1-2. Peˍteˍkoˆteˍ 33 hkʼawꞈ htaˇ aˬ htoꞈ ma hpehꞈ la ve le?

 Oˇ ve teˇ yanˇ Peˍteˍkoˆteˍ 33 hkʼawꞈ shinˉ nyi mvuhˇ shawˉ htaˇ yoˬ. Awˬ laꞈ gʼawˇ aˬ laˬ hkʼe 120 gʼaˇ yehˬ awˬ htaꞈ teˇ htaiꞈ hkʼaw hpawnˬ daꞈ chehˇ ve yoˬ. (Tcuh yaˇ 1:13-15; 2:1) Ponˬ laˬ ve hkʼaˬ nyiˇ nyi maˇ gaˬ sheˍ htaˇ, yawˇ hui daꞈ jaˇ ve laꞈ shawnˍ htaꞈ gʼa tuˬ ve pa taw, Yeˍsuˆ yawˇ hui htaꞈ Yeˍruˆsaˍlehnˍ venˇ lo chehˇ taˍ sheˍ kʼoˆ piˇ ve yoˬ. (Tcuh yaˇ 1:4, 5) Aˬ htoꞈ ma hpehꞈ la ve teˇ geh nyi sheˍ.

² “Oˇ htaˇ, mvuhˇ haw lonˉ meuˆ ve hkʼa shuˍ shuˍ, teˇ cawˬ haˉ mvuhˇ naw ma lo awˬ hkawˇ bvuhˬ yaꞈ la leh” awˬ hkawˇ chi lehˬ yehˬ teˇ yehˬ hkʼaw lo biˇ sheˬ ve yoˬ. Hkʼe te lehˬ “aˬ miˍ ha hkʼa shuˍ shuˍ, ha tehˍ teˇ hpaˍ” awˬ laꞈ gʼawˇ awˬ hkʼoˆ lo chehˇ taˍ ve yoˬ. Yawˇ hui teˇ gʼaˇ le le “daꞈ ve kehˬ ve awˬ ha hpu biˇ la” ve yoˬ. (Tcuh yaˇ 2:2-4) Yaˬhoˉvaˬ yawˇ ve kanˇ paˆ htaꞈ yehˇ leh chaw chi teˇ moˍ htaꞈ daꞈ kehˬ ve awˬ ha hpu piˇ ve yoˬ. (Tcuh yaˇ 1:8) Yawˇ hui lehˬ daꞈ kehˬ ve awˬ ha hpu leuˆ yuˬ piˇ ve awˉ lawˉ teˇ moˍ hpehꞈ * leh Yeˍsuˆ geh mvuhˇ naw ma hkʼoˆ uˉ peunˍ tuˬ dawˇ law kuiˬ cawˬ ve yoˬ.

3. Awˬ laꞈ gʼawˇ Peˍteˍkoˆteˍ hkʼaw hpawnˬ daꞈ chehˇ htaˇ aˬ htoꞈ ma te yawˇ hui daꞈ kehˬ ve awˬ ha hpu gʼa ve tehꞈ yonˍ gʼa ve le?

³ Nawˬ awˬ laꞈ gʼawˇ teˇ gʼaˇ hpehꞈ leh yehˬ awˬ htaꞈ teˇ htaiꞈ hkʼaw hpawnˬ daꞈ chehˇ ve kʼo, oˇ teˇ nyi hpehꞈ la ve awˬ heˆ htaꞈ nawˬ maˇ leunˇ taˬ. Aˬ miˍ ha hkʼa shuˍ shuˍ, ha tehˍ teˇ hpaˍ nawˬ ve oˉ kʼoˍ  hkʼoˆ lo chehˇ taˍ leh awˬ kaˍ awˬ nu tawˇ laiˉ ceuˬ hkawˇ yaw ve yoˬ! (Tcuh yaˇ 2:5-12) Daꞈ kehˬ ve awˬ ha hpu nawˬ htaꞈ leuˆ yuˬ ve tehꞈ nawˬ hkʼa dehꞈ yonˍ gʼa ve yoˬ. Yaꞈ hkʼaˇ, leuˆ yuˬ taˍ ve chaw teˇ gʼaˇ le le daꞈ kehˬ ve awˬ ha hpu hkʼa shuˍ gʼa leh a shaꞈ teꞈ ve teˇ co˗e hkʼaw ve chaw ceh tiˉ laˇ? Maˇ heˆ. Ngaˬ hui hkʼaˬ hkʼe te shiˍ gʼa ve le?

