Maˇ heˆ. Nawˬ Gʼuiˬ sha maˇ caˇ tcuh laˇ ve iˉ shiˍ htaꞈ caˇ ve kʼo, nawˬ awˬ to ceh suh˗e ve yoˬ. Yaꞈ hkʼaˇ, mawˬ maˇ gʼa ve co ha maˇ suh tehꞈ Saˍtanˍ Eˇvaꞈ htaꞈ maˇ gʼa kʼoˆ piˇ. (Chi beuꞈ teˇ co˗e ve chaw maˇ suh puiˉ ve a shaꞈ tehꞈ kʼoˆ ve yoˬ.) Eˇvaꞈ suhˆ cehˬ oˇ ve teˇ cehˬ ve awˬ shiˍ htaꞈ caˇ ve kʼo, “nawˬ maˇ suh taˬ” tehꞈ Saˍtanˍ vuiˬ htaꞈ cuˇ leh kʼoˆ tcuh ve yoˬ. Eˇvaꞈ a shaꞈ gʼa kʼawꞈ teꞈ chehˇ tuˬ ve htaꞈ kʼoˆ gaˇ ve yoˬ. Nawˬ Gʼuiˬ sha htaꞈ maˇ cuˇ kaꞈ miˬ guiˬ hkʼoˆ lo daꞈ jaˇ ve a shaꞈ teꞈ chehˇ gʼa ve tehꞈ Saˍtanˍ kʼoˆ ve yoˬ.—Awˬ hkuiˉ puiˍ 2:17; 3:3-5.

Maˇ suh puiˉ ve a shaꞈ htaꞈ caˉ daꞈ ve maˇ heˆ heˆ maˍ ve chi Eˍdenˍ hko hkʼaw maˇ tanˬ ve kʼo, hkʼaˬ htaˆ tanˬ ve le? Ngaˬ hui hkʼa dehꞈ maˇ shiˍ. Yaꞈ hkʼaˇ, maˇ heˆ heˆ ve oˉ kʼoˍ pui ve, Noˉaꞈ awˬ co˗e htaˇ te luˬ peuˬ˗oˬ. Maˇ heˆ heˆ ve bon maˇ leuˉ˗oˬ. Oˇ ve teˇ yanˇ awˬ tehˬ ve htaꞈ oˉ kʼoˍ pui ve Noˉaꞈ ve yehˬ kʼa ceh leuˉ taˉ ve yoˬ.

Chi htaꞈ pa taw maˇ suh puiˉ ve a shaꞈ htaꞈ caˉ daꞈ ve maˍ ve chi, Noˉaꞈ iˉ kaˆ htonˍ peuˬ hkʼawꞈ nawˉ tanˬ ve tehꞈ chi teˇ hkui maˍ chehˇ ve yoˬ. Baˍbuˍlonˍ venˇ te htaˇ, Gʼuiˬ sha lehˬ chaw yaˇ teˇ gʼaˇ leh teˇ gʼaˇ tawˇ yaw ve maˇ pawnˍ daꞈ tuˬ te piˇ ve pa taw, “hkʼaˬ hpawˇ chi hpawˇ lo ca chehˇ kʼai ve yoˬ.” Yawˇ hui maˇ suh puiˉ ve a shaꞈ htaꞈ yonˍ ve yoˬ. (Awˬ hkuiˉ puiˍ 11:8, 9) Maˇ heˆ heˆ yonˍ ve chi hkʼaˬ hkʼe htaˇ tanˬ ve maˇ kʼoˆ, Saˍtanˍ lehˬ ‘heˍ ve awˬ pa’ hpehꞈ leh maˇ heˆ heˆ yonˍ ve htaꞈ awˬ gʼaˇ piˇ chehˇ ve tehꞈ ngaˬ hui yonˍ gʼa leh, chi miˬ guiˬ hkʼoˆ teˇ kaˬ le le lo gaˬ ve yawˇ mawˬ htaˇ ha lehˬ jaˇ.—Yoˇhanˬ 8:44.