Awˬ lawn 6
Hkriꞈ yaˇ hpehꞈ ve awˬ chawˇ geh teˇ geh chehˇ ve lehˬ ngaˬ hui awˬ pon awˬ bon hkʼaˬ hkʼe cawˬ ve le?
Maˬdaˬgaˬsaˍkaˍ
Nawˬgʼo˗eˇ
Leˬbaˬnonˍ
Iˉtaˬliˬ
Ngaˬ hui kʼai ve haˍ ve maˇ kʼoˆ, awˬ tcuhˉ awˬ yanˇ maˇ daꞈ ve maˇ kʼoˆ, ngaˬ hui hkʼaˬ htaˆ kaꞈ Hkriꞈ yaˇ hpawnˬ daꞈ˗e ve kʼai chehˇ ve yoˬ. A shaꞈ teꞈ kuiˬ hkʼaw shoꞈ shaꞈ leh kanˉ te heuˬ ve htawˇ, aˬ htoꞈ ma pa taw Yaˬhoˉvaˬ ve Shaˉhkiˆhkanˍ ve chaw yonˍ hkʼaˇ hkʼa shuˍ˗ehˬ ve awˬ chawˇ geh teˇ geh chehˇ tuˬ coˇ caˇ ve le?
Ngaˬ hui chehˇ sha cawˬ sha tuˬ te laˇ ve yoˬ. Pawˇluꞈ lehˬ “shu htaꞈ dawˇ nyi leh awˬ gʼaˇ piˇ˗a veuˬ” tehꞈ bvuhꞈ htaˇ, ngaˬ hui ve Hkriꞈ yaˇ awˬ moˍ hkʼaw ve chaw htaꞈ kʼoˆ taˍ ve yoˬ. (Heˍbrehˇ 10:24) Chi lehˬ “hkʼa dehꞈ dawˇ nyi ve” maˇ heˆ leh hkʼa dehꞈ shiˍ daꞈ ve tehꞈ kʼoˆ gaˇ ve yoˬ. Chi htaꞈ pa taw, ngaˬ hui shu htaꞈ dawˇ nyi piˇ tuˬ Pawˇluꞈ ve tawˇ hkawˇ awˬ gʼaˇ peꞈ laˇ ve yoˬ. Ngaˬ hui ve awˬ viˉ awˬ nyi Hkriꞈ yaˇ htaꞈ shiˍ daꞈ la htaˇ, ngaˬ hui gʼa hpuˇ chehˇ ve awˬ ceuˬ htaꞈ yawˇ hui kaꞈ gʼa hpuˇ leh gʼaˇ jaw ve yoˬ tehꞈ ngaˬ hui gʼa mawˬ tuˬ yoˬ. Ngaˬ hui kaꞈ gʼaˇ tuˬ yawˇ hui ga laˇ gʼa ve yoˬ.
Ngaˬ hui daꞈ ve awˬ chawˇ te daꞈ gʼa ve yoˬ. Ngaˬ hui geh teˇ geh hpawnˬ daꞈ ve chaw lehˬ awˬ htaꞈ hpawˇ ceh shiˍ daꞈ ve maˇ heˆ. Yawˇ hui meuˆ daꞈ jaˇ ve awˬ chawˇ hpehꞈ ve yoˬ. Awˬ kaˍ awˬ nu ve awˬ yanˇ htaˇ kaꞈ daꞈ ve pyawˍ ve awˬ ceuˬ teˇ geh te ve yoˬ. Chi hkʼe te ve aˬ htoꞈ ma awˬ bon cawˬ ve le? Ngaˬ hui teˇ gʼaˇ leh teˇ gʼaˇ dawˇ nyi daꞈ leh haꞈ daꞈ maˇ la tuˬ yoˬ. Ngaˬ hui ve awˬ chawˇ shoꞈ shaꞈ ve awˬ lawn gʼa hpuˇ htaˇ, ngaˬ hui meuˆ daꞈ ve pa taw yawˇ hui htaꞈ haˆ haˆ ga piˇ ve yoˬ. (Tawˇ naˉ ve 17:17) Ngaˬ hui ve Hkriꞈ yaˇ awˬ moˍ teˇ gʼaˇ le le geh awˬ chawˇ te ve kʼo, ngaˬ hui “dawˇ nyi daꞈ puiˉ” ve tehꞈ hpeuꞈ maw piˇ ve yoˬ.—1 Kawˇrenˍhtuˆ 12:24-26.
Ngaˬ hui nawˬ htaꞈ Gʼuiˬ sha ve a loˍ awˬ hkʼaˇ suh gʼaꞈ te chehˇ ve chaw hui geh awˬ chawˇ te tcuh gaˇ ve yoˬ. Awˬ chawˇ oˇ hkʼe ve Yaˬhoˉvaˬ ve Shaˉhkiˆhkanˍ ve chaw awˬ hkʼaw lo nawˬ gʼa mawˬ tuˬ yoˬ. Ngaˬ hui geh la tuˬ nawˬ htaꞈ teˇ ceuˬ kaꞈ taˇ tawˍ gʼaˇ tcuh.
-
Hpawnˬ daꞈ la ve chaw geh teˇ geh awˬ chawˇ te ve aˬ htoꞈ ma awˬ bon cawˬ ve le?
-
Ngaˬ hui ve Hkriꞈ yaˇ awˬ moˍ hkʼaw ve awˬ viˉ awˬ nyi htaꞈ nawˬ hkʼaˬ htaˆ tanˬ shiˍ daꞈ gaˇ ve le?
