7 tawn chi ve lehˬ, 80 hkʼawꞈ ve awˬ yanˇ awˬ hkʼaw lo jawˇ mawˇ Sawˉluꞈ leh jawˇ mawˇ Daˍviˆ ve awˬ lawn hpehꞈ ve yoˬ. Awˉ lawˉ htaˇ, Sawˉluꞈ lehˬ nyi ma nuˇ nehˬ leh Yaˬhoˉvaˬ htaꞈ kawˆ ve chaw hpehꞈ ve yoˬ. Yaꞈ hkʼaˇ, maˇ maw maw yawˇ pa kʼai leh Gʼuiˬ sha kʼoˆ piˇ ve hkʼe maˇ gʼaꞈ te ve yoˬ. Awˬ leh meuˇ gaˬ htaˇ, Yaˬhoˉvaˬ yawˇ htaꞈ jawˇ mawˇ maˇ kʼawꞈ te tcuh leh Daˍviˆ htaꞈ Iˉsaˍreˍlaˆ chaw hui ve jawˇ mawˇ te tcuh˗o tehꞈ yawˇ htaꞈ kʼoˆ piˇ ve yoˬ. Sawˉluꞈ Daˍviˆ htaꞈ hkawehˉ leh yawˇ htaꞈ tiˇ pehˍ tuˬ laiˉ pawˆ coˇ caˇ ve yoˬ. Yaꞈ hkʼaˇ, Daˍviˆ te hkʼawꞈ tuˬ maˇ dawˇ nyi jaw. Sawˉluꞈ ve yaˇ paˍ Yawˇnaˆtanˍ lehˬ, awˬ pa ve awˬ tan jawˇ mawˇ te tuˬ Yaˬhoˉvaˬ Daˍviˆ htaꞈ leuˆ yuˬ ve yoˬ tehꞈ Yawˇnaˆtanˍ shiˍ leh yawˇ Daˍviˆ htaꞈ ka tiꞈ yeˬ ve yoˬ. Daˍviˆ jawˇ mawˇ gʼa te peuꞈ hkʼawꞈ nawˉ, venˇ baˆ uiˍ ve teˇ ceuˬ htaꞈ te yaꞈ  ve yoˬ. Yaꞈ hkʼaˇ, Yaˬhoˉvaˬ beˆ maˍ piˇ ve htaꞈ yawˇ haꞈ yuˬ ve yoˬ. Awˬ pa awˬ e hpehꞈ ve kʼo, Yaˬhoˉvaˬ gu teh taˍ ve htaꞈ gʼa ga ha lehˬ ve teˇ ceuˬ a yeˇ uiˍ jaˇ ve yoˬ tehꞈ, yaˇ na gʼa tuˬ ga piˇ sheˍ.