4. Awˉ lawˉ peuˇ ve leuˆ yuˬ piˇ taˍ ve chaw teˇ gʼaˇ le le awˬ yanˇ teˇ yanˇ hkʼaw ceh tiˉ leuˆ yuˬ piˇ ve laˇ? Kʼoˆ maˍ laˇ sheˍ.

⁴ Awˬ yanˇ htaꞈ teˇ geh nyi sheˍ. Peˍteˍkoˆteˍ 33 hkʼawꞈ htaˇ, leuˆ yuˬ piˇ taˍ ve chaw 120 gʼaˇ ceh cawˬ ve maˇ heˆ. Yeˍsuˆ ka tiꞈ te taˍ ve hkʼe, oˇ ve teˇ nyi hkʼaw aˬ laˬ hkʼe shehˆ hinˉ gʼaˇ daꞈ kehˬ ve awˬ ha hpu gʼa ve yoˬ. Yawˇ hui Baˆtiˆsaˬ haꞈ yuˬ htaˇ leuˆ yuˬ piˇ ve yoˬ. (Tcuh yaˇ 2:37, 38, 41) Peuˬ hkʼawꞈ nawˉ, leuˆ yuˬ taˍ ve Hkriꞈ yaˇ teˇ gʼaˇ le le Baˆtiˆsaˬ haꞈ yuˬ htaˇ, leuˆ yuˬ piˇ ve maˇ heˆ. Saˍmaˍriˆ chaw laiˉ gʼaˇ Baˆtiˆsaˬ haꞈ yuˬ peuˬ hkʼawꞈ nawˉ, leuˆ yuˬ piˇ ve yoˬ. (Tcuh yaˇ 8:14-17) Peuˬ hkʼawꞈ nawˉ, Kawˍneˍliˆ ve yehˬ kʼa hkʼaw ve chaw Baˆtiˆsaˬ maˇ haꞈ yuˬ sheˍ htaˇ, kaꞈ leuˆ yuˬ piˇ ve yoˬ.—Tcuh yaˇ 10:44-48.

5. 2 Kawˇrenˍhtuˆ liꞈ 1:21, 22 hkʼaw kʼoˆ taˍ ve hkʼe, chaw teˇ gʼaˇ daꞈ kehˬ ve awˬ ha hpu leuˆ yuˬ piˇ htaˇ aˬ htoꞈ ma hpehꞈ la ve le?

⁵ Daꞈ kehˬ ve awˬ ha hpu chaw teˇ gʼaˇ htaꞈ leuˆ yuˬ piˇ htaˇ aˬ htoꞈ ma hpehꞈ la ve teˇ geh nyi sheˍ. Awˉ lawˉ htaˇ Yaˬhoˉvaˬ yawˇ hui htaꞈ leuˆ yuˬ laˇ ve tehꞈ haꞈ yuˬ tuˬ haˍ jaˇ. Yawˇ dawˇ ve, ‘aˬ htoꞈ ma te Gʼuiˬ sha ngaˬ htaꞈ leuˆ ve le?’ Teˇ hpaˍ chi hkʼe maˇ dawˇ. Leuˆ yuˬ piˇ taˍ ve chaw hkʼaˬ hkʼe dawˇ ve htawˇ, yawˇ hui htaꞈ hpehꞈ la ve awˬ ceuˬ tcuh yaˇ Pawˇluꞈ kʼoˆ maˍ piˇ ve, nawˬ hui “Yeˍsuˆ htaꞈ yonˍ peuˬ hkʼawꞈ nawˉ, peu laˇ tuˬ yoˬ tehꞈ kʼoˆ taˍ ve daꞈ ve kehˬ ve awˬ ha hpu htaꞈ cuˇ leh, Gʼuiˬ sha nawˬ hui htaꞈ maiˉ taˍ peuˬ * Gʼuiˬ sha ve awˬ shinˉ htaꞈ ngaˬ hui hkʼa biˇ gʼa caˇ tuˬ ve htaꞈ shiˍ tuˬ, chi beuꞈ kaꞈ yawˇ ve awˬ ha hpu ngaˬ hui htaꞈ peꞈ laˇ taˍ peuˬ.” (Eˇfeˇsuꞈ 1:13, 14) Chi htaꞈ pa taw, Yaˬhoˉvaˬ Hkriꞈ yaˇ chi teˇ hpaˍ htaꞈ leuˆ yuˬ piˇ ve tehꞈ hkʼa dehꞈ yonˍ gʼa tuˬ yawˇ daꞈ kehˬ ve awˬ ha hpu htaꞈ cuˇ ve yoˬ. Awˬ hkʼaˇ chi htaꞈ pa taw, awˬ gʼuˇ suhˍ hpawˇ yawˇ hui miˬ guiˬ chi hkʼoˆ, maˇ heˆ mvuhˇ naw ma hkʼoˆ co co taiˍ taiˍ gʼa chehˇ tuˬ daꞈ kehˬ ve awˬ ha hpu yawˇ hui htaꞈ htawˆ hkanˍ piˇ ve maˇ heˆ leh ka tiꞈ te piˇ ve yoˬ.—2 Kawˇrenˍhtuˆ 1:21, 22 gʼaw sheˍ.

