Yaˬhoˉvaˬ ngaˬ hui htaꞈ nyi hkʼaˇ suh laˇ tuˬ yonˍ ve gʼa cawˬ ve yoˬ. Yaꞈ hkʼaˇ, Liꞈ hpu hkʼaw kʼoˆ ve, “chaw hkʼa peu˗eˬ yonˍ ve maˇ heˆ.” (2 Hteˇsaˍlawˇniˆ 3:2) Oˇ ve teˇ yanˇ tcuh yaˇ Pawˇluꞈ yawˇ htaꞈ fawˉ mehˍ laˇ ve chaw htaꞈ kʼoˆ ve yoˬ. Chi ve lehˬ, ‘haiˬ ve chaw teˇ hpaˍ ve laꞈ hkʼaw lo gʼa ponˬ ve yoˬ.’ Yaꞈ hkʼaˇ, Pawˇluꞈ ve tawˇ hkawˇ chi awˬ nu ve chaw htaꞈ kaꞈ kʼoˆ gaˇ sheˍ ve yoˬ. Tawˇ pa haˉ te kʼo, chaw teˇ hpaˍ hpanˍ shehˍ hpaˇ Gʼuiˬ sha cawˬ ve tehꞈ maˇ yonˍ. Awˬ lawn kʼo, Gʼuiˬ sha awˬ tehˬ cawˬ ve shaˉ hkiˆ htaꞈ yawˇ hui maˇ chaˬ nyi ve pa taw yoˬ. (Roˉmaꞈ 1:20) Chaw teˇ hpaˍ kʼoˆ ve, yawˇ hui htaꞈ ga laˇ gʼa ve gʼuiˬ sha teˇ hpaˍ htaꞈ yonˍ ve yoˬ. Yaꞈ hkʼaˇ, chi hkʼe yonˍ ve lehˬ Yaˬhoˉvaˬ nyi hkʼaˇ suh tuˬ te piˇ ve maˇ heˆ.

Yaˬhoˉvaˬ teꞈ chehˇ ve tehꞈ ngaˬ hui yonˍ leh yonˍ ve cawˬ ve chaw htaꞈ yawˇ laꞈ shawnˍ piˇ tuˬ yoˬ. (Heˍbrehˇ 11:6) Yonˍ ve lehˬ Gʼuiˬ sha ve daꞈ kehˬ ve awˬ ha hpu ve awˬ shiˍ hpehꞈ ve yoˬ. Leh ngaˬ hui kaꞈ Gʼuiˬ sha geh daꞈ kehˬ ve awˬ ha hpu lawˬ gʼa ve yoˬ. (Luˉkaꞈ 11:9, 10, 13) Ngaˬ hui daꞈ kehˬ ve awˬ ha hpu gʼa tuˬ a yeˇ uiˍ jaˇ ve lehˬ, Gʼuiˬ sha ve awˬ ha hpu dawˇ pawnˍ piˇ taˍ ve Liꞈ hpu gʼa gʼaw ve yoˬ. Ngaˬ hui Liꞈ hpu gʼaw ve hkʼaw hkʼa dehꞈ dawˇ nyi leh yuˬ yehˇ htaˇ, ngaˬ hui a shaꞈ teꞈ kuiˬ hkʼaw yonˍ ve tehꞈ hpeuꞈ maw piˇ gʼa tuˬ, Yaˬhoˉvaˬ ngaˬ hui htaꞈ daꞈ kehˬ ve awˬ ha hpu peꞈ laˇ ve yoˬ. Chi hkʼe te ve kʼo yawˇ nyi hkʼaˇ suh tuˬ te piˇ chehˇ ve yoˬ.