Liꞈ hpu gʼaw htaˇ, ngaˬ hui gʼaw ve awˬ ceuˬ htaꞈ hkʼa dehꞈ na gʼa tuˬ hpfuhˆ nyi gʼa ve yoˬ. Yaꞈ hkʼaˇ, ngaˬ hui cuˇ yiˍ gʼa tuˬ ceh tiˉ maˇ te cawˇ. Yaˬhoˉvaˬ hkʼaˬ hkʼe ve Gʼuiˬ sha hpehꞈ leh ngaˬ hui yawˇ htaꞈ hkʼa dehꞈ haꞈ tuˬ hpfuhˆ nyi ve yoˬ. Chi htaꞈ pa taw, ngaˬ hui a shu yawˇ awˬ to htaꞈ na nyi cawˇ ve, ‘ngaˬ gʼaw ve awˬ ceuˬ Yaˬhoˉvaˬ ve awˬ lawn aˬ htoꞈ ma maˍ laˇ ve le?’

Tawˇ pa haˉ te kʼo, Yaˬhoˉvaˬ haꞈ pehnˇ ve, cuˇ yiˍ, hteˇ ve cawˇ ve, leh kanˇ paˆ hkʼaˬ hkʼe cawˬ ve nawˬ gʼaw htaˇ hkʼa dehꞈ chaˬ nyi sheˍ. Yaꞈ hkʼaˇ, Yaˬhoˉvaˬ ve te hkʼaˇ dawˇ hkʼaˇ chi hkʼe ceh tiˉ cawˬ ve maˇ heˆ. Yawˇ te hkʼaˇ dawˇ hkʼaˇ daꞈ jaˇ ve awˬ nu ve kaꞈ cawˬ ve yoˬ. Te hkʼaˇ dawˇ hkʼaˇ chi ve teˇ hpaˍ htaꞈ caˉ daꞈ ve nawˬ hkʼaˬ kaˬ lo hpfuhˆ nyi gʼa tuˬ le?

Yaˬhoˉvaˬ ve Shaˉhkiˆhkanˍ ve chaw hpfuhˆ nyi tuˬ laꞈ caˉ hkʼaw awˬ lawn lonˉ ma “Yaˬhoˉvaˬ Gʼuiˬ sha” leh awˬ lawn ehˉ “Yaˬhoˉvaˬ ve te hkʼaˇ dawˇ hkʼaˇ” hpfuhˆ nyi gʼa ve yoˬ. Peuˬ hkʼawꞈ nawˉ nawˬ Liꞈ hpu hkʼaw gʼaw ve awˬ lawn htaꞈ cawˇ daꞈ ve te hkʼaˇ dawˇ hkʼaˇ htaꞈ caˉ daꞈ ve awˬ lawn leuˉ leh gʼaw gʼa ve yoˬ.