6. Leuˆ yuˬ piˇ taˍ ve chaw mvuhˇ naw ma hkʼoˆ awˬ tehˬ awˬ na gʼa taˆ˗e tuˬ aˬ htoꞈ ma gʼa te ve le?

 ⁶ Hkriꞈ yaˇ teˇ gʼaˇ htaꞈ leuˆ yuˬ piˇ htaˇ, yawˇ hkʼaˬ hkʼe hpehꞈ ve htawˇ mvuhˇ naw ma hkʼoˆ gʼa taˆ˗e ve kʼoˆ gaˇ ve laˇ? Maˇ heˆ. Yawˇ mvuhˇ naw ma hkʼoˆ taˆ˗e tuˬ tehꞈ yonˍ gʼa ve yoˬ. Yaꞈ hkʼaˇ, “awˬ viˉ awˬ nyi teˇ hpaˍ˗oˬ, Gʼuiˬ sha nawˬ hui htaꞈ kuˬ yuˬ leuˆ yuˬ ve teˇ ceuˬ yeˬ la tuˬ gʼaˇ hteꞈ te˗o. Chi hkʼe te ve kʼo, nawˬ hui teˇ pawˆ kaꞈ maˇ paiˍ” tuˬ chi htaꞈ tawnˇ taˍ cawˇ ve yoˬ. (2 Peˍtruˆ 1:10) Chi htaꞈ pa taw, leuˆ yuˬ piˇ taˍ ve chaw htaꞈ mvuhˇ naw ma hkʼoˆ taˆ˗e tuˬ kuˬ piˇ taˍ ve yoˬ. Yaꞈ hkʼaˇ, yawˇ laꞈ shawnˍ chi htaꞈ gʼa tuˬ caˉ leh ka tiꞈ gʼa yeˬ ve yoˬ.—Hpiˇliˇpiˆ 3:12-14; Heˍbrehˇ 3:1; Hpeuꞈ maˍ ve 2:10.

7. Leuˆ yuˬ piˇ taˍ ve chaw yawˇ htaꞈ leuˆ yuˬ leh mvuhˇ naw ma hkʼoˆ taˆ˗e tuˬ tehꞈ hkʼaˬ hkʼe te shiˍ gʼa ve le?

⁷ Leuˆ yuˬ piˇ taˍ ve chaw yawˇ htaꞈ leuˆ yuˬ leh mvuhˇ naw ma hkʼoˆ taˆ˗e tuˬ tehꞈ hkʼaˬ hkʼe te shiˍ gʼa ve le? Pawˇluꞈ Roˉmaꞈ venˇ lo awˬ viˉ awˬ nyi htaꞈ kʼoˆ piˇ ve, “Hkriꞈ yaˇ hpehꞈ la tuˬ kuˬ yuˬ taˍ ve” chi hkʼa tawˍ lehˆ gʼa mawˬ ve yoˬ. Pawˇluꞈ yawˇ hui htaꞈ kʼoˆ piˇ ve, “awˬ lawn kʼo, nawˬ hui teˇ pawˆ kʼawꞈ kawˆ tuˬ, awˬ ceˬ ve nyi ma htaꞈ gʼa ve maˇ heˆ. Nawˬ hui awˬ yaˇ ve nyi ma htaꞈ gʼa ve yoˬ. Hkʼe te leh, Aˍbaˆ a pa˗oˬ tehꞈ ngaˬ hui yawˇ htaꞈ kuˬ hpehꞈ ve yoˬ. Ngaˬ hui Gʼuiˬ sha ve awˬ yaˇ hpehꞈ ve yoˬ tehꞈ awˬ ha hpu lehˬ ngaˬ hui ve nyi ma geh teˇ geh shaˉ hkiˆ hkanˍ ve yoˬ.” (Roˉmaꞈ 1:7; 8:15, 16) Chi htaꞈ pa taw, leuˆ yuˬ piˇ taˍ ve chaw yawˇ hui htaꞈ leuˆ yuˬ leh mvuhˇ naw ma hkʼoˆ taˆ˗e tuˬ tehꞈ yonˍ gʼa tuˬ Gʼuiˬ sha daꞈ kehˬ ve awˬ ha hpu htaꞈ cuˇ ve yoˬ.—1 Hteˇsaˍlawˇniˆ 2:12.

