Yaˬhoˉvaˬ ve a loˍ awˬ hkʼaˇ suh nawˬ gʼaꞈ te tuˬ laˇ?
Yaˬhoˉvaˬ ve Shaˉhkiˆhkanˍ ve chaw ve awˬ lawn, ngaˬ hui ve kanˉ, leh ngaˬ hui ve kanˉ hkʼaˇ htaꞈ shiˍ maˇ la tuˬ, nawˬ liꞈ kʼoˆ chi gʼaw ve, ngaˬ hui ha lehˬ jaˇ. Ngaˬ hui Yaˬhoˉvaˬ ve a loˍ awˬ hkʼaˇ suh gʼaꞈ te chehˇ ve nawˬ hkʼa dehꞈ shiˍ tuˬ, liꞈ kʼoˆ chi ga laˇ gʼa ve yoˬ hehˉ. Gʼuiˬ sha ve awˬ lawn htaꞈ caˉ leh henˇ ve, henˇ chehˇ ve awˬ ceuˬ nawˬ ve yehˬ kʼa hkʼaw ve chaw leh awˬ chawˇ htaꞈ hto piˇ ve, leh ngaˬ hui geh teˇ geh hpawnˬ daꞈ la ve, awˬ ceuˬ chi teˇ hpaˍ ngaˬ hui nawˬ htaꞈ te tcuh gaˇ ve yoˬ.—Heˍbrehˇ 10:23-25.
Yaˬhoˉvaˬ htaꞈ caˉ daꞈ ve awˬ lawn nawˬ hkʼa dehꞈ henˇ ve kʼo, yawˇ nawˬ htaꞈ hkʼaˬ ma haꞈ ve nawˬ gʼa shiˍ tuˬ yoˬ. Nawˬ kaꞈ yawˇ htaꞈ haꞈ leh daꞈ ve te hkʼawꞈ piˇ gaˇ tuˬ yoˬ. (1 Yoˇhanˬ 4:8-10, 19) Yaꞈ hkʼaˇ, ngaˬ hui ve a shaꞈ teꞈ kuiˬ hkʼaw Gʼuiˬ sha htaꞈ haꞈ ve hkʼaˬ hkʼe hpeuꞈ maw piˇ gʼa tuˬ le? Aˬ htoꞈ ma te yawˇ ve awˬ liˇ awˬ hkʼaˇ htaꞈ na yuˬ ve lehˬ ngaˬ hui awˬ pon awˬ bon cawˬ ve le? Nawˬ ngaˬ hui geh teˇ geh Gʼuiˬ sha ve a loˍ awˬ hkʼaˇ suh gʼaꞈ te gaˇ tuˬ aˬ htoꞈ ma ga laˇ ve le? Hkʼawꞈ laˇ hkawˇ nawˬ leh nawˬ ve yehˬ kʼa hkʼaw ve chaw shiˍ tuˬ, Liꞈ hpu maˍ laˇ ve chaw ga laˇ gʼa ve yoˬ. Nawˬ chi hkʼe te ve kʼo, ‘Gʼuiˬ sha ve haꞈ pehnˇ ve hkʼaw yeˬ chaweh chehˇ taˍ gʼa leh co tiꞈ ha tiꞈ gʼa’ tuˬ yoˬ.—Yuˇdaꞈ 21.
You May Also Like
Ngaˬ hui ve awˬ lawn
Aˬ htoꞈ ma awˬ pon Liꞈ hpu henˇ ve le?
Chaw laiˉ gʼaˇ shiˍ gaˇ jaˇ ve awˬ lawn lehˬ Liꞈ hpu hkʼawꞈ laˇ gʼa ve yoˬ. Nawˬ kaꞈ shiˍ gaˇ˗a laˇ?
NGAˬ HUI HTAꞈ CAˉ DAꞈ VE AWˬ LAWN
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ ve hk’aˬ hk’e te henˇ ve le?
Yaˬhoˉvaˬ ve Shaˉhkiˆhkanˍ ve chaw geh Liꞈ hpu henˇ tuˬ nawˬ Liꞈ hpu hk’aˬ ve teˇ maˬ yehˇ ve kaꞈ hpehꞈ ve yoˬ. Awˬ chawˇ maˇ heˆ leh yehˬ k’a hk’aw ve chaw htaꞈ Liꞈ hpu teˇ geh henˇ tuˬ jehˬ piˇ kaꞈ g’a ve yoˬ.
