Awˬ lawn 22
Awˬ tcuhˆ puiˍ lo aˬ htoꞈ ma kanˉ cawˬ ve le?
Sawˉlaˆmonˍ Conˇ
Kaˬneˬdaˬ
Aˍfaˍriˆkaˆ Awˬ hawˉ hpawˇ
Beˍteˍlaˆ hkʼaw kanˉ te ve chaw lehˬ laiˉ hpawˇ ve kanˉ te ve yoˬ. Yawˇ hui ve mvuhˇ miˬ hkʼaw hto toˇ ve kanˉ htaꞈ nyi haꞈ shaˉ ve yoˬ. Yawˇ hui liꞈ yuˬ tawˆ ve, liꞈ yanˍ tawˆ ve, liꞈ kʼoˆ tawˉ keu ve, liꞈ kʼoˆ feu piˇ ve, awˬ hkawˇ hpaˇ keu ve, VDO te tawˆ ve, maˇ heˆ leh awˬ nu ve kanˉ te ve yoˬ.
Awˬ tcuhˆ puiˍ ve Kawˍmiˍtiˍ kanˉ teˇ hpaˍ htaꞈ nyi haꞈ shaˉ ve yoˬ. Awˬ tcuhˆ puiˍ teˇ kaˬ leh teˇ kaˬ htaꞈ nyi haꞈ shaˉ tuˬ, Uˉ peunˍ ve Kawˍmiˍtiˍ lehˬ Awˬ tcuhˆ puiˍ ve Kawˍmiˍtiˍ htaꞈ awˬ vuiˬ piˇ ve yoˬ. Chi lehˬ nyi haꞈ shaˉ paˍ awˬ vuiˬ gʼa keunˍ ve 3 gʼaˇ maˇ heˆ leh 3 gʼaˇ aꞈ kehˉ cawˬ ve yoˬ. Gʼuiˬ sha ve kanˉ hkʼaˬ hkʼe taw uiˍ la mvuh la ve leh aˬ htoꞈ ma awˬ lawn gʼa hpuˇ ve Kawˍmiˍtiˍ chi lehˬ Uˉ peunˍ ve Kawˍmiˍtiˍ htaꞈ kʼoˆ piˇ ve yoˬ. Gʼa kaˇ ve awˬ lawn chi htaꞈ awˬ gʼuˇ suhˍ hpawˇ lo liꞈ kʼoˆ, hpawnˬ daꞈ ve, hpawnˬ daꞈ lonˉ hkʼaw jehˬ daꞈ nyi cawˇ˗aw laˇ tehꞈ Uˉ peunˍ ve Kawˍmiˍtiˍ dawˇ cheˆ tuˬ yoˬ. Awˬ tcuhˆ puiˍ ve Kawˍmiˍtiˍ yawˇ hui kanˉ te ve hkʼaw beˆ maˍ laˇ hkawˇ gʼa tuˬ, Uˉ peunˍ ve Kawˍmiˍtiˍ lehˬ yawˇ hui awˬ tan te ve chaw htaꞈ Awˬ tcuhˆ puiˍ teˇ kaˬ le le lo kʼai tcuh ve yoˬ. (Tawˇ naˉ ve 11:14) Awˬ tcuhˆ puiˍ lonˉ awˬ tan te ve chaw lehˬ oˇ teˇ tawn lo chehˇ ve awˬ viˉ awˬ nyi htaꞈ awˬ gʼaˇ piˇ tuˬ, a yeˇ uiˍ ve bon maˍ hkawˇ maˍ piˇ tuˬ yoˬ.
Hkriꞈ yaˇ awˬ moˍ teˇ hpaˍ htaꞈ ga piˇ ve yoˬ. Awˬ tcuhˆ puiˍ lo chehˇ ve awˬ viˉ awˬ nyi teˇ hpaˍ hpaˍ lehˬ Hkriꞈ yaˇ awˬ moˍ awˬ suhˉ cawˬ tcuh tuˬ a hkaw˗anˬ cawˬ ve yoˬ. Awˬ nu ve awˬ viˉ awˬ nyi kʼo, Awˬ tcuhˆ puiˍ ve awˬ ti hkʼaw chehˇ ve gʼuˇ suhˍ peuˍ ve chaw, miˍshenˍnaˍliˍ, leh toˇ nyi shehˍ hpaˇ ve kanˉ htaꞈ sheh kʼai ve yoˬ. Yawˇ hui hpawnˬ daꞈ lonˉ te tuˬ gu ve, Gʼuiˬ sha ve mvuhˇ miˬ Hpawnˬ daꞈ kuiˬ yehˬ te ve htaꞈ caˉ daꞈ tuˬ ga piˇ ve, leh Hkriꞈ yaˇ awˬ moˍ loˍ ve liꞈ kʼoˆ feu piˇ ve yoˬ. Awˬ tcuhˆ puiˍ lo ve kanˉ teˇ ceuˬ le le Gʼuiˬ sha ve kanˉ hteˇ˗ehˍ shawˇ˗ehˍ te peuˬ tuˬ ga piˇ ve yoˬ.—1 Kawˇrenˍhtuˆ 14:33, 40.
-
Awˬ tcuhˆ puiˍ ve Kawˍmiˍtiˍ lehˬ Uˉ peunˍ ve Kawˍmiˍtiˍ htaꞈ hkʼaˬ hkʼe ga piˇ ve le?
-
Awˬ tcuhˆ puiˍ lo aˬ htoꞈ ma kanˉ cawˬ ve le?