8. Leuˆ yuˬ piˇ taˍ ve chaw hpehꞈ ve tehꞈ awˬ nu ve chaw kʼoˆ laˇ tuˬ maˇ loˍ ve, 1 Yoˇhanˬ liꞈ 2:20, 27 hkʼaw hkʼaˬ hkʼe kʼoˆ ve le?

⁸ Leuˆ yuˬ piˇ taˍ ve chaw awˬ tehˬ awˬ na yonˍ gʼa leh mvuhˇ naw ma hkʼoˆ taˆ˗e tuˬ dawˇ htawˇ nawˬ dawˇ maˇ cawˬ tuˬ Yaˬhoˉvaˬ te piˇ ve yoˬ. (1 Yoˇhanˬ 2:20, 27 gʼaw sheˍ.) Hkriꞈ yaˇ awˬ moˍ hkʼaw ve chaw Yaˬhoˉvaˬ maˍ laˇ ve hkʼe, yawˇ hui kaꞈ maˍ piˇ ve htaꞈ gʼa cawˇ ve yoˬ. Yaꞈ hkʼaˇ, leuˆ yuˬ piˇ taˍ ve chaw hpehꞈ ve tehꞈ awˬ nu ve chaw kʼoˆ laˇ tuˬ maˇ loˍ. Yaˬhoˉvaˬ ve daꞈ kehˬ ve awˬ ha hpu lehˬ mvuhˇ naw ma miˬ naˆ ma aꞈ kehˉ kanˇ paˆ uiˍ jaˇ. Yawˇ kanˇ paˆ chi htaꞈ yehˇ leh yawˇ hui leuˆ yuˬ piˇ taˍ ve chaw hpehꞈ ve tehꞈ hkʼa dehꞈ yonˍ gʼa tcuh ve yoˬ!

9. Eˇfeˇsuꞈ liꞈ 1:18 hkʼaw kʼoˆ taˍ ve hkʼe, chaw teˇ gʼaˇ htaꞈ leuˆ yuˬ piˇ htaˇ aˬ htoꞈ ma pa ve le?

⁹ Chi beuꞈ teˇ co˗e Gʼuiˬ sha ve kanˉ te ve chaw laiˉ gʼaˇ, teˇ gʼaˇ htaꞈ leuˆ yuˬ piˇ htaˇ haꞈ yuˬ tuˬ haˍ jaˇ tehꞈ dawˇ ve yoˬ. Chi hkʼe dawˇ ve lehˬ a hkʼe leˇ ceh hpehꞈ ve yoˬ. Yawˇ hui leuˆ yuˬ piˇ taˍ ve chaw maˇ heˆ ve pa taw yoˬ. Gʼuiˬ sha chaw yaˇ htaꞈ miˬ guiˬ hkʼoˆ lo co co taiˍ taiˍ chehˇ tuˬ hpanˍ taˍ ve yoˬ. Mvuhˇ maw ma hkʼoˆ chehˇ tuˬ maˇ heˆ. (Awˬ hkuiˉ puiˍ 1:28; Chiˇ mvuh ve 37:29) Yaꞈ hkʼaˇ, Yaˬhoˉvaˬ chaw teˇ hpaˍ htaꞈ leuˆ yuˬ leh mvuhˇ naw ma hkʼoˆ taˆ˗e tcuh ve yoˬ. Gʼuiˬ sha yawˇ hui htaꞈ leuˆ yuˬ piˇ htaˇ, dawˇ hkʼaˇ leh dawˇ law kuiˬ htaꞈ pa piˇ ve yoˬ. Yawˇ hui mvuhˇ naw ma hkʼoˆ a shaꞈ gʼa tuˬ dawˇ law taˍ ve yoˬ.—Eˇfeˇsuꞈ 1:18 gʼaw sheˍ.

