JW Laiˉbaˍliˍ leh vehˆsaiˉ JW.ORG hkʼaw “awˬ lawn awˬ tanˇ awˬ suhˉ” chi hkʼaw, liꞈ teˇ hpaˍ, maˇ heˆ leh VDO awˬ suhˉ htaꞈ nawˬ mawˬ tuˬ yoˬ. Leh nawˬ hkʼaˬ hkʼe te yehˇ tuˬ le?

• Awˬ lawn awˬ suhˉ tawˆ la ve kʼo, oˇ ve htaꞈ caˉ daꞈ ve laiˉ tawn ve awˬ lawn aˆ dehn (update) tuˬ cawˬ ve yoˬ. Hkʼe te leh, nawˬ “awˬ lawn awˬ tanˇ awˬ suhˉ” hkʼaw laiˉ tawn ve awˬ lawn oˇ ve htaꞈ gʼa mawˬ ve kʼo, nawˬ oˇ ve Dao˗lonꞈ gʼa ve yoˬ. Peuˬ hkʼawꞈ nawˉ, oˇ ve hkʼaw loꞈ˗e htaˇ, awˬ lawn awˬ suhˉ awˬ na hpawˇ lo mawˬ tuˬ yoˬ.

• Liꞈ kʼoˆ hkʼaw ve awˬ lawn awˬ tanˇ nawˬ teˇ pawˆ tiˉ maˇ gʼaw peuˬ ve kʼo, hkʼa sha sha˗ehˬ kʼawꞈ ca gʼa tuˬ “Hkʼaˬ htaˆ kaꞈ yehˇ ve” hkʼaw teh gʼa leh liꞈ kʼoˆ chi nawˬ gʼaw peuˬ hkʼawꞈ nawˉ, “Hkʼaˬ htaˆ kaꞈ yehˇ ve” hkʼaw teh taˍ ve htaꞈ nawˬ kʼawꞈ sheˆ baˬ gʼa ve yoˬ.

JW Laiˉbaˍliˍ ehˆ hkʼaw awˬ lawn sha tanˇ leh shiˍ laˇ kaˇ laˇ ve maˇ cawˬ. Vehˆsaiˉ JW.ORG hkʼaw ceh tiˉ cawˬ ve yoˬ. Hkʼe te leh, Vehˆsaiˉ hkʼaw “awˬ lawn awˬ tanˇ awˬ suhˉ” awˬ suhˉ awˬ suhˉ tawˆ la ve htaꞈ nyi gʼa ve yoˬ.