“Awˬ tehˬ awˬ na awˬ bon uiˍ ve chaw teˇ hpaˍ lehˬ, Gʼuiˬ sha ve tawˇ hkawˇ htaꞈ na yuˬ leh te kʼai ve chaw hui yoˬ.”​—Luˉkaꞈ 11:28.

Awˬ tehˬ awˬ na haꞈ daꞈ ve yoˬ.​—Eˇfeˇsuꞈ 5:28, 29.

Nyi ma awˬ tawˬ hkʼa gaˬ yawˆ yan daꞈ ve yoˬ.​—Eˇfeˇsuꞈ 5:33.

Awˬ tehˬ awˬ na yeˬ ve yoˬ.​—Maˍkuˆ 10:6-9.

Yonˍ gʼa ve yoˬ. Awˬ lawn kʼo . . .

• Gʼuiˬ sha lehˬ yehˬ kʼa htaꞈ tanˬ shehˍ hpaˇ hpehꞈ ve yoˬ. Liꞈ hpu hkʼaw kʼoˆ taˍ ve, Yaˬhoˉvaˬ lehˬ teˇ yehˬ kʼa le le ve “Awˬ pa hpehꞈ ve yoˬ”. (Eˇfeˇsuꞈ 3:14, 15) Awˬ pa hpehꞈ ve tehꞈ kʼoˆ ve lehˬ, Yaˬhoˉvaˬ te hpanˍ taˍ ve htaꞈ pa taw yehˬ kʼa cawˬ la ve yoˬ. Aˬ htoꞈ ma pa taw tcuhˉ kuiˬ chi a yeˇ uiˍ ve le.

  Dawˇ nyi sheˍ. Nawˬ awˍ chiˇ gʼa caˇ leh mehˬ ve kʼo, awˬ chiˇ te ve awˬ hkʼaˇ nawˬ a shu htaꞈ ca na nyi tuˬ le. Awˍ chiˇ te shehˍ hpaˇ htaꞈ na nyi cawˇ ve maˇ heˆ laˇ.

  Chi hkʼa shuˍ, yehˬ kʼa hkʼaw ha lehˬ dawˇ sha gaˇ ve kʼo, yehˬ kʼa htaꞈ tanˬ shehˍ hpaˇ Yaˬhoˉvaˬ htaꞈ ca na nyi ve lehˬ daꞈ ve yoˬ.​—Awˬ hkuiˉ puiˍ 2:18-24.

• Gʼuiˬ sha nawˬ awˬ pon dawˇ nyi puiˉ ve yoˬ. Yaˬhoˉvaˬ ve tawˇ hkawˇ awˬ hkʼaw lo beˆ maˍ laˇ hkawˇ htaꞈ gʼaꞈ ca ve yehˬ kʼa lehˬ cuˇ yiˍ cawˬ ve yoˬ. Aˬ htoꞈ ma pa taw le. Awˬ lawn kʼo, “Gʼuiˬ sha nawˬ hui awˬ pon dawˇ nyi puiˉ ve pa taw” yoˬ. (1 Peˍtruˆ 5:6, 7) Ngaˬ hui awˬ pon dawˇ nyi puiˉ ve Yaˬhoˉvaˬ beˆ maˍ laˇ hkawˇ htaꞈ hkʼaˬ htaˆ kaꞈ yehˇ gʼa ve yoˬ.​—Tawˇ naˉ ve 3:5, 6; Iˉsaˍyaˆ 48:17, 18.