10. ‘Awˬ suhˉ teˇ pawˆ kʼawꞈ paw la ve’ hkʼaˬ hkʼe kʼoˆ gaˇ ve le? (Awˬ maiˉ htaꞈ nyi sheˍ.)

¹⁰ Leuˆ yuˬ piˇ taˍ ve chaw daꞈ kehˬ ve awˬ ha hpu gʼa htaˇ, yawˇ hui ‘awˬ suhˉ teˇ pawˆ kʼawꞈ paw la ve’ yoˬ. * ‘Awˬ suhˉ teˇ pawˆ kʼawꞈ paw la ve’ maˇ heˆ leh “awˬ ha hpu awˬ hkʼaw lo paw la ve” chaw hkʼaˬ hkʼe dawˇ ve, maˇ leuˆ yuˬ piˇ taˍ ve chaw awˬ tehˬ  na maˇ gʼa tehꞈ Yeˍsuˆ kaꞈ kʼoˆ jaw ve yoˬ.—Yoˇhanˬ 3:3-8 awˬ maiˉ htaꞈ nyi sheˍ.

11. Leuˆ yuˬ piˇ taˍ ve chaw, leuˆ yuˬ peuˬ hkʼawꞈ nawˉ dawˇ hkʼaˇ hkʼaˬ hkʼe pa ve le?

¹¹ Leuˆ yuˬ piˇ peuˬ hkʼawꞈ nawˉ, Hkriꞈ yaˇ ve dawˇ hkʼaˇ hkʼaˬ hkʼe te pa ve le? Yaˬhoˉvaˬ yawˇ hui htaꞈ maˇ leuˆ yuˬ piˇ sheˍ htaˇ, yawˇ hui ha lehˬ leh miˬ guiˬ hkʼoˆ lo co co taiˍ taiˍ chehˇ tuˬ dawˇ law taˍ ve yoˬ. Yaˬhoˉvaˬ haiˬ ve awˬ ceuˬ hkʼa peu˗eˬ htaꞈ yuˬ baˬ leh miˬ guiˬ chi hkʼoˆ lo Paˍraˍdiˇsuˆ hpehꞈ la tuˬ tehꞈ yawˇ hui dawˇ law taˍ ve yoˬ. Yehˬ kʼa hkʼaw ve chaw maˇ heˆ leh awˬ chawˇ suh taˍ ve htaꞈ kʼawꞈ mawˬ daꞈ tuˬ dawˇ law taˍ ve yoˬ. Yaꞈ hkʼaˇ, yawˇ hui leuˆ yuˬ piˇ peuˬ hkʼawꞈ nawˉ, yawˇ hui ve dawˇ hkʼaˇ kaꞈ pa ve yoˬ. Aˬ htoꞈ ma pa taw le? Yawˇ hui miˬ guiˬ hkʼoˆ co co taiˍ taiˍ chehˇ ve htaꞈ maˇ dawˇ cawˇ ve pa taw maˇ heˆ. Yawˇ hui dawˇ maˇ leh tuꞈ hkanˍ ve gʼa hpuˇ ve pa taw, miˬ guiˬ hkʼoˆ maˇ chehˇ tuˬ dawˇ hkʼaˇ pa ve maˇ heˆ. Yawˇ hui miˬ guiˬ hkʼoˆ co co taiˍ taiˍ chehˇ bawˬ jaˇ tehꞈ dawˇ ve maˇ heˆ. Yaꞈ hkʼaˇ, Yaˬhoˉvaˬ yawˇ ve daˬ kehˬ ve awˬ ha hpu htaꞈ cuˇ leh yawˇ hui ve dawˇ hkʼaˇ leh dawˇ law kuiˬ htaꞈ pa piˇ ve yoˬ.

12. 1 Peˍtruˆ liꞈ 1:3, 4 hkʼaw kʼoˆ taˍ ve hkʼe, leuˆ yuˬ piˇ taˍ ve chaw aˬ htoꞈ ma ve dawˇ law kuiˬ cawˬ ve le?

