Chaw haˉ paˍ Tiˆmoˉseˍ chaw htaꞈ ha lehˬ ha kʼa ga piˇ ve yoˬ. Shu htaꞈ ga piˇ tuˬ awˬ pon, yawˇ laiˉ kaˬ lo kʼai toˇ ve yoˬ. Chi htaꞈ pa taw yawˇ a shaꞈ teꞈ chehˇ kuiˬ ha lehˬ lawꞈ lawꞈ cawˬ ve yoˬ. Nawˬ yawˇ ve awˬ lawn htaꞈ na gaˇ laˇ.—

Tiˆmoˉseˍ lehˬ Luˇtaˍraˆ venˇ lo chehˇ uiˍ la ve yoˬ. Yawˇ yaˇ ehˉ hpehꞈ chehˇ htaˇ, yawˇ ve awˬ pi Lawˇiˆ leh awˬ e Uˇniˆ yawˇ htaꞈ Yaˬhoˉvaˬ ve awˬ lawn tanˬ maˍ piˇ ve yoˬ. Tiˆmoˉseˍ uiˍ la ve teˇ yanˇ, shu Yaˬhoˉvaˬ ve awˬ lawn shiˍ tuˬ ga piˇ gaˇ ve yoˬ.

Tiˆmoˉseˍ chaw haˉ paˍ hpehꞈ chehˇ htaˇ, Pawˇluꞈ geh awˬ kaˍ awˬ nu ca hto toˇ tuˬ yawˇ htaꞈ kuˬ piˇ ve yoˬ. Tiˆmoˉseˍ nyi ma cawˇ ve yoˬ. Shu htaꞈ ca ga piˇ tuˬ yawˇ gu hehnˇ taˍ ve yoˬ.

Tiˆmoˉseˍ lehˬ Pawˇluꞈ geh Maˍkeˍdawˇniˆ mvuhˇ miˬ hkʼaw Hteˇsaˍlawˇniˆ venˇ lo kʼai ve yoˬ. Oˇ kaˬ lo gaˬ tuˬ, yaꞈ kʼaw juˇ vuiˇ jaˇ leh haw loꞈ kʼoˍ kaꞈ kʼawꞈ caˉ ciˇ kʼai  ve yoˬ. Oˇ kaˬ lo gaˬ ve teˇ yanˇ, chaw laiˉ gʼaˇ Yaˬhoˉvaˬ ve awˬ lawn shiˍ tuˬ yawˇ hui ga piˇ ve yoˬ. Yaꞈ hkʼaˇ, chaw teˇ hpaˍ hpaˍ nyi ma zuhˆ jaˇ leh yawˇ hui htaꞈ coˇ caˇ leh naˬ tuˬ te piˇ ve yoˬ. Chi htaꞈ pa taw, Pawˇluꞈ leh Tiˆmoˉseˍ oˇ kaˬ lo tawˆ kʼai leh awˬ nu teˇ kaˬ lo ca kʼawꞈ maˍ ve yoˬ.

Oˇ ve hkʼawꞈ nawˉ maˇ maw maw gaˬ leh Hteˇsaˍlawˇniˆ venˇ lo chehˇ ve awˬ viˉ awˬ nyi chehˇ sha chehˇ ve naˍ tehꞈ shiˍ tuˬ, Pawˇluꞈ lehˬ Tiˆmoˉseˍ htaꞈ teˇ pawˆ kʼawꞈ kʼai tcuh ve yoˬ. Kawˆ tuˬ cawˬ ve venˇ oˇ ve lo kʼawꞈ kʼoꞈ˗e tuˬ nyi ma gʼa haꞈ hanˉ ve yoˬ. Yaꞈ hkʼaˇ, Tiˆmoˉseˍ kaꞈ kʼai ve yoˬ. Awˬ lawn kʼo, oˇ kaˬ lo chehˇ ve awˬ viˉ awˬ nyi teˇ hpaˍ htaꞈ dawˇ haˍ ve yoˬ. Yawˇ lehˬ, Pawˇluꞈ geh kʼawꞈ la ve teˇ yanˇ, daꞈ ve awˬ lawn hto piˇ tuˬ cawˬ ve yoˬ. Hteˇsaˍlawˇniˆ venˇ lo chehˇ ve awˬ viˉ awˬ nyi chehˇ sha chehˇ ve yoˬ.

Tiˆmoˉseˍ lehˬ Pawˇluꞈ geh teˇ geh kanˉ te ve laiˉ hkʼawꞈ gaˬ peuˬ ve yoˬ. Teˇ pawˆ htaˇ, Pawˇluꞈ liꞈ bvuhꞈ taˍ ve, Hkriꞈ yaˇ awˬ moˍ teˇ hpaˍ htaꞈ ga piˇ gʼa tuˬ peu piˇ gʼa ve chaw teˇ hpaˍ awˬ hkʼaw lo Tiˆmoˉseˍ lehˬ shu aꞈ kehˉ keunˍ ve yoˬ. Awˬ lawn kʼo, yawˇ lehˬ Yaˬhoˉvaˬ leh chaw yaˇ htaꞈ haꞈ ve yoˬ.

Nawˬ chaw htaꞈ haꞈ leh Yaˬhoˉvaˬ ve awˬ lawn henˇ shiˍ tuˬ ga piˇ gaˇ laˇ.— Nawˬ oˇ hkʼe te gaˇ ve kʼo, Tiˆmoˉseˍ hkʼa shuˍ nawˬ a shaꞈ teꞈ kuiˬ lo ha lehˬ kuiˬ cawˬ leh nyi ma sha jaˇ ve yoˬ.