Henˇ gehˇ sheˍ ve awˬ lawn htaꞈ nawˬ leunˇ˗e jaw laˇ? Ngaˬ hui teˇ gʼaˇ le le kaꞈ leunˇ˗e jaw ve yoˬ. Hkʼe kʼo, ngaˬ hui tawnˇ gʼa tuˬ aˬ htoꞈ ma ga laˇ gʼa ve le? A yeˇ uiˍ ve htaꞈ kʼawꞈ dawˇ nyi ve ga laˇ gʼa ve yoˬ.

A shu yawˇ hkʼaˇ yawˇ Liꞈ hpu henˇ htaˇ, nawˬ henˇ gehˇ sheˍ ve awˬ lawn htaꞈ caˉ daꞈ ve kʼawꞈ dawˇ nyi tuˬ, teˇ hkui hkui jehˇ leh dawˇ nyi sheˍ. Tcuh yaˇ Pawˇluꞈ ve liꞈ hkʼaw awˬ viˉ awˬ nyi chi hkʼe te tuˬ yawˇ beˆ maˍ piˇ ve yoˬ. Yawˇ kʼoˆ ve, “ngaˬ kʼoˆ gaˇ ve awˬ lawn uiˍ ve lehˬ chi hkʼe yoˬ.” (Heˍbrehˇ 8:1) Pawˇluꞈ chi hkʼe beˆ maˍ piˇ ve lehˬ, yawˇ awˬ hkʼaˇ ca ve htaꞈ awˬ viˉ awˬ nyi na gʼa leh yawˇ kʼoˆ ve tawˇ hkawˇ hkʼaˬ hkʼe te caˉ daꞈ ve htaꞈ mawˬ tuˬ kaꞈ ga piˇ ve yoˬ.

Nawˬ gʼa henˇ ve a yeˇ uiˍ ve awˬ lawn htaꞈ kʼawꞈ dawˇ nyi tuˬ, awˬ leh meuˇ htaˇ awˬ yanˇ 10 miꞈ niꞈ yehˇ sheˍ. Nawˬ gʼa henˇ˗oˬ ve htaꞈ maˇ tawnˇ gʼa ve kʼo, awˬ lawn ehˉ teˇ hpaˍ maˇ heˆ leh teˇ tawn leh teˇ tawn htaꞈ kʼawꞈ dawˇ nyi sheˍ. Nawˬ awˬ lawn awˬ suhˉ gʼa kʼawꞈ henˇ ve kʼo, awˬ lawn oˇ ve nawˬ tawˇ yaw jaw ve hkʼe kʼoˆ maˍ piˇ sheˍ. A yeˇ uiˍ ve htaꞈ kʼawꞈ dawˇ nyi ve lehˬ, nawˬ gʼa henˇ˗oˬ ve awˬ lawn htaꞈ ceh tiˉ tawnˇ gʼa tuˬ ga laˇ gʼa ve maˇ heˆ. Yaꞈ hkʼaˇ, awˬ lawn oˇ ve nawˬ a shaꞈ teꞈ kuiˬ hkʼaw hkʼaˬ hkʼe yuˬ yehˇ tuˬ kaꞈ ga laˇ ve yoˬ.