Liꞈ kʼoˆ chi ve htaꞈ nawˬ awˬ bon hkʼaˬ hkʼe gʼa tuˬ le?
Liꞈ kʼoˆ chi hkʼaˬ hkʼe te yehˇ ve awˬ hkʼaˇ awˬ hawˉ lo ve awˬ tawn htaꞈ nyi sheˍ. Nyi peuˬ kʼo VDO hpaw sheˍ.
Awˉ lawˉ teˇ tawn
Maˍ laˇ ve chaw geh maˇ henˇ sheˍ htaˇ, teˇ lawn le le hkʼaw cawˬ ve liꞈ mehˆ hpfuhˇ awˉ lawˉ teˇ maˬ hkʼaw gʼaw sheˍ. Awˬ tawn oˇ ve awˬ hkʼaw lo, (A) na hkawˇ leh (B) Liꞈ hpu awˬ tawn gʼaw sheˍ. Liꞈ hpu awˬ tawn “gʼaw sheˍ” tehꞈ kʼoˆ laˇ ve kʼo, maˍ laˇ ve chaw geh gʼaw sheˍ.
Nyiˇ tawn teˇ tawn
Henˇ shiˍ maˇ la tuˬ awˬ hawˉ lo cawˬ ve (C) awˉ lawˉ teˇ tawn nawˬ gʼa henˇ tuˬ ve awˬ lawn kʼoˆ maˍ laˇ taˍ ve yoˬ. (D) Awˬ lawn ehˉ lehˬ a yeˇ uiˍ ve henˇ tuˬ ve htaꞈ kʼoˆ maˍ laˇ ve yoˬ. Nawˬ htaꞈ maˍ laˇ ve chaw geh Liꞈ hpu awˬ tawn gʼaw ve, na hkawˇ hkʼawꞈ piˇ ve, leh VDO htaꞈ nyi sheˍ.
VDO lehˬ awˬ lawn teˇ hpaˍ htaꞈ hkʼa dehꞈ na gʼa tuˬ ga laˇ ve yoˬ. VDO teˇ hpaˍ hpaˍ kʼo, awˬ tehˬ ve awˬ lawn hpehꞈ ve yoˬ. Teˇ hpaˍ hpaˍ kʼo, Tawˇ pa haˉ ceh te maˍ laˇ ve yoˬ.
(E) Awˬ han htaꞈ nyi leh awˬ han hkʼaw ve awˬ lawn kʼoˆ maˍ laˇ ve htaꞈ nyi sheˍ. (F) Chaw teˇ hpaˍ kʼoˆ ve awˬ tawn chi ve hkʼaw teˇ hkui teˇ hkui yaw daꞈ hkʼeh jaˇ ve htaꞈ nawˬ hkʼaˬ hkʼe hkʼawꞈ piˇ tuˬ dawˇ nyi sheˍ.
Shehˆ tawn teˇ tawn
Awˬ leh meuˇ ve awˬ tawn hkʼaw (G) A yeˇ uiˍ ve awˬ lawn leh Kʼawꞈ gʼaꞈ na ve cawˬ ve yoˬ. Henˇ peuˬ˗oˬ ve kʼo, awˬ nyi kaꞈ bvuhꞈ keu sheˍ. (H) Dawˇ teh taˍ ve hkʼaw nawˬ te gʼa ve awˬ ceuˬ kʼoˆ maˍ laˇ taˍ ve yoˬ. (I) Kʼawꞈ caˉ nyi gʼa ve hkʼaw cawˬ ve awˬ lawn teˇ hpaˍ htaꞈ nyi gʼa ve yoˬ.
Awˬ lawn teˇ hpaˍ
|
|
|
|
Liꞈ hpu awˬ tawn hkʼaˬ hkʼe te ca gʼa tuˬ le?
Liꞈ hpu lehˬ 66 daw cawˬ ve yoˬ. Liꞈ hpu hkʼaw 2 tawn pehˬ taˍ ve: Heˍbrehˇ leh Aˍraˍmiˆ ve Liꞈ hpu (“Liꞈ hpu awˬ piˍ”) leh Heˍlaˍsaˆ ve Liꞈ hpu (“Liꞈ hpu awˬ suhˉ”)
Liꞈ hpu awˬ tawn lehˬ, (A) Liꞈ hpu hkʼaw ve liꞈ awˬ meh, (B) kaˇ nanˉ uiˍ leh (C) kaˇ nanˉ ehˉ cawˬ ve yoˬ.
Tawˇ pa haˉ te kʼo, Yoˇhanˬ 17:3 kʼoˆ gaˇ ve lehˬ Yoˇhanˬ liꞈ, kaˇ nanˉ uiˍ 17, kaˇ nanˉ ehˉ 3 hpehꞈ ve yoˬ.
You May Also Like
NGAˬ HUI HTAꞈ CAˉ DAꞈ VE AWˬ LAWN
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ ve hk’aˬ hk’e te henˇ ve le?
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ tuˬ nawˬ Liꞈ hpu hk’aˬ ve teˇ maˬ yehˇ ve kaꞈ hpehꞈ ve yoˬ. Awˬ chawˇ maˇ heˆ leh yehˬ k’a hk’aw ve chaw htaꞈ Liꞈ hpu teˇ geh henˇ tuˬ jehˬ piˇ kaꞈ g’a ve yoˬ.
