Liꞈ hpu hkʼaw kʼoˆ ve, mvuhˇ naw ma tcuh yaˇ teˇ gʼaˇ Gʼuiˬ sha htaꞈ hpfuhˆ ve yoˬ. Leh peuˬ hkʼawꞈ nawˉ yawˇ htaꞈ Saˍtanˍ tehꞈ kuˬ ve yoˬ. Gʼuiˬ sha chaw yaˇ htaꞈ uˉ peunˍ tuˬ a hkaw˗anˬ maˇ cawˬ tehꞈ yawˇ she pfuhˍ piˇ ve yoˬ. Chaw yaˇ Gʼuiˬ sha uˉ peunˍ ve awˬ hawˉ lo maˇ chehˇ ve kʼo, ha lehˬ jaˇ tuˬ yoˬ tehꞈ kʼoˆ ve yoˬ. Ngaˬ hui ve awˬ pa awˬ e Aˍdanˍ leh Eˇvaꞈ Saˍtanˍ hkʼa shuˍ Gʼuiˬ sha htaꞈ hpfuhˆ ve pa taw, nyi ma luˬ jaˇ.—Awˬ hkuiˉ puiˍ 3:1-6; Hpeuꞈ maˍ ve 12:9.

Aˍdanˍ leh Eˇvaꞈ Gʼuiˬ sha uˉ peunˍ ve htaꞈ maˇ haꞈ yuˬ htaˇ, yawˇ hui daꞈ jaˇ ve hko hkʼaw maˇ gʼa chehˇ˗o. Co co taiˍ taiˍ ve a shaꞈ leh, chehˇ sha cawˬ sha ve leh, dawˇ law kuiˬ htaꞈ yawˇ hui shonˇ kʼai ve yoˬ. (Awˬ hkuiˉ puiˍ 3:17-19) Yawˇ hui dawˇ cheˆ ve awˬ yaˇ awˬ duˬ htaꞈ heuˆ la kuiˬ cawˬ jaˇ. Aˍdanˍ venˇ baˆ te yaꞈ ve lehˬ Gʼuiˬ sha hkawˇ maˇ na ve yoˬ. “Chaw teˇ gʼaˇ htaꞈ pa taw miˬ guiˬ hkʼoˆ lo venˇ baˆ loꞈ la leh, venˇ baˆ htaꞈ pa taw suh ve teˇ ceuˬ cawˬ la ve yoˬ.” (Roˉmaꞈ 5:12) Venˇ baˆ lehˬ nyi ma luˬ tuˬ te laˇ jaˇ. “Chaw teˇ hpaˍ hpaˍ kanˇ paˆ cawˬ leh, teˇ hpaˍ hpaˍ yawˇ hui awˬ hawˉ lo gʼa hkanˍ chehˇ taˍ ve yoˬ.” (Cuˇ yiˍ piˇ ve 8:9) Hkʼa sha sha˗ehˬ kʼoˆ ve kʼo, chaw yaˇ uˉ peunˍ ve kʼo hkʼaˬ htaˆ kaꞈ luˬ ve sheˆ ve gʼa hpuˇ tuˬ yoˬ.

Chaw yaˇ tanˬ uˉ peunˍ ve awˉ lawˉ teˇ gʼaˇ lehˬ Neˍyawˇdaˆ meh ve yoˬ. Yawˇ Yaˬhoˉvaˬ uˉ peunˍ ve htaꞈ hpfuhˆ leh tawˍ ve yoˬ. Neˍyawˇdaˆ ve awˬ co˗e htaˇ, kanˇ paˆ cawˬ ve chaw lehˬ yaꞈ ve hpawˇ yehˇ ve yoˬ. Jawˇmawˇ Sawˉlaꞈmonˍ bvuhꞈ taˍ ve aˬ laˬ hkʼe 3,000 hkʼawꞈ hpaˆ gaˬ˗oˬ ve yoˬ. Oˇ kaˬ lo kʼoˆ ve, “shu fawˉ mehˍ ve htaꞈ gʼa hkanˍ ve chaw teˇ hpaˍ kuˬ hawˬ chehˇ ve yoˬ. Yaꞈ hkʼaˇ, chaw teˇ gʼaˇ kaꞈ yawˇ hui htaꞈ maˇ ca ga piˇ. Awˬ lawn kʼo, shu htaꞈ fawˉ mehˍ piˇ shehˍ hpaˇ teˇ hpaˍ lehˬ, yawˇ hui geh kanˇ paˆ cawˬ taˍ ve pa taw yoˬ.” —Cuˇ yiˍ piˇ ve 4:1.

Chi beuꞈ teˇ co˗e kaꞈ hkʼa shuˍ yoˬ. 2009 hkʼawꞈ mvuhˇ miˬ hkʼoˆ ve kanˇ paˆ lonˉ ve awˬ moˍ hkʼaw ve liꞈ kʼoˆ teˇ kʼoˆ hkʼaw kʼoˆ ve, uˉ peunˍ ve maˇ daꞈ ve lehˬ “shoꞈ shaꞈ ve awˬ ceuˬ lehˬ chaw yaˇ geh laˬ ve tehꞈ maˇ˗awˍ ve chaw kʼoˆ ve yoˬ.”

Miˬ guiˬ chi daꞈ ve uˉ peunˍ shehˍ hpaˇ cawˬ cawˇ ve yoˬ. Chi lehˬ ngaˬ hui htaꞈ hpanˍ shehˍ hpaˇ Gʼuiˬ sha ka tiꞈ te laˇ peuˬ ve yoˬ!

Gʼuiˬ sha yawˇ ve mvuhˇ miˬ teh leh chaw yaˇ uˉ peunˍ ve hkʼa peu˗eˬ ve awˬ tanˬ ca uˉ peunˍ la tuˬ yoˬ. “Mvuhˇ naw ma Gʼuiˬ sha lehˬ, mvuhˇ miˬ lonˉ teˇ peˆ kʼawꞈ cawˬ la piˇ tuˬ yoˬ.” (Daˍyeˍlaˆ 2:44) Mvuhˇ miˬ chi gaˬ la tuˬ laiˉ lanˬ gʼaˇ bon lawˬ chehˇ ve yoˬ. (Maꞈhtehˍ 6:9, 10) Yaꞈ hkʼaˇ, Gʼuiˬ sha lehˬ mvuhˇ miˬ chi htaꞈ yawˇ tiˉ uˉ peunˍ ve maˇ heˆ. Chaw yaˇ hpehꞈ jaw ve uˉ peunˍ shehˍ hpaˇ te tuˬ yawˇ leuˆ yuˬ ve yoˬ. Gʼuiˬ sha a shu htaꞈ leuˆ yuˬ ve le?