“Nawˬ ve mvuhˇ miˬ gaˬ la piˇ˗oˆ”— Laiˉ lanˬ gʼaˇ bon chi hkʼe law ve yoˬ
Nawˬ Gʼuiˬ sha ve mvuhˇ miˬ uˉ peunˍ la tuˬ bon lawˬ jaw˗aw laˇ? “Nawˬ ve mvuhˇ miˬ gaˬ la piˇ˗oˆ” tehꞈ laiˉ lanˬ gʼaˇ bon lawˬ ve laiˉ hinˉ hkʼawꞈ gaˬ˗oˬ. Aˬ htoꞈ ma te yawˇ hui bon chi hkʼe lawˬ peuˬ kaꞈ lawˬ ve le? Awˬ lawn kʼo, Yeˍsuˆ awˬ laꞈ gʼawˇ htaꞈ bon chi hkʼe lawˬ tehꞈ kʼoˆ piˇ ve yoˬ.
Awˉ lawˉ htaˇ Gʼuiˬ sha ve mvuhˇ miˬ htaꞈ Yeˍsuˆ kʼoˆ ve, awˬ laꞈ gʼawˇ hui hkʼa peu˗eˬ maˇ shiˍ. Teˇ pawˆ htaˇ yawˇ hui yawˇ htaꞈ na piˇ ve, “Jawˇmawˇ˗oˬ, chi beuꞈ nawˬ lehˬ Iˉsaˍreˍlaˆ chaw ceuˬ htaꞈ mvuhˇ miˬ kʼawꞈ hkʼawꞈ piˇ tuˬ laˇ” Yeˍsuˆ hteˇ˗ehꞈ maˇ kʼoˆ piˇ ve yawˇ hui anˇ jaˇ ve yoˬ. (Tcuh yaˇ 1:6, 7) Gʼuiˬ sha ve mvuhˇ miˬ aˬ htoꞈ ma le leh mvuhˇ miˬ chi hkʼaˬ htaˆ gaˬ la tuˬ ve le? Ngaˬ hui shiˍ tuˬ awˬ hkʼaˇ maˇ cawˬ ve htaꞈ kʼoˆ gaˇ ve laˇ? Maˇ heˆ!
Shaw nyi kuiˬ Taꞈ yehˬ chi teˇ kʼoˆ na hkawˇ chi teˇ hpaˍ htaꞈ hkʼawꞈ laˇ tuˬ yoˬ.
Aˬ htoꞈ ma te Gʼuiˬ sha ve mvuhˇ miˬ cawˬ cawˇ ve le?
Gʼuiˬ sha ve mvuhˇ miˬ hkʼaw a shu Jawˇmawˇ te tuˬ le?
Gʼuiˬ sha ve mvuhˇ miˬ, miˬ guiˬ chi hkʼoˆ hkʼaˬ htaˆ uˉ peunˍ la tuˬ le?
Gʼuiˬ sha ve mvuhˇ miˬ aˬ htoꞈ ma te tuˬ le?
Aˬ htoꞈ ma te ngaˬ hui chi teˇ hkui kaꞈ Gʼuiˬ sha ve mvuhˇ miˬ hpawˇ chehˇ cawˇ ve le?
Gʼuiˬ sha ve mvuhˇ miˬ aˬ htoꞈ ma le?
