Hpfuhˆ nyi tuˬ awˬ hkʼaˇ
Yaˇ htaꞈ maˍ piˇ tuˬ awˬ lawn
Yaˇ Yaˬhoˉvaˬ htaꞈ shiˍ tuˬ awˬ pa awˬ e maˍ piˇ tuˬ a yeˇ uiˍ jaˇ. (Eˇfeˇsuꞈ 6:4) Chi ve awˬ pa awˬ e htaꞈ ga piˇ gʼa tuˬ Yaˬhoˉvaˬ ve kanˉ hkʼaˇ awˬ lawn teˇ hpaˍ gu teh taˍ laˇ ve maˇ jaˇ. Leh chi ve teˇ hpaˍ nawˬ yehˇ leh yaˇ htaꞈ hkʼaˬ hkʼe maˍ piˇ gʼa tuˬ le?
Vehˆsaiˉ JW.ORG hkʼaw nyi gʼa ve yoˬ. Ngaˬ hui ve vehˆsaiˉ yaˇ ehˉ leh yaˇ nehˬ htaꞈ maˍ piˇ tuˬ awˬ lawn cawˬ maˇ jaˇ. a Tawˇ pa haˉ te kʼo, aˬ htoꞈ ma cawˬ ve hpfuhˆ nyi kuiˬ hkʼaw “Yaˇ ehˉ” maˇ heˆ leh “Yaˇ nehˬ” bvuhꞈ keu nyi gʼa ve yoˬ.
Nawˬ ve yaˇ htaꞈ hawˍ daꞈ ve awˬ lawn leuˆ sheˍ. Awˬ lawn lonˉ ma “Yaˇ ehˉ” VDO, liꞈ hkawˇ maˇ heˆ leh nawˬ ve yaˇ awˬ pon awˬ bon cawˬ tuˬ chi ve teˇ hpaˍ hkʼaw nyi gʼa ve yoˬ. Chi hkʼoˆ kaꞈ, hpfuhˆ nyi kuiˬ hkʼaw “Yehˬ kʼa hkʼaw oˉ kʼoˍ pui htaˇ te tuˬ ve awˬ lawn” bvuhꞈ keu nyi gʼa ve yoˬ.
Nawˬ ve yaˇ geh tawˇ yaw daꞈ tuˬ awˬ yanˇ ca sheˍ. VDO hpaw leh yaˇ htaꞈ ceh tiˉ nyi tcuh ve taˇ te. Maˇ heˆ leh yaˇ liꞈ kʼoˆ hkʼaw leh awˬ han shawehˇ leh awˬ sheuˉ shehˍ ve ceh tiˉ kaꞈ taˇ te tcuh. Yaꞈ hkʼaˇ, laiˉ ceuˬ teˇ geh te leh yaˇ Yaˬhoˉvaˬ geh meuˆ daꞈ tuˬ teˇ geh tawˇ yaw daꞈ sheˍ.
a JW Laiˉbaˍliˍ® hkʼaw, yaˇ leh yaˇ nehˬ awˬ pon VDO cawˬ maˇ jaˇ. Yaꞈ hkʼaˇ, awˬ han shawehˇ ve hkʼa peu˗eˬ maˇ cawˬ.
