Heuˆ daꞈ ve chaw lehˬ heuˆ daꞈ ve awˬ nyi htaˇ ha lehˬ jaˇ ve hkʼe, hkʼaˬ htaˆ kaꞈ ha lehˬ tuˬ yoˬ tehꞈ dawˇ law ve yoˬ. Heuˆ daꞈ maw˗oˬ ve Hkriꞈ yaˇ laiˉ gʼaˇ lehˬ Liꞈ hpu hkʼaw beˆ maˍ laˇ ve htaꞈ coˇ caˇ leh gʼaꞈ te ve pa taw awˬ lawn chi awˬ tehˬ hpehꞈ gʼa ve tehꞈ yawˇ hui shiˍ ve yoˬ.

1. Liꞈ hpu hkʼaw awˬ hpawˇ htaꞈ hkʼaˬ hkʼe beˆ maˍ piˇ ve le?

Yaˬhoˉvaˬ lehˬ awˬ hpawˇ htaꞈ yehˬ kʼa hkʼaw sheh kʼai paˍ hpehꞈ tcuh ve yoˬ. (Eˇfeˇsuꞈ 5:23 gʼaw sheˍ.) Yehˬ kʼa hkʼaw awˬ bon cawˬ tuˬ, Yaˬhoˉvaˬ yawˇ htaꞈ dawˇ cheˆ tcuh gaˇ ve yoˬ. Liꞈ hpu hkʼaw awˬ hpawˇ htaꞈ beˆ maˍ piˇ ve, “a shu yawˇ ve awˬ miˇ ma htaꞈ haꞈ˗oꞈ.” (Eˇfeˇsuꞈ 5:25) Chi aˬ htoꞈ ma kʼoˆ gaˇ ve le? Awˬ miˇ ma htaꞈ haꞈ ve awˬ hpawˇ lehˬ, aˉ hkʼaw leh shu mehˆ gʼuˇ suhˍ lo chehˇ htaˇ kaꞈ awˬ miˇ ma htaꞈ nuˇ nehˬ ve hkʼaw te piˇ ve yoˬ. Yawˇ awˬ miˇ ma htaꞈ nyi haꞈ shaˉ piˇ ve, ha lehˬ tuˬ te piˇ ve, leh loˍ ve awˬ ceuˬ htaꞈ piˇ tuˬ yoˬ. (1 Tiˆmoˉseˍ 5:8) A yeˇ uiˍ jaˇ ve lehˬ, awˬ miˇ ma Yaˬhoˉvaˬ htaꞈ meuˆ daꞈ tuˬ yawˇ ga piˇ ve yoˬ. (Maꞈhtehˍ 4:4) Tawˇ pa haˉ te kʼo, yawˇ awˬ miˇ ma geh bon lawˬ leh Liꞈ hpu teˇ geh gʼaw gʼa ve yoˬ. Awˬ hpawˇ lehˬ awˬ miˇ ma htaꞈ haꞈ leh hkʼa dehꞈ nyi haꞈ shaˉ piˇ ve kʼo, awˬ hpawˇ lehˬ Yaˬhoˉvaˬ geh meuˆ daꞈ maˇ la tuˬ yoˬ.—1 Peˍtruˆ 3:7 gʼaw sheˍ.

2. Liꞈ hpu hkʼaw awˬ miˇ ma htaꞈ hkʼaˬ hkʼe beˆ maˍ piˇ ve le?

Liꞈ hpu hkʼaw awˬ miˇ ma htaꞈ beˆ maˍ piˇ ve, “a shu yawˇ ve awˬ hpawˇ htaꞈ yawˆ yan˗o.” (Eˇfeˇsuꞈ 5:33) Yawˇ hkʼaˬ hkʼe te gʼa ve le? Awˬ miˇ ma lehˬ awˬ hpawˇ ve daꞈ ve te hkʼaˇ dawˇ hkʼaˇ leh, yehˬ kʼa awˬ pon te laˇ ve htaꞈ dawˇ nyi gʼa ve yoˬ. Chi hkʼoˆ kaꞈ, awˬ hpawˇ dawˇ cheˆ ve htaꞈ yawˇ ga piˇ ve, yawˆ yan piˇ ve, leh awˬ hpawˇ htaꞈ caˉ daꞈ ve daꞈ ve hpawˇ ceh tiˉ yaw ve yoˬ. Awˬ hpawˇ Yaˬhoˉvaˬ htaꞈ oˉ kʼoˍ maˇ pui ve htawˇ yawˇ chi hkʼe gʼa te piˇ ve yoˬ.

3. Yehˬ kʼa hkʼaw meuˆ daꞈ tuˬ awˬ hpawˇ awˬ miˇ ma aˬ htoꞈ ma te gʼa ve le?

Liꞈ hpu hkʼaw awˬ hpawˇ awˬ miˇ ma htaꞈ kʼoˆ piˇ ve, “yawˇ huiˉ maˬ teˇ suhˍ teˇ shaˍ tiˉ hpehꞈ la tuˬ yoˬ.” (Maꞈhtehˍ 19:5) Chi kʼoˆ gaˇ ve lehˬ yawˇ hui htaꞈ hpaˆ daꞈ tuˬ te piˇ ve teˇ ceuˬ le le htaꞈ gʼa tawˍ daꞈ ve yoˬ. Chi hkʼe te gʼa tuˬ yawˇ hui hkʼaˬ htaˆ kaꞈ awˬ yanˇ teˇ geh yehˇ ve, teˇ gʼaˇ leh teˇ gʼaˇ awˬ lawn maˇ faˉ daꞈ leh haꞈ pehnˇ ve hkʼaw dawˇ hkʼaˇ gʼa kʼoˆ maˍ daꞈ ve yoˬ. Yaˬhoˉvaˬ ceh tiˉ maˇ heˆ kʼo, awˬ nu ve awˬ ceuˬ leh awˬ nu ve chaw htaꞈ yawˇ hui ve yehˬ kʼa aꞈ kehˉ a yeˇ uiˍ jaˇ ve tehꞈ maˇ gʼa shawˍ. Yawˇ hui ve awˬ ca maˇ heˆ kʼo, awˬ nu ve chaw htaꞈ maˇ gʼa meuˆ daꞈ jaˇ tuˬ shaˍ tiꞈ gʼa te ve yoˬ.

