Iˉsaˍreˍlaˆ chaw jaˆ 2 gʼaˇ Yeˍriˆhkoˇ venˇ lo kʼai ve teˇ yanˇ, yawˇ hui Raˍhaˆ meh ve aˉ hkʼaw lo haˉ ve yoˬ. Yeˍriˆhkoˇ venˇ ve jawˇ mawˇ awˬ lawn chi htaꞈ gʼa shiˍ htaˇ, maꞈ yaˇ htaꞈ Raˍhaˆ ve aˉ hkʼaw lo kʼai tcuh ve yoˬ. Yaꞈ hkʼaˇ, Raˍhaˆ chaw jaˆ htaꞈ yehˬ hkʼoˆ lo taˆ˗e tcuh leh maꞈ yaˇ htaꞈ teˇ hpawˇ lo kʼai tcuh ve yoˬ. Yawˇ chaw jaˆ htaꞈ kʼoˆ piˇ ve, ‘Yaˬhoˉvaˬ nawˬ hui hpawˇ chehˇ taˍ leh venˇ chi htaꞈ bawˆ gʼaˇ tuˬ yoˬ tehꞈ ngaˬ shiˍ ve pa taw, nawˬ hui htaꞈ ga laˇ ve yoˬ. Ngaˬ ve yehˬ kʼa htaꞈ haꞈ shaˉ leh ponˬ laˇ tuˬ, nawˬ hui ngaˬ htaꞈ ka tiꞈ te laˇ˗oˆ.’

Chaw jaˆ Raˍhaˆ htaꞈ kʼoˆ piˇ ve, ‘nawˬ ve yehˬ kʼa hkʼaw ve chaw teˇ gʼaˇ le le gʼa ponˬ tuˬ yoˬ tehꞈ ngaˬ hui ka tiꞈ te laˇ ve yoˬ.’ Yawˇ hui yawˇ htaꞈ kʼoˆ piˇ ve, ‘nyiˉ˗ehˍ ve aˉ caˆ hkeh yehˬ miˉ ehˉ htaꞈ hpeh tsuhˇ taˍ˗oꞈ. Nawˬ ve yehˬ kʼa hkʼaw ve chaw a shaꞈ gʼa ponˬ tuˬ yoˬ.’

Raˍhaˆ aˉ caˆ hkeh yehˬ miˉ ehˉ htaꞈ hpehˇ ce piˇ leh chaw jaˆ tcuhˆ yaꞈ˗e tcuh ve yoˬ. Yawˇ hui hkʼaw hkʼoˆ lo hpaw taˆ˗e leh oˇ kaˬ lo 3 nyi vaꞈ taˉ leh Yawˇsuˆ geh kʼoꞈ˗e ve yoˬ. Oˇ ve hkʼawꞈ nawˉ, Iˉsaˍreˍlaˆ chaw Yawˇdanˍ iˉ kaˆ lawˬ htaꞈ hkanˍ kʼai leh Hkaˍnanˍ mvuhˇ miˬ htaꞈ bawˆ yuˬ tuˬ gu hehnˇ taˍ ve yoˬ. Yawˇ hui Yeˍriˆhkoˇ venˇ htaꞈ bawˆ gʼaˇ ve awˉ lawˉ teˇ venˇ hpehꞈ ve yoˬ. Yaˬhoˉvaˬ  yawˇ hui htaꞈ kʼoˆ piˇ ve, venˇ oˇ ve htaꞈ 6 nyi hkʼa gaˬ teˇ nyi teˇ caw gʼa juˇ toˇ ve yoˬ. Yaꞈ hkʼaˇ, 7 nyi teˇ nyi gaˬ kʼo 7 caw gʼa juˇ toˇ ve yoˬ. Paw hkuˇ behˬ heh ma meuˆ ve teˇ yanˇ, maꞈ yaˇ teˇ gʼaˇ le le awˬ hkawˇ bvuhˬ chaweh gʼa kuˬ ve yoˬ. Hkʼe te leh, lanˇ venˇ paˆ ce la ve yoˬ! Yaꞈ hkʼaˇ, Raˍhaˆ ve yehˬ lanˇ venˇ htaꞈ tcuhˉ nawꞈ taˍ ve maˇ paˆ ce. Raˍhaˆ Yaˬhoˉvaˬ htaꞈ yonˍ ve pa taw, yawˇ ve yehˬ kʼa hkʼaw ve chaw gʼa ponˬ ve yoˬ.