Hkriꞈ yaˇ awˬ moˍ hkʼaw, hpawnˬ daꞈ lonˉ teˇ nyi hkʼaw, leh hpawnˬ daꞈ lonˉ 3 nyi hkʼaw Yaˬhoˉvaˬ htaꞈ oˉ kʼoˍ pui ve awˬ hkʼoˆ kaꞈ, a shu yawˇ hkʼaˇ yawˇ Liꞈ hpu henˇ leh yehˬ kʼa hkʼaw oˉ kʼoˍ pui htaˇ kaꞈ Yaˬhoˉvaˬ htaꞈ oˉ kʼoˍ pui ve yoˬ. A shu yawˇ hkʼaˇ yawˇ Liꞈ hpu henˇ leh yehˬ kʼa hkʼaw oˉ kʼoˍ pui htaˇ te gʼa ve awˬ ceuˬ teˇ hpaˍ:

• Hkriꞈ yaˇ awˬ moˍ hkʼaw hpawnˬ daꞈ tuˬ awˬ pon gu ve, kʼa muiˬ hkawˇ kʼa jawˬ ve, leh yehˬ kʼa hkʼaw ve chaw htaꞈ hkʼawꞈ tuˬ gu piˇ ve.

• Liꞈ hpu hkʼaw ve chaw ve awˬ lawn gʼaw ve. Peuˬ leh awˬ lawn oˇ ve awˬ han shawehˇ leh nawˬ aˬ htoꞈ ma awˬ bon gʼa ve bvuhꞈ nyi ve.

• Liꞈ hpu hkʼaw ve chaw ve bon lawˬ hkawˇ htaꞈ nawˬ gʼaw leh nawˬ ve bon lawˬ hkawˇ hkʼa dehꞈ kʼawꞈ lawˬ gʼa tuˬ awˬ hkʼaˇ tawˇ yaw daꞈ ve.

• Gʼuiˬ sha ve kanˉ hkʼaˇ hkʼaw ve VDO nyi leh nawˬ aˬ htoꞈ ma awˬ bon gʼa ve tawˇ yaw daꞈ leh bvuhꞈ nyi ve.

• Hpawnˬ daꞈ tuˬ awˬ pon gu leh te jawˬ ve.

• Yaˬhoˉvaˬ htaꞈ caˉ daꞈ ve nawˬ htaꞈ aˬ htoꞈ ma maˍ laˇ ve ca guiˇ˗e leh hkʼa dehꞈ dawˇ nyi ve. a