¹² Leuˆ yuˬ piˇ taˍ ve chaw teˇ hpaˍ awˬ vuiˬ chi htaꞈ maˇ gʼa keunˍ tehꞈ dawˇ ve yoˬ. Yaꞈ hkʼaˇ, Yaˬhoˉvaˬ yawˇ hui htaꞈ leuˆ laˇ awˬ laˇ tehꞈ, htawˇ dawˇ nawˬ dawˇ maˇ cawˬ jaw. Awˬ gʼuˇ suhˍ hpawˇ yawˇ hui mvuhˇ naw ma hkʼoˆ gʼa taˆ˗e tuˬ ve dawˇ law kuiˬ htaꞈ dawˇ nyi htaˇ, awˬ hpfuhˇ shiˍ leh ha lehˬ jaˇ.—1 Peˍtruˆ 1:3, 4 gʼaw sheˍ.

13. Leuˆ yuˬ piˇ taˍ ve chaw miˬ guiˬ hkʼoˆ ve a shaꞈ htaꞈ hkʼaˬ hkʼe dawˇ ve le?

¹³ Chi kʼoˆ gaˇ ve lehˬ leuˆ yuˬ piˇ taˍ ve chaw suh˗e gaˇ ve laˇ? Tcuh yaˇ pawˇluꞈ chi htaꞈ kʼoˆ ve, chaw yaˇ ve awˬ to lehˬ aˉ po kʼo htaꞈ tehˆ taˍ ve yoˬ. Yawˇ kʼoˆ ve “aˉ po kʼo chi awˬ hkʼaw lo ngaˬ hui chehˇ taˍ sheˍ ve teˇ yanˇ, hawˇ ve mawˇ pfuhˇ leh hkʼanˇ chehˇ ve yoˬ. Veuꞈ kʼaˇ maˇ veuꞈ deh gaˇ leh hkʼanˇ chehˇ ve maˇ heˆ. Suh puiˉ ve awˬ ceuˬ htaꞈ teꞈ ve awˬ ceuˬ gʼa hehˆ dawˬ tuˬ, veuꞈ kʼaˇ htaꞈ ngaˬ hui veuꞈ deh gaˇ ve yoˬ.” (2 Kawˇrenˍhtuˆ 5:4) Leuˆ yuˬ piˇ taˍ ve chaw miˬ guiˬ hkʼoˆ chehˇ bawˬ jaˇ leh haˆ suh˗e gaˇ ve tehꞈ maˇ dawˇ. Yawˇ hui a shaꞈ teꞈ kuiˬ hkʼaw ha lehˬ leh teˇ nyi le le yehˬ kʼa hkʼaw ve chaw leh awˬ chawˇ geh Yaˬhoˉvaˬ ve kanˉ te gaˇ ve yoˬ. Yaꞈ hkʼaˇ, yawˇ hui aˬ htoꞈ ma te ve htawˇ, awˬ gʼuˇ suhˍ hpawˇ daꞈ jaˇ ve dawˇ law kuiˬ htaꞈ dawˇ nyi chehˇ ve yoˬ.—1 Kawˇrenˍhtuˆ 15:53; 2 Peˍtruˆ 1:4; 1 Yoˇhanˬ 3:2, 3; Hpeuꞈ maˍ ve 20:6.