 Henˇ shiˍ maˇ la tuˬ

4. Awˬ hpawˇ˗oˬ, nawˬ ve awˬ miˇ ma htaꞈ haꞈ leh hkʼa dehꞈ nyi haꞈ shaˉ piˇ˗oˆ

5. Awˬ miˇ ma˗oˬ, awˬ hpawˇ htaꞈ haꞈ leh yawˆ yan piˇ˗oˆ

Liꞈ hpu hkʼaw kʼoˆ ve, awˬ miˇ ma lehˬ yawˇ ve awˬ hpawˇ Yaˬhoˉvaˬ htaꞈ oˉ kʼoˍ pui ve, leh maˇ pui ve htawˇ, awˬ hpawˇ htaꞈ haꞈ leh yawˆ yan piˇ cawˇ ve yoˬ. 1 Peˍtruˆ liꞈ 3:1, 2 gʼaw leh na hkawˇ chi htaꞈ tawˇ yaw daꞈ sheˍ:

• Nawˬ ve awˬ hpawˇ Yaˬhoˉvaˬ htaꞈ oˉ kʼoˍ maˇ pui ve kʼo, nawˬ lehˬ yawˇ htaꞈ oˉ kʼoˍ pui la tcuh gaˇ ve yoˬ. Nawˬ dawˇ kʼo, yawˇ htaꞈ teˇ nyi le le Liꞈ hpu hkʼaw ve awˬ lawn kʼoˆ maˍ piˇ ve, maˇ heˆ leh yawˇ htaꞈ yawˆ yan leh daꞈ ve te piˇ ve, hkʼaˬ ve teˇ ceuˬ awˬ bon gʼa maˇ ve le? Aˬ htoꞈ ma pa taw le?

Awˬ hpawˇ awˬ miˇ ma lehˬ teˇ ceuˬ ceuˬ dawˇ cheˆ˗a te htaˇ,  dawˇ hkʼaˇ shuˍ daꞈ ve kʼo daꞈ ve yoˬ. Yaꞈ hkʼaˇ, teˇ pawˆ pawˆ kʼo awˬ hpawˇ dawˇ ve hkʼe awˬ miˇ ma maˇ dawˇ. Chi hkʼe hpehꞈ ve kʼo yawˇ ve dawˇ hkʼaˇ awˬ hpawˇ htaꞈ nyi ma gawˬ lehˍ ve hkʼaw kʼoˆ maˍ piˇ cawˇ ve yoˬ. Yaꞈ hkʼaˇ, Yaˬhoˉvaˬ lehˬ yehˬ shehˍ hpaˇ htaꞈ yehˬ kʼa hkʼaw ve awˬ lawn dawˇ cheˆ tcuh ve tehꞈ, awˬ miˇ ma maˇ leunˇ cawˇ. Awˬ hpawˇ dawˇ cheˆ ve htaꞈ yawˇ ga piˇ leh gʼaꞈ te ve kʼo, yehˬ kʼa hkʼaw ha lehˬ ve cawˬ tuˬ yawˇ ga piˇ chehˇ ve yoˬ. 1 Peˍtruˆ liꞈ 3:3-5 gʼaw leh na hkawˇ chi htaꞈ tawˇ yaw daꞈ sheˍ:

• Awˬ miˇ ma lehˬ awˬ hpawˇ htaꞈ yawˆ yan ve tehꞈ hpeuꞈ maw piˇ ve kʼo, Yaˬhoˉvaˬ hkʼaˬ hkʼe dawˇ tuˬ le?

6. Nawˬ ve awˬ ca geh shoꞈ shaꞈ ve awˬ lawn teˇ hpaˍ gu gʼa ve

 A yeˇ uiˍ ve awˬ lawn

Awˬ hpawˇ awˬ miˇ ma teˇ gʼaˇ leh teˇ gʼaˇ haꞈ daꞈ ve, yawˆ yan daꞈ ve, leh Liꞈ hpu hkʼaw beˆ maˍ laˇ ve htaꞈ gʼaꞈ te ve kʼo, yawˇ hui ha lehˬ ve cawˬ gʼa ve yoˬ.

Kʼawꞈ gʼaꞈ na ve

• Yehˬ kʼa hkʼaw ha lehˬ ve cawˬ tuˬ awˬ hpawˇ hkʼaˬ hkʼe te gʼa ve le?

• Yehˬ kʼa hkʼaw ha lehˬ ve cawˬ tuˬ awˬ miˇ ma hkʼaˬ hkʼe te gʼa ve le?

• Nawˬ awˬ ca cawˬ˗oˬ ve kʼo, nawˬ ve yehˬ kʼa ha lehˬ ve cawˬ tuˬ Liꞈ hpu hkʼaw ve awˬ liˇ awˬ hkʼaˇ hkʼaˬ ve teˇ maˬ ga laˇ gʼa ve le?