A shu yawˇ hkʼaˇ yawˇ Liꞈ hpu henˇ ve dawˇ cawˇ tuˬ te leh, hkʼaˬ htaˆ kaꞈ henˇ ve haˍ ve tehꞈ dawˇ˗aw laˇ? Teˇ pawˆ pawˆ kʼo, haˍ ve tehꞈ dawˇ ve yoˬ. Yaꞈ hkʼaˇ, ngaˬ hui hkʼaˬ htaˆ kaꞈ gʼa te ve awˬ ceuˬ htaꞈ dawˇ nyi sheˍ. Tawˇ pa haˉ te kʼo, iˉ kaˆ hehˉ ve lehˬ, awˬ yanˇ gʼa yehˇ leh gʼa coˇ caˇ ve htawˇ, iˉ kaˆ hehˉ peuˬ hkʼawꞈ nawˉ, ngaˬ hui nyi ma sha jaˇ ve yoˬ. A shu yawˇ hkʼaˇ yawˇ Liꞈ hpu henˇ ve kaꞈ chi ve htaꞈ shuˍ ve yoˬ. Chi ve lehˬ ‘daꞈ la kehˬ la tuˬ, iˉ kaˆ tsuhˇ ve hkʼa shuˍ shuˍ, bon hkawˇ htaꞈ yehˇ leh tsuhˇ kehˬ piˇ ve yoˬ.’ (Eˇfeˇsuꞈ 5:26) Nawˬ htaꞈ ga laˇ gʼa ve beˆ maˍ laˇ hkawˇ teˇ ceuˬ ceuˬ htaꞈ teˇ geh nyi sheˍ.

• Hkʼaˬ htaˆ kaꞈ awˬ yanˇ shawˍ teh ve. Hkriꞈ yaˇ teˇ gʼaˇ le le awˬ pon a yeˇ uiˍ jaˇ ve lehˬ, a shu yawˇ hkʼaˇ yawˇ Liꞈ hpu henˇ ve te cawˇ ve yoˬ. (Hpiˇliˇpiˆ 1:10) Chi htaꞈ pa taw, a shu yawˇ hkʼaˇ yawˇ Liꞈ hpu henˇ tuˬ ve awˬ hkʼaˇ hkʼa dehꞈ mawˬ gʼa kuiˬ lo bvuhꞈ nehˉ taˍ sheˍ. Tawˇ pa haˉ te kʼo, teˇ kaˬ kaˬ bvuhꞈ nehˉ taˍ ve, maˇ heˆ leh awˍ chiˇ gʼawˆ keu tuˬ awˬ hkʼeun gawˬ˗ehꞈ ve awˬ hkʼoˆ bvuhꞈ nehˉ taˍ sheˍ. Nawˬ a shu yawˇ hkʼaˇ yawˇ Liꞈ hpu hkʼaˬ htaˆ kaꞈ henˇ tuˬ, tawˇ yaw tuˬ awˬ hkʼeun hkʼaw awˬ hkawˇ bvuhˬ tuˬ te keu taˍ sheˍ.

• Loˍ ve hkʼe awˬ yanˇ pa ve. Nawˬ awˬ pon kʼo hkʼaˬ hkʼe htaˇ hkʼa dehꞈ dawˇ nyi gʼa ve le? Nawˬ a shu yawˇ hkʼaˇ yawˇ Liꞈ hpu henˇ htaˇ, awˬ yanˇ a ciˉ yehˇ maw ve, maˇ heˆ leh teˇ hkui ceh tiˉ yehˇ ve yoˬ. Yaꞈ hkʼaˇ, hkʼaˬ htaˆ kaꞈ te gʼa˗aw laˇ? Hkʼaˬ hkʼe htaˇ hkʼa dehꞈ te gʼa ve, nawˬ awˬ to hkʼa dehꞈ shiˍ leh oˇ hkʼe gʼaꞈ te sheˍ. A shu yawˇ hkʼaˇ yawˇ Liꞈ hpu henˇ ve awˬ yanˇ gaˬ˗oˬ htaˇ, nawˬ maˇ te gaˇ sheˍ tehꞈ dawˇ ve yoˬ. Yaꞈ hkʼaˇ, nawˬ 10 miꞈ niꞈ ceh tiˉ te nyi kaꞈ gʼa ve yoˬ. Awˬ lawn kʼo, maˇ te ve aꞈ kehˉ 10 miꞈ niꞈ ceh tiˉ te ve kaꞈ daꞈ jaˇ ve yoˬ. Nawˬ te gʼa˗oˬ htaˇ, caˉ leh kʼawꞈ te kʼai tuˬ awˬ gʼaˇ cawˬ ve yoˬ.—Hpiˇliˇpiˆ 2:13.

• Henˇ tuˬ ve awˬ lawn awˉ lawˉ htaˇ kaꞈ leuˆ teh taˍ ve. A shu yawˇ hkʼaˇ yawˇ Liꞈ hpu henˇ tuˬ awˬ yanˇ gaˬ˗oˬ htaˇ, aˬ htoꞈ ma awˬ lawn henˇ tuˬ nawˬ kʼawꞈ leuˆ chehˇ ve kʼo, nawˬ “awˬ yanˇ htaꞈ vuiˬ hkʼawꞈ leh hkʼa dehꞈ” maˇ yehˇ ve yoˬ. (Eˇfeˇsuꞈ 5:16) Nawˬ henˇ gaˇ ve awˬ lawn lonˉ ma bvuhꞈ keu sheˍ. Maˇ heˆ leh nawˬ aˬ htoꞈ ma awˬ lawn htawˇ dawˇ nawˬ dawˇ cawˬ ve kʼo bvuhꞈ keu taˍ sheˍ. Nawˬ a shu yawˇ hkʼaˇ yawˇ Liꞈ hpu henˇ ve teˇ pawˆ leh teˇ pawˆ peuˬ hkʼawꞈ nawˉ, awˬ gʼuˇ suhˍ teˇ pawˆ nawˬ aˬ htoꞈ ma awˬ lawn henˇ gaˇ ve bvuhꞈ keu taˍ sheˍ.

• Loˍ ve hkʼe awˬ yanˇ pa ve. Nawˬ a shu yawˇ hkʼaˇ yawˇ Liꞈ hpu henˇ tuˬ ve awˬ yanˇ gaˬ kʼo te sheˍ. Tawˇ pa haˉ te kʼo, nawˬ maˇ taˇ leh awˬ yanˇ kʼawꞈ pa ve, maˇ heˆ leh awˬ lawn kʼawꞈ pa henˇ gaˇ kaꞈ gʼa ve yoˬ. A yeˇ uiˍ jaˇ ve lehˬ, hkʼaˬ hkʼe htaˇ henˇ ve, hkʼaˬ hkʼe maw henˇ ve, maˇ heˆ leh aˬ htoꞈ ma awˬ lawn henˇ ve, a yeˇ uiˍ ve maˇ heˆ. Yaꞈ hkʼaˇ, hkʼaˬ htaˆ kaꞈ henˇ ve lehˬ a yeˇ uiˍ ve yoˬ.

Ngaˬ hui a shu yawˇ hkʼaˇ yawˇ Liꞈ hpu henˇ ve hkʼaˬ htaˆ kaꞈ te ve kʼo, awˬ bon gʼa maˇ jaˇ tuˬ yoˬ. Ngaˬ hui Yaˬhoˉvaˬ geh meuˆ daꞈ ve, cuˇ yiˍ cawˬ ve hkʼaw dawˇ cheˆ gʼa ve, leh nyi ma sha jaˇ ve yoˬ.—Yawˇsuˆ 1:8.