Ngaˬ te gʼa˗aw laˇ?
Hkriꞈ yaˇ awˬ moˍ hkʼaw ve chaw geh ngaˬ hto toˇ gʼa˗aw laˇ?
Nawˬ chi hkʼe te chehˇ ve kʼo, Baˆtiˆsaˬ maˇ haꞈ yuˬ sheˍ ve hto toˇ ve chaw te gʼa ve
Hkʼaˬ htaˆ kaꞈ Liꞈ hpu henˇ ve, bon lawˬ ve, leh hpawnˬ daꞈ˗e ve.
Gʼa henˇ taˍ ve awˬ ceuˬ htaꞈ yonˍ leh awˬ hpfuhˇ shiˍ ve, leh shu htaꞈ kaꞈ kʼoˆ piˇ gaˇ ve.
Yaˬhoˉvaˬ htaꞈ haꞈ leh yawˇ geh awˬ chawˇ te ve chaw htaꞈ meuˆ daꞈ ve.
Mvuhˇ miˬ uˉ peunˍ ve hpawˇ maˇ caˉ daꞈ leh maˇ heˆ heˆ ve bon liˇ hkʼaw tawˆ la ve.
Yaˬhoˉvaˬ ve awˬ liˇ awˬ hkʼaˇ htaꞈ gʼaꞈ te leh Yaˬhoˉvaˬ ve Shaˉhkiˆhkanˍ ve chaw hpehꞈ gaˇ ve.
Nawˬ Hkriꞈ yaˇ awˬ moˍ hkʼaw ve chaw geh hto toˇ gʼa ve tehꞈ dawˇ ve kʼo, nawˬ htaꞈ maˍ laˇ ve chaw htaꞈ kʼoˆ piˇ sheˍ. Yawˇ nyi haꞈ shaˉ paˍ htaꞈ ca hto piˇ leh nawˬ hto toˇ ve chaw hpehꞈ gʼa˗aw laˇ tehꞈ, nyi haꞈ shaˉ paˍ nawˬ geh tawˇ yaw daꞈ tuˬ yoˬ.
Ngaˬ Baˆtiˆsaˬ haꞈ yuˬ gʼa˗aw laˇ?
Nawˬ chi hkʼe te chehˇ ve kʼo, Baˆtiˆsaˬ haꞈ yuˬ gʼa ve
Nawˬ Baˆtiˆsaˬ maˇ haꞈ yuˬ sheˍ ve hto toˇ ve chaw hpehꞈ˗oˬ ve.
Nawˬ te gʼa ve hkʼe hkʼaˬ htaˆ kaꞈ hto toˇ ve.
“Ka tiꞈ yeˬ leh cuˇ yiˍ cawˬ ve awˬ ceˬ” beˆ maˍ laˇ ve htaꞈ gʼaꞈ te ve.—Maꞈhtehˍ 24:45-47.
Nawˬ Yaˬhoˉvaˬ geh bon lawˬ ve hkʼaw yawˇ htaꞈ awˬ to chiˇ aꞈ piˇ ve, leh yawˇ ve kanˉ co co taiˍ taiˍ te tuˬ yoˬ tehꞈ ka tiꞈ te piˇ ve.
Nawˬ Baˆtiˆsaˬ haꞈ yuˬ gʼa ve tehꞈ dawˇ ve kʼo, nawˬ htaꞈ Liꞈ hpu maˍ laˇ ve chaw htaꞈ kʼoˆ piˇ sheˍ. Yawˇ nyi haꞈ shaˉ paˍ htaꞈ ca hto piˇ leh nawˬ Baˆtiˆsaˬ haꞈ yuˬ gʼa˗aw laˇ tehꞈ, nyi haꞈ shaˉ paˍ nawˬ geh tawˇ yaw daꞈ tuˬ yoˬ.
