Ha pa 1 maˬ 24 nyi 2018 hkʼawꞈ mvuhˇ shawˉ htaˇ, Aˍmeˬriˆkaꞈ leh Kaˬneˬdaˬ mvuhˇ miˬ Beˍteˍlaˆ hkʼaw kanˉ te ve chaw a yeˇ uiˍ ve awˬ lawn gʼa kaˇ ve yoˬ. Awˬ viˉ awˬ nyi Hkeh˗neꞈ Hkuˆ Yaˬhoˉvaˬ ve Shaˉhkiˆhkanˍ ve chaw Uˉ peunˍ ve Kawˍmiˍtiˍ awˬ suhˉ teˇ gʼaˇ gʼa hpehꞈ ve yoˬ.

Awˬ viˉ awˬ nyi Hkuˆ Aˍmeˬriˆkaꞈ mvuhˇ miˬ Hpenˬsinˬveˬni˗aˬ lo paw leh uiˍ la ve yoˬ. Yawˇ liꞈ henˇ yehˬ lo awˬ chawˇ geh awˬ tehˬ ve shiˍ leh, ha pa 6 maˬ 7 nyi 1980 hkʼawꞈ htaˇ Baˆtiˆsaˬ haꞈ yuˬ ve yoˬ. Ha pa 9 maˬ 1 nyi 1982 hkʼawꞈ htaˇ, yawˇ gʼuˇ suhˍ peuˍ ve tanˬ te ve yoˬ. Gʼuˇ suhˍ peuˍ ve 2 hkʼawꞈ te peuˬ hkʼawꞈ nawˉ, ha pa 10 maˬ 12 nyi 1984 hkʼawꞈ htaˇ, yawˇ Vaw˗hkin (Wallkill) Beˍteˍlaˆ hkʼaw kanˉ tanˬ te ve yoˬ.

Awˬ viˉ awˬ nyi Hkuˆ liꞈ yanˍ tawˆ ve hpawˇ leh yehˬ hkʼaw nyi haꞈ shaˉ ve hpawˇ kanˉ 25 hkʼawꞈ te ve yoˬ. 1996 hkʼawꞈ htaˇ, yawˇ Jeh˗miˇ htaꞈ heuˆ daꞈ leh Vaw˗hkin hkʼaw kanˉ teˇ geh te ve yoˬ. Ha pa 12 maˬ 2009 hkʼawꞈ htaˇ, yawˇ huiˉ maˬ Hpehˆhteuˍshanꞈ (Patterson) lo kanˉ tanˬ te leh, Awˬ viˉ awˬ nyi Hkeh˗neꞈ Hkuˆ liꞈ bvuhꞈ feu ve hpawˇ kanˉ te ve yoˬ. Ha pa 4 maˬ 2016 hkʼawꞈ htaˇ, yawˇ huiˉ maˬ Vaw˗hkin lo teˇ hkui teˇ yanˇ ca chehˇ la leh peuˬ hkʼawꞈ nawˉ Buˆlinˍ (Brooklyn) lo kʼawꞈ kʼai ve yoˬ. 5 ha pa peuˬ hkʼawꞈ nawˉ, yawˇ huiˉ maˬ Vawˇviꞈ (Warwick) lo ca chehˇ ve yoˬ. Ha pa 1 maˬ 2017 hkʼawꞈ htaˇ, Awˬ viˉ awˬ nyi Hkuˆ Uˉ peunˍ ve Kawˍmiˍtiˍ liꞈ bvuhꞈ ve hpawˇ ga piˇ shehˍ hpaˇ tanˬ te ve yoˬ.