Yaˬhoˉvaˬ ve Shaˉhkiˆhkanˍ ve chaw Gʼuiˬ sha ve kanˉ te ve htaꞈ caˉ daꞈ ve liꞈ henˇ yehˬ laiˉ ceuˬ cawˬ laˬ maw jaˇ˗oˬ ve yoˬ. Awˬ yanˇ hkʼa biˇ hto toˇ ve chaw “te chehˇ ve kanˉ htaꞈ biˇ la htaˇ hkʼa gaˬ” te gʼa tuˬ, daꞈ jaˇ ve liꞈ henˇ yehˬ cawˬ ve yoˬ.—2 Tiˆmoˉseˍ 4:5.

Gʼuˇ suhˍ peuˍ ve chaw Liꞈ henˇ yehˬ. Hkʼaˬ htaˆ kaꞈ gʼuˇ suhˍ peuˍ ve chaw 1 hkʼawꞈ te biˇ˗oˬ htaˇ, yawˇ hui Gʼuiˬ sha ve mvuhˇ miˬ Hpawnˬ daꞈ kuiˬ lo 6 nyi henˇ gʼa ve yoˬ. Gʼuiˬ sha geh hkʼa dehꞈ meuˆ daꞈ gʼa tuˬ, Gʼuiˬ sha ve kanˉ hkʼa dehꞈ te gʼa tuˬ, leh ka tiꞈ yeˬ ve hkʼaw kanˉ chi caˉ leh te gʼa tuˬ, liꞈ henˇ yehˬ chi yawˇ hui htaꞈ ga piˇ ve yoˬ.

Gʼuiˬ sha ve mvuhˇ miˬ Hto toˇ ve chaw Liꞈ henˇ yehˬ. Hto toˇ ve chaw loˍ jaˇ kuiˬ lo ha lehˬ ha kʼa kʼai gʼa ve gʼuˇ suhˍ peuˍ ve chaw Liꞈ henˇ yehˬ chi ve hkʼaw 2 ha pa henˇ ve yoˬ. Yawˇ hui hto toˇ ve chaw loˍ jaˇ kuiˬ lo ha lehˬ ha kʼa kʼai hpehꞈ ve yoˬ. Yawˇ hui daꞈ jaˇ ve bon maˍ paˍ Yeˍsuˆ Hkriꞈ htaꞈ henˇ yuˬ leh, te gaˇ jaˇ ve nyi ma hkʼaw ‘ngaˬ kʼai tuˬ yoˬ, ngaˬ htaꞈ kʼai peu laˇ˗oˆ’ tehꞈ kʼoˆ ve yoˬ. (Iˉsaˍyaˆ 6:8; Yoˇhanˬ 7:29) Teˇ hpaˍ hpaˍ vuiˇ jaˇ kuiˬ lo ca chehˇ˗e htaˇ, a shaꞈ teꞈ hkʼaˇ gʼa pa leh caˇ lawꞈ dawˬ lawꞈ ceh gʼa te ve yoˬ. Yawˇ hui chaw liˇ vaˇ liˇ, mvuhˇ haw awˬ shaˉ, caˇ tuˬ dawˬ tuˬ leh, chaw ceuˬ tawˇ hkawˇ awˬ suhˉ gʼa kʼawꞈ shiˍ ve yoˬ. Chaw haˉ, yaˇ miˇ haˉ, awˬ hpawˇ awˬ miˇ ma a shaꞈ 23 te leh 65 hkʼawꞈ hkʼa gaˬ henˇ hpehꞈ ve yoˬ. Awˬ vuiˬ awˬ suhˉ gʼa htaˇ co ha hpawˇ ve te hkʼaˇ dawˇ hkʼaˇ keunˍ ve cawˬ tuˬ, leh Yaˬhoˉvaˬ yawˇ ve kanˉ yawˇ hui htaꞈ hkʼa dehꞈ te tcuh piˇ gʼa tuˬ, liꞈ henˇ yehˬ chi ga piˇ ve yoˬ.

Vawˆcheu htao˗veuˇ Baiˍbeunˇ Giˇlaˆ Liꞈ henˇ yehˬ. Heˍbrehˇ hkawˇ hkʼaw “Giˇlaˆ” lehˬ “shaˉ hkiˆ hpehꞈ tuˬ haˉ pui hpoˆ taˍ ve” tehꞈ kʼoˆ gaˇ ve yoˬ. Liꞈ henˇ yehˬ chi 1943 hkʼawꞈ htaˇ tanˬ cawˬ leh, Gʼuiˬ sha ve awˬ lawn “miˬ guiˬ awˬ leh hkʼa gaˬ” shaˉ hkiˆ hkanˍ tuˬ, 8,000 gʼaˇ hpaˆ henˇ peuˬ leh miˍshenˍnaˍliˍ te ve yoˬ. (Tcuh yaˇ 13:47) Peˬruˇ mvuhˇ miˬ lo miˍshenˍnaˍliˍ awˉ lawˉ teˇ pawˆ gaˬ la htaˇ, Hkriꞈ yaˇ awˬ moˍ teˇ kaˬ˗ehˬ kaꞈ maˇ cawˬ sheˍ. Yaꞈ hkʼaˇ, chi teˇ hkui Hkriꞈ yaˇ awˬ moˍ 1,000 kaˬ hpaˆ cawˬ ve yoˬ. Jaˬpanˍ mvuhˇ miˬ lo miˍshenˍnaˍliˍ awˉ lawˉ teˇ pawˆ gaˬ la htaˇ, hto toˇ ve chaw 10 gʼaˇ maˇ cawˬ sheˍ. Yaꞈ hkʼaˇ, chi teˇ hkui 200,000 gʼaˇ hpaˆ cawˬ ve yoˬ. Giˇlaˆ liꞈ henˇ yehˬ lo kʼai ve chaw 5 ha pa Liꞈ hpu hkʼa dehꞈ henˇ ve yoˬ. Tcuh peu ve gʼuˇ suhˍ peuˍ ve chaw, miˍshenˍnaˍliˍ, Beˍteˍlaˆ hkʼaw kanˉ te ve chaw, leh toˇ nyi shehˍ hpaˇ teˇ hpaˍ hpaˍ liꞈ henˇ yehˬ chi ve hkʼaw kʼai gʼa ve yoˬ. Miˬ guiˬ hkʼa peu˗eˬ hkʼoˆ lo kanˉ htaꞈ ga piˇ gʼa tuˬ, yawˇ hui hkʼa dehꞈ gʼa henˇ ve yoˬ.

• Aˬ htoꞈ ma awˬ pon Gʼuˇ suhˍ peuˍ ve Liꞈ henˇ yehˬ cawˬ ve le?

• Gʼuiˬ sha ve mvuhˇ miˬ Hto toˇ ve chaw Liꞈ henˇ yehˬ a shu kʼai gʼa ve le?