Nawˬ a shu yawˇ hkʼaˇ yawˇ Liꞈ hpu henˇ ve awˬ bon gʼa jaˇ tuˬ te gaˇ˗aw laˇ? A shu yawˇ hkʼaˇ yawˇ Liꞈ hpu henˇ tuˬ daꞈ ve awˬ ti ca tuˬ awˬ hawˉ lo ve htaꞈ gʼaꞈ te sheˍ:

• Daꞈ ve awˬ ti ca ve. Hpehꞈ gʼa ve kʼo, daꞈ ve awˬ ti, daꞈ kehˬ ve awˬ ti, awˬ gʼeuˆ hkʼa dehꞈ gʼa ve awˬ ti, chi teˇ hpaˍ htaꞈ ca sheˍ. Nawˬ aˉ hkʼaw hpui lawˇ hkʼoˆ lo, maˇ heˆ leh awˬ baˬ lo hkʼa sha sha˗ehˬ mui gʼa tuˬ kaꞈ ca sheˍ.

• Chaw gawˬ kuiˬ awˬ ti ca ve. Yeˍsuˆ “mvuhˇ shawˉ teˇ naꞈ” leh “heh puiˉ hkʼaw lo kʼai leh” bon lawˬ ve yoˬ. (Maˍkuˆ 1:35) Nawˬ gawˬ lehˍ ve awˬ ti maˇ cawˬ ve kʼo, nawˬ ve yehˬ kʼa hkʼaw ve chaw maˇ heˆ leh awˬ chawˇ htaꞈ nawˬ Liꞈ hpu hkʼaˬ hkʼe htaˇ henˇ ve awˬ yanˇ kʼoˆ piˇ leh henˇ chehˇ htaˇ a ciˉ taˇ shoꞈ shaꞈ laˇ tehꞈ kaꞈ kʼoˆ piˇ sheˍ.

• Taˇ shoꞈ shaꞈ laˇ tcuh ve. Nawˬ a shu yawˇ hkʼaˇ yawˇ Liꞈ hpu henˇ htaˇ, tawˇ yaw tuˬ awˬ hkʼeun maˇ heˆ leh htehˆ leꞈ yehˇ ve kʼo, maˇ shoꞈ shaꞈ laˇ tuˬ awˬ hkawˇ hoˆ sheˍ. Teˇ ceuˬ ceuˬ gʼa te cawˇ ve tehꞈ nawˬ tawnˇ gʼa ve kʼo, Liꞈ hpu henˇ peuˬ hkʼawꞈ nawˉ te tuˬ liꞈ chi suhˉ˗ehꞈ bvuhꞈ taˍ sheˍ. Nawˬ htaꞈ shoꞈ shaꞈ laˇ ve kʼo, a ciˉ jehˇ leh teˇ ceuˬ ceuˬ te sheˍ.