Yaˬhoˉvaˬ ve Shaˉhkiˆhkanˍ ve chaw Gʼuiˬ sha ve mvuhˇ miˬ Hpawnˬ daꞈ kuiˬ yehˬ teˇ kaˬ le le lo Gʼuiˬ sha ve daꞈ kehˬ ve awˬ meh cawˬ ve yoˬ. Chi htaꞈ pa taw, ngaˬ hui awˬ pon hpawnˬ daꞈ kuiˬ yehˬ htaꞈ daꞈ kehˬ tuˬ te leh haꞈ shaˉ ve lehˬ daꞈ ve awˬ vuiˬ leh daꞈ kehˬ ve oˉ kʼoˍ pui ve hkʼaw a yeˇ uiˍ ve teˇ ceuˬ hpehꞈ ve yoˬ. Teˇ gʼaˇ le le te gʼa ve yoˬ.

Hpawnˬ daꞈ peuˬ hkʼawꞈ nawˉ ha lehˬ ve hkʼaw daꞈ kehˬ tuˬ te˗o. Hpawnˬ daꞈ peuˬ hkʼawꞈ nawˉ teˇ pawˆ le le awˬ viˉ awˬ nyi ha lehˬ ve hkʼaw Gʼuiˬ sha ve mvuhˇ miˬ Hpawnˬ daꞈ kuiˬ yehˬ htaꞈ daꞈ kehˬ tuˬ te ve yoˬ. Daꞈ kehˬ tuˬ hkʼa dehꞈ dehꞈ te ve teˇ shinˉ teˇ pawˆ cawˬ ve yoˬ. Nyi haꞈ shaˉ paˍ leh ga piˇ shehˍ hpaˇ te cawˇ ve awˬ ceuˬ liꞈ kʼoˆ yehˇ leh kanˉ pehˬ piˇ ve yoˬ. Teˇ hpaˍ kʼo yehˬ shiˆ ve, yehˬ htu˗eˍ ve, maˇ heˆ leh jeꞈ meu˗e shiˆ baˬ ve, piˉ htawˆ hteˇ˗ehˍ gu teh ve, aˉ kʼaꞈ yehˬ tsuhˇ ve, yehˬ miˉ ehˉ tsuhˇ ve, maˇ daꞈ ve mawˇ yuˬ baˬ ve, maˇ heˆ leh awˬ baˬ hpawˇ daꞈ kehˬ tuˬ te leh mvuhꞈ tawˆ baˬ ve yoˬ. Teˇ hkʼawꞈ ve teˇ pawˆ, daꞈ kehˬ tuˬ hkʼa dehꞈ te ve teˇ nyi cawˬ ve yoˬ. Ngaˬ hui ve yaˇ htaꞈ kanˉ teˇ ceuˬ ceuˬ te tcuh ve kʼo, yawˇ hui oˉ kʼoˍ pui kuiˬ yehˬ htaꞈ yawˆ yan puiˉ la ve yoˬ.—Cuˇ yiˍ piˇ ve 5:1.

Maˇ daꞈ ve cawˬ kʼo gu piˇ˗oˆ. Teˇ hkʼawꞈ le le Gʼuiˬ sha ve mvuhˇ miˬ Hpawnˬ daꞈ kuiˬ yehˬ hkʼaw leh awˬ baˬ lo hkʼa dehꞈ chaˬ nyi ve teˇ pawˆ cawˬ ve yoˬ. Peuˬ hkʼawꞈ nawˉ, hpawnˬ daꞈ kuiˬ yehˬ chi maw maw yehˇ gʼa leh hpu chi ma ma maˇ gʼa peuˬ tuˬ, hkʼaˬ htaˆ kaꞈ gʼa gu ve yoˬ. (2 Raˍsaˍvanˍ 24:13; 34:10, 11) Hpawnˬ daꞈ kuiˬ yehˬ daꞈ kehˬ leh teˇ ceuˬ kaꞈ maˇ luˬ ve kʼo, Gʼuiˬ sha htaꞈ oˉ kʼoˍ pui tuˬ keunˍ ve awˬ ti hpehꞈ ve yoˬ. Hpawnˬ daꞈ kuiˬ yehˬ htaꞈ ngaˬ hui haꞈ shaˉ ve kʼo, Yaˬhoˉvaˬ htaꞈ haꞈ leh oˉ kʼoˍ pui kuiˬ awˬ ti chi awˬ hpfuhˇ hkʼaˆ ve tehꞈ shawˍ ve ngaˬ hui hpeuꞈ maw piˇ gʼa ve yoˬ. (Chiˇ mvuh ve 122:1) Ngaˬ hui chi hkʼe te ve kʼo, awˬ paˇ awˬ kui chehˇ ve chaw kaꞈ dawˇ cawˇ tuˬ yoˬ.—2 Kawˇrenˍhtuˆ 6:3.

• Aˬ htoꞈ ma pa taw ngaˬ hui oˉ kʼoˍ pui kuiˬ awˬ ti htaꞈ haꞈ shaˉ cawˇ ve le?

• Gʼuiˬ sha ve mvuhˇ miˬ Hpawnˬ daꞈ kuiˬ yehˬ daꞈ kehˬ ve hkʼaˬ htaˆ kaꞈ cawˬ tuˬ, hkʼaˬ hkʼe gu ve le?