Suh peuˬ ve chaw “kʼawꞈ teꞈ tu la tuˬ yoˬ.”​—Tcuh yaˇ 24:15.

Haꞈ ve chaw suh peuˬ kʼo, dawˇ sha kuiˬ cawˬ sheˍ ve yoˬ.​—2 Kawˇrenˍhtuˆ 1:3, 4.

Suh ve htaꞈ dawˇ kawˆ ve teˇ ceuˬ htaꞈ ponˬ piˇ gʼa ve yoˬ.​—Heˍbrehˇ 2:15.

Nawˬ haꞈ ve chaw suh peuˬ kʼo, yawˇ htaꞈ teˇ pawˆ kʼawꞈ mawˬ daꞈ tuˬ awˬ tehˬ ve dawˇ law kuiˬ cawˬ ve yoˬ.​—Yoˇhanˬ 5:28, 29.

Yonˍ gʼa ve yoˬ. Awˬ lawn kʼo . . .

• Gʼuiˬ sha lehˬ a shaꞈ htaꞈ Te hpanˍ shehˍ hpaˇ hpehꞈ ve yoˬ. Yaˬhoˉvaˬ Gʼuiˬ sha htaꞈ Liꞈ hpu hkʼaw kuˬ taˍ ve “a shaꞈ teꞈ ve hkʼa peu˗eˬ ve awˬ hkuiˉ puiˍ hpehꞈ ve yoˬ”. (Chiˇ mvuh ve 36:9; Tcuh yaˇ 17:24, 25) Teꞈ chehˇ ve teˇ ceuˬ le le htaꞈ a shaꞈ peꞈ laˇ shehˍ hpaˇ lehˬ, suh peuˬ ve chaw htaꞈ kʼawꞈ teꞈ tu la piˇ gʼa ve yoˬ tehꞈ hkʼa dehꞈ yonˍ hpehꞈ ve yoˬ.

• Aˬ sho˗eˬ htaˇ Gʼuiˬ sha lehˬ chaw yaˇ htaꞈ teꞈ tu la piˇ jaw ve yoˬ. Chaw mawˇ, yaˇ nehˬ, hawˉ hkʼaˆ, yaˇ miˇ htaꞈ miˬ guiˬ hkʼoˆ teꞈ tu la piˇ ve awˬ lawn hiˉ lawn Liꞈ hpu hkʼaw cawˬ ve yoˬ. Teˇ hpaˍ hpaˍ suh kʼai ve maˇ maw sheˍ. Yaꞈ hkʼaˇ teˇ gʼaˇ kʼo, tuˍ hpfuh hkʼaw awˇ nyi hkʼa gaˬ gʼa chehˇ ve yoˬ.​—Yoˇhanˬ 11:39-44.

• Gʼuiˬ sha oˇ hkʼe teˇ pawˆ kʼawꞈ te gaˇ ve yoˬ. Suh ve teˇ ceuˬ htaꞈ Yaˬhoˉvaˬ canˇ leh canˇ paˍ hpehꞈ ve yoˬ tehꞈ shawˍ ve yoˬ. (1 Kawˇrenˍhtuˆ 15:26) Yawˇ lehˬ canˇ paˍ oˇ hkʼe ve htaꞈ te luˬ piˇ leh suh peuˬ ve chaw htaꞈ kʼawꞈ teꞈ tu la piˇ tuˬ “nyi ma cawˇ” ve yoˬ. Gʼuiˬ sha lehˬ, yawˇ bvuhꞈ tawnˇ taˍ ve chaw teˇ hpaˍ miˬ guiˬ hkʼoˆ kʼawꞈ chehˇ tuˬ yawˇ hui htaꞈ kuˬ tu piˇ tuˬ yoˬ.​—Yawˇbaˆ 14:14, 15.