Daˍyeˍlaˆ liꞈ 9:1-19 gʼaw sheˍ. A shu yawˇ hkʼaˇ yawˇ Liꞈ hpu henˇ ve lehˬ a yeˇ hkʼaˬ hkʼe taw uiˍ ve htaꞈ chaˬ nyi sheˍ.

Liꞈ hpu awˬ tawn chi teˇ hpaˍ htaꞈ chaˬ nyi sheˍ. Aˬ htoꞈ ma ve awˬ lawn hpehꞈ la gehˇ sheˍ ve le? Leh chi ve Daˍyeˍlaˆ htaꞈ heuˆ la kuiˬ hkʼaˬ hkʼe cawˬ ve le? (Daˍyeˍlaˆ 5:29–6:5) Nawˬ Daˍyeˍlaˆ hpehꞈ ve kʼo, hkʼaˬ hkʼe dawˇ tuˬ ve le?

Hkʼa dehꞈ hpfuhˆ nyi sheˍ. Daˍyeˍlaˆ “daꞈ kehˬ ve liꞈ daw” hkʼaw aˬ htoꞈ ma awˬ lawn hpfuhˆ nyi ve le? (Daˍyeˍlaˆ 9:2; w11 1/1 22 ¶2) Daˍyeˍlaˆ leh yawˇ ve chaw awˬ pon te yaꞈ taˍ ve htaꞈ aˬ htoꞈ ma te venˇ baˆ lawˬ hpehˇ ve le? (Oˉ kʼoˍ pui ve 26:39-42; 1 Jawˇmawˇ 8:46-50; dp 182-184) Daˍyeˍlaˆ coˇ caˇ leh Liꞈ hpu henˇ ve tehꞈ yawˇ ve bon lawˬ hkawˇ hkʼaˬ hkʼe hpeuꞈ maw laˇ ve le?—Daˍyeˍlaˆ 9:11-13.

Aˬ htoꞈ ma awˬ bon gʼa ve htaꞈ nyi sheˍ. A shu yawˇ awˬ to htaꞈ na nyi cawˇ ve:

• ‘Miˬ guiˬ hkʼoˆ lo hpehꞈ la chehˇ ve awˬ ceuˬ teˇ hpaˍ htaꞈ hkʼe taw taw maˇ gʼa dawˇ haˍ jaˇ tuˬ ngaˬ hkʼaˬ hkʼe gʼa te cawˇ ve le?’ (Miˆhkaˍ 7:7)

• ‘Daˍyeˍlaˆ hkʼa shuˍ ngaˬ Liꞈ hpu gʼaw leh henˇ ve kʼo, aˬ htoꞈ ma awˬ bon gʼa tuˬ le?’ (w04 8/1 12 ¶17)

• ‘Ngaˬ a shu yawˇ hkʼaˇ yawˇ Liꞈ hpu henˇ ve lehˬ “hkʼa dehꞈ gu taˍ hehnˇ taˍ” tuˬ hkʼaˬ hkʼe ga laˇ ve le?’ (Maꞈhtehˍ 24:42, 44; w12 8/15 5 ¶7-8)