14. Oˇ ve teˇ gʼaˇ daꞈ kehˬ ve awˬ ha hpu leuˆ yuˬ piˇ taˍ ve chaw hpehꞈ ve tehꞈ aˬ htoꞈ ma te shaˉ hkiˆ maˇ cawˬ ve le?

¹⁴ Teˇ pawˆ pawˆ kʼo, nawˬ daꞈ kehˬ ve awˬ ha hpu leuˆ yuˬ laˇ ve laˇ tehꞈ htawˇ dawˇ nawˬ dawˇ cawˬ ve yoˬ. Chi hkʼe hpehꞈ ve kʼo, na hkawˇ chi teˇ hpaˍ htaꞈ dawˇ nyi sheˍ. Nawˬ Gʼuiˬ sha ve a loˍ awˬ hkʼaˇ suhˍ gʼaꞈ te gaˇ˗aw laˇ? Nawˬ hkʼaˬ htaˆ kaꞈ hto toˇ gaˇve tehꞈ dawˇ˗aw laˇ? Nawˬ Liꞈ hpu henˇ ve htaꞈ dawˇ cawˇ leh “Gʼuiˬ sha ve naˉ jaˇ ve awˬ ceuˬ” htaꞈ shiˍ gaˇ˗aw laˇ? (1 Kawˇrenˍhtuˆ 2:10) Nawˬ hto toˇ htaˇ Yaˬhoˉvaˬ ga laˇ leh awˬ bon gʼa jaˇ tehꞈ dawˇ jaw˗aw laˇ? Shu Yaˬhoˉvaˬ htaꞈ shiˍ la tuˬ ga piˇ cawˇ ve tehꞈ nawˬ ve nyi ma hkʼaw dawˇ jaw˗aw laˇ? Nawˬ htaꞈ Yaˬhoˉvaˬ laiˉ pawˆ ga laˇ ve tehꞈ mawˬ jaw˗aw laˇ? Hkʼawꞈ laˇ hkawˇ chi teˇ hpaˍ awˬ tehˬ hpehꞈ ve kʼo, nawˬ mvuhˇ naw ma hkʼoˆ gʼa taˆ˗e tuˬ kʼoˆ gaˇ ve laˇ? Maˇ heˆ. Aˬ htoꞈ ma pa taw le? Gʼuiˬ sha ve kanˉ te ve chaw teˇ gʼaˇ le le chi hkʼe dawˇ ve pa taw yoˬ. Yaˬhoˉvaˬ yawˇ ve kanˉ te ve chaw teˇ gʼaˇ le le hkʼaˬ hkʼe ve dawˇ law kuiˬ cawˬ ve htawˇ maˇ kʼoˆ, yawˇ daꞈ kehˬ ve awˬ ha hpu hkʼa shuˍ piˇ tuˬ kʼoˆ taˍ ve yoˬ. Nawˬ leuˆ yuˬ laˇ ve chaw hpehꞈ ve tehꞈ htawˇ dawˇ nawˬ dawˇ cawˬ ve kʼo, nawˬ leuˆ yuˬ piˇ taˍ ve chaw maˇ hpehꞈ. Yaˬhoˉvaˬ leuˆ yuˬ piˇ taˍ ve chaw hpehꞈ ve kʼo, htawˇ dawˇ nawˬ dawˇ maˇ  cawˬ. Yawˇ hui leuˆ yuˬ piˇ taˍ ve chaw hpehꞈ ve tehꞈ yonˍ ve yoˬ.

15. Daꞈ kehˬ ve awˬ ha hpu gʼa ve chaw teˇ gʼaˇ le le mvuhˇ naw ma hkʼoˆ gʼa taˆ˗e ve maˇ heˆ tehꞈ ngaˬ hui hkʼaˬ hkʼe te shiˍ gʼa ve le?

