Awˬ viˉ awˬ nyi teˇ ca teˇ shawˉ le le awˬ viˉ awˬ nyi ve hpehꞈ laˬ jaw ve awˬ lawn teˇ lawn gʼaw ve yoˬ. Yawˇ hui kʼoˆ ve, “awˬ viˉ awˬ nyi ve hpehꞈ laˬ jaw ve awˬ lawn ngaˬ hui gʼaw ve dawˇ cawˇ jaˇ. Awˬ lawn kʼo, gʼaw peuˬ˗oˬ htaˇ awˬ gʼaˇ gʼa leh nyi ma sha jaˇ. Ngaˬ hui ve a shaꞈ teꞈ hkʼaˇ hkʼaˬ hkʼe hpehꞈ ve htawˇ, yawˇ hui hkʼa shuˍ ka tiꞈ yeˬ gʼa ve tehꞈ shiˍ tuˬ te laˇ ve yoˬ.” Awˬ nu ve awˬ viˉ awˬ nyi yaˇ miˇ kaꞈ chi hkʼa shuˍ dawˇ ve yoˬ. Yawˇ kʼoˆ ve, “awˬ viˉ awˬ nyi ve hpehꞈ laˬ jaw ve awˬ lawn gʼa gʼaw htaˇ, ngaˬ awˬ gʼaˇ gʼa leh nyi ma sha jaˇ. Chi ngaˬ caˉ leh kʼawꞈ te gaˇ tuˬ te laˇ ve yoˬ. Awˬ viˉ awˬ nyi chi ve teˇ hpaˍ Gʼuiˬ sha ve kanˉ hkʼa dehꞈ te gʼa ve yoˬ. Chi ngaˬ Gʼuiˬ sha ve kanˉ hkʼa dehꞈ te gaˇ tuˬ te laˇ leh ngaˬ ve yaˇ Gʼuiˬ sha ve kanˉ awˬ yanˇ hkʼa biˇ te tuˬ awˬ gʼaˇ piˇ ve yoˬ.”

Awˬ viˉ awˬ nyi hpehꞈ laˬ jaw ve awˬ lawn nawˬ htaꞈ kaꞈ ga laˇ gʼa ve yoˬ. Chi nawˬ Yaˬhoˉvaˬ ve kanˉ te gaˇ tuˬ te laˇ ve yoˬ. A shu yawˇ ve gʼaˇ nuˇ kuiˬ htaꞈ tawˍ daꞈ gʼaˇ leh tuꞈ ve hkanˍ ve htaꞈ kaꞈ yeunˇ hkanˍ gʼaˇ leh ha lehˬ leh a shu yawˇ awˬ to htaꞈ kaꞈ nyi hkʼaˇ suh ve yoˬ. Awˬ lawn chi hkʼe ve nawˬ hkʼaˬ kaˬ lo ca gʼa tuˬ le?

• Jw.org leh JW Laiˉbaˍliˍ hkʼaw “Yaˬhoˉvaˬ ve Shaˉhkiˆhkanˍ ve chaw ve hpehꞈ laˬ jaw ve awˬ lawn” Laiˉ lawn cawˬ ve htaꞈ nyi gʼa ve yoˬ.

• Shaw nyi kuiˬ Taꞈ yehˬ VAWˆCHEUˬHTAO˗VEUˇ hkʼaw “Yaˬhoˉvaˬ ve Shaˉhkiˆhkanˍ ve chaw ve hpehꞈ laˬ jaw ve awˬ lawn” hpfuhˆ nyi gʼa ve yoˬ.