“Miˬ guiˬ hkʼa peu˗eˬ lehˬ haiˬ ve awˬ shehˍ hpaˇ ve kanˇ paˆ awˬ hawˉ lo chehˇ taˍ ve” yoˬ.​—1 Yoˇhanˬ 5:19.

“Neˇ haiˬ ve kanˉ teˇ hpaˍ htaꞈ te luˬ tuˬ, Gʼuiˬ sha ve Yaˇ hpu tawˆ la ve yoˬ.”​—1 Yoˇhanˬ 3:8.

Aˬ htoꞈ ma pa taw, miˬ guiˬ shoꞈ shaꞈ chehˇ ve le tehꞈ na gʼa ve yoˬ.​—Hpeuꞈ maˍ ve 12:12.

Ngaˬ hui ve miˬ guiˬ daꞈ la tuˬ yonˍ kuiˬ cawˬ ve yoˬ.​—1 Yoˇhanˬ 2:17.

Yonˍ gʼa ve yoˬ. Awˬ lawn kʼo . . .

• Saˍtanˍ ve kanˇ paˆ leh la paˇ neˇ ve yoˬ. Yaˬhoˉvaˬ lehˬ, chaw yaˇ htaꞈ Saˍtanˍ ve kanˇ paˆ awˬ hawˉ lo maˇ kʼawꞈ chehˇ tcuh ve yoˬ. Yawˇ ka tiꞈ te taˍ ve, “neˇ haiˬ htaꞈ te luˬ” tuˬ leh, miˬ guiˬ hkʼoˆ neˇ haiˬ te taˍ ve luˬ ve sheˆ ve hkʼa peu˗eˬ ve htaꞈ kʼawꞈ gu tuˬ ve yoˬ.​—Heˍbrehˇ 2:14.

• Gʼuiˬ sha lehˬ miˬ guiˬ ve uˉ peunˍ shehˍ hpaˇ Yeˍsuˆ Hkriꞈ htaꞈ leuˆ teh taˍ ve yoˬ. Chi beuꞈ teˇ co˗e, miˬ guiˬ chi ve htaꞈ haiˬ ve uˉ peunˍ shehˍ hpaˇ htaꞈ Yeˍsuˆ peun daꞈ jaˇ ve yoˬ. Yeˍsuˆ uˉ peunˍ ve htaꞈ kʼoˆ ve teˇ yanˇ Gʼuiˬ sha ka tiꞈ te taˍ ve, “Gʼaˇ nuˇ shaˉ nuˇ ve chaw leh haˍ gʼawˇ ve chaw hui htaꞈ yawˇ ha kʼaˉ piˇ leh,” “shu fawˉ mehˍ ve htaꞈ gʼa hkanˍ chehˇ ve chaw hui htaꞈ yawˇ ponˬ piˇ ve yoˬ.”​—Chiˇ mvuh ve 72:13, 14.

• Gʼuiˬ sha lehˬ heˍ maˇ hpehꞈ. Liꞈ hpu hkʼaw hteˇ lehˍ kʼoˆ taˍ ve, “Gʼuiˬ sha lehˬ heˍ maˇ hpehꞈ.” (Heˍbrehˇ 6:18) Yaˬhoˉvaˬ teˇ ceuˬ ceuˬ te tuˬ yoˬ tehꞈ ka tiꞈ te taˍ ve teˇ yanˇ, oˇ ve teˇ ceuˬ biˇ la peuˬ ve htaꞈ shuˍ ve yoˬ. (Iˉsaˍyaˆ 55:10, 11) “Miˬ guiˬ chi htaꞈ uˉ peunˍ shehˍ hpaˇ htaꞈ chi beuꞈ kaꞈ gʼaꞈ kʼoˬ tuˬ yoˬ.”​—Yoˇhanˬ 12:31.