¹⁵ Liꞈ hpu hkʼa peu˗eˬ hkʼaw, daꞈ kehˬ ve awˬ han hpu gʼa ve chaw laiˉ gʼaˇ ve awˬ lawn cawˬ ve yoˬ. Yaꞈ hkʼaˇ, yawˇ hui mvuhˇ naw ma hkʼoˆ taˆ˗e tuˬ maˇ dawˇ law. Daˍviˆ daꞈ kehˬ ve awˬ ha hpu beˆ maˍ piˇ ve yoˬ. (1 Saˍmo˗eˍlaˆ 16:13) Daꞈ kehˬ ve awˬ ha hpu chi Daˍviˆ Yaˬhoˉvaˬ ve awˬ lawn hkʼa dehꞈ shiˍ tuˬ ga piˇ leh Liꞈ hpu kaꞈ bvuhꞈ gʼa ve yoˬ. (Maˍkuˆ 12:36) Chi hkʼe hpehꞈ ve htawˇ, tcuh yaˇ Peˍtruˆ Daˍviˆ “mvuhˇ naw ma hkʼoˆ lo taˆ˗e ve” tehꞈ maˇ kʼoˆ. (Tcuh yaˇ 2:34) Awˬ nu ve teˇ gʼaˇ lehˬ Baˆtiˆsaˬ piˇ paˍ Yoˇhanˬ “daꞈ ve kehˬ ve awˬ ha hpu hkʼa biˇ cawˬ tuˬ yoˬ.” (Luˉkaꞈ 1:13-16) Yeˍsuˆ kʼoˆ ve, Yoˇhanˬ aꞈ kehˉ uiˍ ve chaw teˇ gʼaˇ kaꞈ maˇ cawˬ. Yaꞈ hkʼaˇ, Yeˍsuˆ kʼawꞈ kʼoˆ ve, Yoˇhanˬ lehˬ Gʼuiˬ sha ve mvuhˇ miˬ htaꞈ maˇ gʼa uˉ peunˍ. (Maꞈhtehˍ 11:10, 11) Yawˇ hui teˇ ceuˬ le le htaꞈ te gʼa tuˬ, Yaˬhoˉvaˬ daꞈ kehˬ ve awˬ ha hpu piˇ ve tehꞈ ngaˬ hui chiˍ ve yoˬ. Yaꞈ hkʼaˇ, yawˇ daꞈ kehˬ ve awˬ ha hpu htaꞈ cuˇ leh yawˇ hui mvuhˇ naw ma hkʼoˆ taˆ˗e tuˬ maˇ gʼa leuˆ. Chi yawˇ hui mvuhˇ naw ma hkʼoˆ uˉ peunˍ tuˬ leuˆ yuˬ ve chaw hkʼe leˇ ka tiꞈ maˇ yeˬ ve htaꞈ kʼoˆ gaˇ ve laˇ? Maˇ heˆ. Yaˬhoˉvaˬ yawˇ hui htaꞈ Paˍraˍdiˇsuˆ hkʼaw teˇ pawˆ kʼawꞈ teꞈ tu la tcuh tuˬ yoˬ.—Yoˇhanˬ 5:28, 29; Tcuh yaˇ 24:15.

16. Chi beuꞈ teˇ co˗e Gʼuiˬ sha ve kanˉ te ve chaw maˇ˗awˍ ve aˬ htoꞈ ma htaꞈ dawˇ law taˍ ve le?

¹⁶ Chi beuꞈ teˇ co˗e Gʼuiˬ sha ve kanˉ te ve chaw maˇ˗awˍ ve, mvuhˇ naw ma hkʼoˆ taˆ˗e tuˬ maˇ dawˇ law. Liꞈ hpu ve awˬ co˗e htaˇ hawˉ hkʼaˆ leh yaˇ miˇ teˇ hpaˍ Aˍbraˍhanˍ, Saˍraˇ, Daˍviˆ, Baˆtiˆsaˬ piˇ paˍ Yoˇhanˬ hui htawˇ, miˬ guiˬ hkʼoˆ Gʼuiˬ sha ve mvuhˇ miˬ uˉ peunˍ ve awˬ hawˉ lo chehˇ tuˬ dawˇ law taˍ ve yoˬ.—Heˍbrehˇ 11:10.

17. Gʼuˇ suhˍ teˇ lawn hkʼaw ngaˬ hui aˬ htoꞈ ma htaꞈ henˇ tuˬ le?

¹⁷ Chi beuꞈ teˇ co˗e kaꞈ leuˆ yuˬ piˇ taˍ ve chaw ngaˬ hui geh chehˇ taˍ sheˍ. Ngaˬ hui teˇ ceuˬ ceuˬ htaꞈ htawˇ dawˇ nawˬ dawˇ cawˬ ve yoˬ. (Hpeuꞈ maˍ ve 12:17) Leuˆ yuˬ piˇ taˍ ve chaw a shu yawˇ awˬ to htaꞈ hkʼaˬ hkʼe dawˇ nyi cawˇ ve le? Nawˬ ve Hkriꞈ yaˇ awˬ moˍ hkʼaw Yeˍsuˆ suh ve dawˇ nawˇ tuˬ hpawnˬ daꞈ ve te htaˇ, chaw teˇ gʼaˇ hkaoˍ monˇ caˇ leh a pehˉ meuˇ gʼuiˬ dawˬ ve kʼo, nawˬ hkʼaˬ hkʼe dawˇ tuˬ ve le? Leuˆ yuˬ taˍ ve chaw kʼawꞈ maˇ la ve kʼo, nawˬ aˬ htoꞈ ma htaꞈ dawˇ haˍ cawˇ ve le? Na hkawˇ chi ve gʼuˇ suhˍ teˇ lawn hkʼaw teˇ geh henˇ tuˬ yoˬ.