Nawˬ Yaˬhoˉvaˬ ve Shaˉhkiˆhkanˍ ve chaw htaꞈ hkʼaˬ nyiˇ gʼaˇ shiˍ daꞈ ve le? Nawˬ awˬ paˇ awˬ kui chehˇ ve chaw, kanˉ teˇ geh te ve chaw, maˇ heˆ leh liꞈ teˇ geh henˇ ve chaw teˇ hpaˍ hpaˍ Shaˉhkiˆhkanˍ ve chaw hpehꞈ ve yoˬ hehˉ. Maˇ heˆ kʼo, ngaˬ hui nawˬ geh Liꞈ hpu awˬ lawn yaw daꞈ jaw ve yoˬ hehˉ. Awˬ tehˬ kʼo, ngaˬ hui a shu hpehꞈ ve le? Leh aˬ htoꞈ ma pa taw ngaˬ hui ve yonˍ hkʼaˇ shu htaꞈ kʼoˆ maˍ piˇ ve le?

Ngaˬ hui awˬ nu ve chaw hkʼa shuˍ hpehꞈ ve yoˬ. Ngaˬ hui lehˬ chaw liˇ vaˇ liˇ leh aˉ yaˇ peun daꞈ ve yoˬ. Ngaˬ hui teˇ hpaˍ hpaˍ oˇ htaˇ kʼo, awˬ kaˍ awˬ nu ve bon liˇ htaꞈ yonˍ jaw ve yoˬ. Teˇ hpaˍ kʼo, Gʼuiˬ sha htaꞈ maˇ yonˍ. Yaꞈ hkʼaˇ, Shaˉhkiˆhkanˍ ve chaw maˇ hpehꞈ la sheˍ htaˇ, ngaˬ hui teˇ gʼaˇ le le Liꞈ hpu hkʼaw maˍ ve htaꞈ hkʼa dehꞈ chaˬ nyi ve yoˬ. (Tcuh yaˇ 17:11) Ngaˬ hui gʼa henˇ ve htaꞈ yonˍ leh Yaˬhoˉvaˬ Gʼuiˬ sha htaꞈ oˉ kʼoˍ pui tuˬ, a shu yawˇ hkʼaˇ yawˇ dawˇ cheˆ ve yoˬ.

Ngaˬ hui Liꞈ hpu henˇ htaˇ awˬ bon gʼa ve yoˬ. Awˬ kaˍ awˬ nu ve chaw hkʼa shuˍ, ngaˬ hui shoꞈ shaꞈ ve awˬ lawn gʼa hpuˇ leh ngaˬ hui ve yaꞈ kuiˬ htaꞈ gʼa tawˍ daꞈ ve yoˬ. Yaꞈ hkʼaˇ, ngaˬ hui coˇ caˇ leh a shaꞈ teꞈ hkʼaˇ hkʼaw teˇ nyi le le Liꞈ hpu hkʼaw ve awˬ liˇ awˬ hkʼaˇ yuˬ yehˇ ve pa taw, daꞈ la ve yoˬ. (Chiˇ mvuh ve 128:1, 2) Chi htaꞈ pa taw, Liꞈ hpu hkʼaw ngaˬ hui gʼa henˇ taˍ ve daꞈ ve awˬ lawn shu htaꞈ maˍ piˇ gaˇ ve yoˬ.

Ngaˬ hui ve a shaꞈ teꞈ hkʼaˇ Gʼuiˬ sha ve awˬ liˇ awˬ hkʼaˇ htaꞈ cuˇ ve yoˬ. Liꞈ hpu hkʼaw ve awˬ liˇ awˬ hkʼaˇ ha lehˬ dawˇ sha ve leh shu htaꞈ yawˆ yan ve maˍ laˇ ve yoˬ. Chi hkʼoˆ kaꞈ, ka tiꞈ yeˬ ve leh ha kʼaˉ puiˉ ve kaꞈ maˍ laˇ ve yoˬ. Chehˇ sha puiˉ ve, kaiˬ ve, yehˬ kʼa hkʼaw cawˇ daꞈ hawˍ daꞈ ve, daꞈ ve te hkʼaˇ dawˇ hkʼaˇ cawˬ ve chi teˇ hpaˍ kaꞈ maˍ laˇ ve yoˬ. “Gʼuiˬ sha lehˬ chaw mehˆ hpfuhˇ htaꞈ maˇ nyi ve” ngaˬ hui yonˍ ve pa taw, miˬ guiˬ hkʼa peu˗eˬ hkʼoˆ ngaˬ hui awˬ viˉ awˬ nyi teˇ moˍ tiˉ hpehꞈ ve yoˬ. Ngaˬ hui chaw hpu chaw naˆ leh mvuhˇ miˬ uˉ peunˍ ve nyi cha ve maˇ cawˬ. Ngaˬ hui awˬ nu ve chaw hkʼa shuˍ hpehꞈ ve htawˇ, ngaˬ hui ve awˬ moˍ awˬ nu ve htaꞈ maˇ shuˍ.—Tcuh yaˇ 4:13; 10:34, 35.

• Yaˬhoˉvaˬ ve Shaˉhkiˆhkanˍ ve chaw leh awˬ nu ve chaw htaꞈ hkʼaˬ hkʼe te shuˍ daꞈ ve le?

• Liꞈ hpu hkʼaw ve awˬ liˇ awˬ hkʼaˇ Shaˉhkiˆhkanˍ ve chaw htaꞈ aˬ htoꞈ ma maˍ piˇ ve le?