ. Oˇ ve hkʼawꞈ nawˉ, Yaˍbenˍ ve maꞈ poˍ lonˉ Siˇsaˍraˆ htaꞈ bawˆ gʼaˇ tuˬ yoˬ.’ Baˍrehˆ Deˍboˇraˍ htaꞈ kʼoˆ piˇ ve, ‘nawˬ ngaˬ geh kʼai ve kʼo, ngaˬ kʼai tuˬ yoˬ.’ Deˍboˇraˍ kʼoˆ ve, ‘ngaˬ nawˬ geh kʼai tuˬ yoˬ. Yaꞈ hkʼaˇ, Siˇsaˍraˆ htaꞈ tiˇ pehˍ tuˬ nawˬ teˇ gʼaˇ maˇ heˆ. Yaˬhoˉvaˬ kʼoˆ ve, yaˇ miˇ teˇ gʼaˇ yawˇ htaꞈ tiˇ pehˍ piˇ tuˬ yoˬ.’

Maꞈ bawˆ daꞈ ve awˬ hkʼaˇ gu hehnˇ taˍ tuˬ, Deˍboˇraˍ leh Baˍrehˆ yawˇ hui ve maꞈ poˍ Taˍbawˇraˆ hkʼaw hkʼoˆ lo taˆ˗e ve yoˬ. Siˇsaˍraˆ shiˍ ve teˇ yanˇ, yawˇ iˉ mvuhˇ lawˬ maꞈ yaˇ hkʼa peu˗eˬ htaꞈ shiˍ veu leh hkʼaw hkuiˉ puiˍ lo chehˇ taˍ ve  yoˬ. Deˍboˇraˍ Baˍrehˆ htaꞈ kʼoˆ piˇ ve, ‘yaꞈ nyi maꞈ bawˆ gʼaˇ tuˬ Yaˬhoˉvaˬ nawˬ htaꞈ ga laˇ tuˬ yoˬ.’ Baˍrehˆ kaꞈ maꞈ yaˇ 10,000 gʼaˇ htaꞈ hkʼaw hkʼoˆ lo shiˍ yaꞈ la leh Siˇsaˍraˆ ve maꞈ moˍ lonˉ htaꞈ ca bawˆ daꞈ la ve yoˬ.

Yaˬhoˉvaˬ lehˬ Kiˇshonˍ iˉ kaˆ lawˬ teˇ hkui tiˉ uiˍ taˆ la tcuh ve yoˬ. Iˉ mvuhˇ lawˬ jeꞈ nehˆ hkʼaw hkanˉ leh yawˇ iˉ mvuhˇ lawˬ htaꞈ baˬ taˉ leh gʼuiˇ hpaw˗e ve yoˬ. Baˍrehˆ ve maꞈ yaˇ Siˇsaˍraˆ ve maꞈ yaˇ htaꞈ maꞈ bawˆ gʼaˇ ve yoˬ. Yaꞈ hkʼaˇ, Siˇsaˍraˆ hpaw tawˆ˗e gʼa ve yoˬ! Yawˇ lehˬ Yeˍlaˆ meh ve yaˇ miˇ ve aˉ po kʼo hkʼaw hpaw vaꞈ taˍ ve yoˬ. Yeˍlaˆ yawˇ htaꞈ nuˇ cuˉ gʼuiˬ taw piˇ leh aˉ boˆ kaw piˇ ve yoˬ. Maꞈ poˍ lonˉ Siˇsaˍraˆ heuˬ jaˇ leh zuhꞈ muiˉ kʼa mehˬ jaˇ ve pa taw, Yeˍlaˆ yawˇ awˬ paˇ lo a yehˉ yehˉ kʼai leh juˇ yuˬ leh naˍ paw hkʼaw dawˆ keu piˇ leh suh˗e ve yoˬ.

Oˇ kaˬ lo Baˍrehˆ Siˇsaˍraˆ htaꞈ gʼaꞈ mi la ve yoˬ. Yeˍlaˆ aˉ po kʼo hkʼaw tawˆ la leh kʼoˆ ve, ‘awˬ hkʼaw loꞈ la˗o. Nawˬ gʼaꞈ ca toˇ chehˇ ve chaw htaꞈ gʼa mawˬ tuˬ yoˬ.’ Baˍrehˆ aˉ po kʼo hkʼaw loꞈ˗e ve teˇ yanˇ, Siˇsaˍraˆ suh taˍ ve htaꞈ yawˇ gʼa mawˬ ve yoˬ. Iˉsaˍreˍlaˆ chaw canˇ paˍ htaꞈ maꞈ bawˆ gʼaˇ leh Baˍrehˆ leh Deˍboˇraˍ Yaˬhoˉvaˬ htaꞈ kʼa mui chiˇ mvuh ve yoˬ. Oˇ htaˇ tanˬ leh Iˉsaˍreˍlaˆ chaw 40 hkʼawꞈ hkʼa gaˬ gawˬ lehˍ cawˬ ve yoˬ.