Heˍbrehˇ hkawˇ hkʼaw Beˍteˍlaˆ kʼoˆ ve tcuhˉ kuiˬ lehˬ “Gʼuiˬ sha ve yehˬ” hpehꞈ ve yoˬ. (Awˬ hkuiˉ puiˍ 28:17, 19) Awˬ meh chi keunˍ jaˇ. Awˬ lawn kʼo, Gʼuiˬ sha ve kanˉ te ve htaꞈ shehˍ kʼai leh ga piˇ tuˬ, Yaˬhoˉvaˬ ve Shaˉhkiˆhkanˍ ve chaw awˬ ti chi hkʼe ve miˬ guiˬ hkʼa peu˗eˬ hkʼoˆ cawˬ tcuh ve yoˬ. Aˍmeˬriˆkaꞈ mvuhˇ miˬ Neuˇyawˆ venˇ lo Awˬ tcuhˆ puiˍ lonˉ hkʼaw Uˉ peunˍ ve Kawˍmiˍtiˍ kanˉ te ve yoˬ. Yawˇ hui laiˉ mvuhˇ miˬ ve Awˬ tcuhˆ puiˍ ve kanˉ nyi haꞈ shaˉ ve yoˬ. Awˬ tcuhˆ puiˍ lo kanˉ te ve chaw lehˬ Beˍteˍlaˆ ve yehˬ kʼa hkʼaw ve chaw tehꞈ kuˬ ve yoˬ. Teˇ yehˬ kʼa hkʼaw ve chaw hkʼe leˇ, yawˇ hui teˇ moˍ tiˉ hpehꞈ leh teˇ geh chehˇ ve, kanˉ teˇ geh te ve, awˍ teˇ geh caˇ ve, leh Liꞈ hpu teˇ geh henˇ ve yoˬ.—Chiˇ mvuh ve 133:1.

A yeˇ uiˍ ve awˬ ti chi ve hkʼaw yehˬ kʼa hkʼaw ve chaw kanˉ hkʼa dehꞈ te ve yoˬ. Beˍteˍlaˆ teˇ kaˬ le le lo Hkriꞈ yaˇ hawˉ hkʼaˆ leh yaˇ miˇ coˇ caˇ leh Gʼuiˬ sha ve a loˍ awˬ hkʼaˇ suh gʼaꞈ te leh Gʼuiˬ sha ve mvuhˇ miˬ awˬ pon yawˇ hui awˬ yanˇ hkʼaˇ biˇ kanˉ te ve yoˬ. (Maꞈhtehˍ 6:33) Ha pa hpfuhˇ teˇ gʼaˇ kaꞈ maˇ gʼa. Yaꞈ hkʼaˇ, yawˇ hui chehˇ kuiˬ, caˇ tuˬ dawˬ tuˬ cawˬ leh loˍ ve awˬ ceuˬ cawˬ tuˬ hpu a ciˉ gʼa ve yoˬ. Beˍteˍlaˆ hkʼaw teˇ gʼaˇ le le kanˉ cawˬ ve yoˬ. Teˇ hpaˍ hpaˍ kʼo bawehˇ hkʼaw, awˬ chiˇ awˍ te kuiˬ hkʼaw, maˇ heˆ leh awˍ caˇ kuiˬ hkʼaw kanˉ te ve yoˬ. Awˬ nu ve chaw kʼo, liꞈ yanˍ tawˆ ve, liꞈ kʼoˆ tawˉ keu ve, daꞈ kehˬ tuˬ te ve, mawˇ htu˗eˍ ve, mawˇ teˇ hpaˍ nyi haꞈ shaˉ ve, maˇ heˆ leh awˬ nu ve kanˉ te ve yoˬ.

Gʼuiˬ sha ve mvuhˇ miˬ awˬ lawn hto toˇ ve kanˉ ga piˇ tuˬ awˬ ti hpehꞈ ve yoˬ. Chaw yaˇ Liꞈ hpu hkʼaw ve awˬ tehˬ ve htaꞈ shiˍ tcuh tuˬ, Beˍteˍlaˆ teˇ kaˬ le le cawˬ tcuh ve yoˬ. Liꞈ kʼoˆ chi ve kaꞈ Beˍteˍlaˆ hkʼaw ve kanˉ teˇ ceuˬ hpehꞈ ve yoˬ. Uˉ peunˍ ve Kawˍmiˍtiˍ nyi haꞈ shaˉ ve hkʼaw bvuhꞈ taˍ ve yoˬ. Peuˬ hkʼawꞈ nawˉ, hkaw hpi˗u teuˇ yehˇ leh miˬ guiˬ hkʼa peu˗eˬ hkʼoˆ laiˉ ha kaˬ lo yuˬ tawˆ ve awˬ moˍ htaꞈ feu piˇ ve, Beˍteˍlaˆ laiˉ kaˬ lo vaiˇ jaˇ ve liꞈ yanˍ tawˆ ve awˬ hkʼeun htaꞈ yehˇ leh yanˍ tawˆ ve, leh Hkriꞈ yaˇ awˬ moˍ 110,000 kaˬ hpaˆ htaꞈ feu piˇ ve yoˬ. Teˇ nyi le le Beˍteˍlaˆ ve yehˬ kʼa hkʼaw ve chaw a yeˇ uiˍ jaˇ ve kanˉ te tuˬ, yawˇ hui ga daꞈ ve yoˬ. Kanˉ chi lehˬ daꞈ ve awˬ lawn sha tanˇ hto toˇ ve yoˬ.—Maˍkuˆ 13:10.

• Beˍteˍlaˆ hkʼaw a shu kanˉ te ve le? Yawˇ hui aˬ htoꞈ ma gʼa ve le?

• Beˍteˍlaˆ teˇ kaˬ le le lo a yeˇ uiˍ jaˇ ve kanˉ aˬ htoꞈ ma le?