Leˍviˆ ve awˬ ceuˬ awˬ hkʼaˇ ve awˬ vuiˬ teˇ ceuˬ lehˬ paw hkuˇ maˇ gʼa te ve kʼo maꞈ yaˇ gʼa te ve yoˬ. Bon yehˬ lonˉ nyi haꞈ shaˉ paˍ awˬ hoˉ hkawˇ yawˇ hui gʼa na ve yoˬ. Yawˇ hui te ve awˬ vuiˬ Yuˇdaꞈ chaw ve chaˬ nyi paˍ Fe˗lonˍ kʼoˆ ve, “[Leˍviˆ chaw] teˇ hpaˍ hpaˍ bon yehˬ lonˉ yehˬ miˉ htaꞈ shaw taˍ ve yoˬ. A hkaw˗anˬ maˇ gʼa ve chaw maˇ gʼa loꞈ˗e tuˬ yawˇ hui daꞈ kehˬ ve pawehˇ yehˬ miˉ gʼuˇ suhˍ lo shaw taˍ ve yoˬ. Canˇ paˍ maˇ gʼa te luˬ la tuˬ chaw teˇ hpaˍ mvuhˇ hpeuꞈ mvuhˇ shawˉ bon yehˬ lonˉ htaꞈ caw nyi ve yoˬ.”

Maꞈ yaˇ chi ve teˇ hpaˍ lehˬ jehˬ daꞈ shehˍ hpaˇ awˬ moˍ kʼoˆ ve hkʼe gʼaꞈ te ve yoˬ. Roˉmaꞈ mvuhˇ miˬ ve awˬ liˇ awˬ hkʼaˇ cawˇ ve awˬ hkʼaˇ suh Yuˇdaꞈ chaw ceh tiˉ laꞈ caˉ yehˇ gʼa ve yoˬ.

Chaˬ nyi tehˆ nyi paˍ Yawˉaꞈhkiꞈ Yeˍleˍmiˍaˆ kʼoˆ ve, “maꞈ yaˇ Yeˍsuˆ htaꞈ ca hpeh la htaˇ, bon yehˬ lonˉ awˬ hkʼaw lo ngaˬ mui taˍ leh maˍ piˇ chehˇ ve htawˇ, nawˬ hui ngaˬ htaꞈ maˇ hpeh yuˬ tehꞈ kʼoˆ piˇ ve yoˬ. Yawˇ hui bon yehˬ lonˉ shaw paˍ maˇ hpehꞈ ve kʼo Yeˍsuˆ chi hkʼe maˇ na taˬ.” (Maꞈhtehˍ 26: 55) Yeˍsuˆ htaꞈ ca hpeh la ve maꞈ yaˇ chi teˇ gʼaˇ bon yehˬ lonˉ shaw paˍ hpehꞈ ve tehꞈ chaˬ nyi tehˆ nyi paˍ chi teˇ gʼaˇ yonˍ ve yoˬ. (Yoˇhanˬ 7:32, 45, 46) Chi hkʼoˆ kaꞈ, jehˬ daꞈ shehˍ hpaˇ awˬ moˍ bon yehˬ lonˉ nyi haꞈ shaˉ paˍ awˬ hoˉ maꞈ yaˇ teˇ hpaˍ Yeˍsuˆ ve awˬ laꞈ gʼawˇ htaꞈ ca hpeh tcuh ve yoˬ. Tcuh yaˇ Pawˇluꞈ bon yehˬ lonˉ hkʼaw shiˍ tawˆ la htaˇ maꞈ yaˇ kaꞈ nyi ma cawˇ ve yoˬ.—Tcuh yaˇ 4:1-3; 5:17-27; 21:27-30.