CHAW HAˉ YAˇ MIˇ HAˉ AWˬ PON
9: A shu yawˇ hk’aˇ yawˇ awˬ to hpehꞈ ve
HK’Aˬ HK’E K’Oˆ GAˇ VE LE?
Nawˬ awˬ to lehˬ nawˬ ve awˬ meh maˇ heˆ leh nawˬ ve mehˆ hpfuhˇ, hk’aˬ hk’e cawˬ ve htaꞈ ceh k’oˆ gaˇ ve maˇ heˆ. Yaꞈ hk’aˇ, nawˬ ve yonˍ ve leh, te hk’aˇ dawˇ hk’aˇ htaꞈ kaꞈ k’oˆ gaˇ ve yoˬ. Awˬ tehˬ k’oˆ k’o, nawˬ awˬ to lehˬ, awˬ hk’aw hpawˇ leh awˬ htaꞈ hpawˇ ve htaꞈ k’oˆ gaˇ ve yoˬ.
Aˬ HTOꞈ MA TE A YEˇ UIˍ JAˇ VE LE?
Nawˬ awˬ to a shu yawˇ hkʼaˇ yawˇ hpehꞈ ve k’o, awˬ chawˇ nawˬ htaꞈ nyiˉ laˇ tcuh ve aꞈ kehˉ, nawˬ yonˍ ve awˬ ceuˬ htaꞈ vawˆ tiˍ taˍ g’a ve yoˬ.
“Chaw maˇ-awˍ ve lehˬ aˉ poꞈ veuꞈ k’aˇ hawˇ kuiˬ sainˍ hk’aw ve chaw awˬ hoꞈ awˬ han htaꞈ shuˍ ve yoˬ. Yawˇ hui aˉ poꞈ veuꞈ k’aˇ hk’aˬ hk’e ve veuꞈ tuˬ leuˆ maˇ g’a. Awˬ nu ve chaw fuiˉ piˇ ve yoˬ.”—A-den.
“Haˍ ve awˬ ceuˬ hpehꞈ ve htawˇ, cawˇ ve awˬ ceuˬ htaꞈ vawˆ tiˍ g’a tuˬ ngaˬ awˬ meu-eˇ awˬ meu-eˇ henˇ ve yoˬ. A shu teˇ g’aˇ ngaˬ ve awˬ chawˇ awˬ tehˬ hpehꞈ ve htaꞈ shiˍ tuˬ yawˇ ngaˬ htaꞈ te laˇ ve awˬ ceuˬ htaꞈ nyi leh ngaˬ yawˇ hui geh chehˇ htaˇ ngaˬ hkʼaˬ hkʼe ve chaw hpehꞈ ve htaꞈ kaꞈ shiˍ gʼa ve yoˬ.”—Hkaw-niˇ.
LIꞈ HPU HK’AW BEˆ MAˍ LAˇ TAˍ VE: “Chi miˬ guiˬ yaˇ ve awˬ liˇ awˬ hk’aˇ teˇ hpaˍ awˬ hk’aˇ suh taˇ k’ai. Nawˬ hui shiˍ leh fuiˍ daꞈ g’a tuˬ, nyi ma awˬ suhˉ k’awꞈ pa leh, chaw awˬ suhˉ hpehꞈ la piˇ-oˆ.”—Roˉmaꞈ 12:2.
NAWˬ Aˬ HTOꞈ MA TE G’A VE LE?
Chi teˇ hkui nawˬ hk’aˬ hk’e ve chaw hpehꞈ ve le, leh nawˬ awˬ to hk’aˬ hk’e hpawˇ uiˍ la mvuh la gaˇ ve htaꞈ dawˇ nyi sheˍ. Chi hk’e te tuˬ nawˬ te g’a ve awˬ ceuˬ, te maˇ gʼa ve awˬ ceuˬ, leh yonˍ ve awˬ ceuˬ htaꞈ dawˇ nyi gʼa ve yoˬ. Awˬ hawˉ lo ve htaꞈ nyi sheˍ.
Te g’a ve awˬ ceuˬ: Ngaˬ te puiˉ te hpehꞈ awˬ ceuˬ aˬ htoꞈ ma cawˬ ve le? Ngaˬ te g’a awˬ ceuˬ aˬ htoꞈ ma cawˬ ve le? (Tawˇ pa haˉ te k’o, ngaˬ tinˍ taˍ ve htaꞈ awˬ yanˇ cawˇ cawˇ k’ai g’a˗aw laˇ? Ngaˬ kaiˬ ve chaw hpehꞈ-aw laˇ? Ngaˬ shu htaꞈ piˇ gaˇ puiˉ ve nyi ma cawˬ˗aw laˇ?) Ngaˬ daꞈ ve awˬ ceuˬ aˬ htoꞈ ma te g’a ve le?
TE NYI SHEˍ: Nawˬ daꞈ ve aˬ htoꞈ ma cawˬ ve htaꞈ maˇ yonˍ g’a ve k’o, awˬ pa awˬ e maˇ heˆ leh nawˬ meuˆ daꞈ ve awˬ chawˇ nawˬ awˬ to hk’aw daꞈ ve aˬ htoꞈ ma cawˬ ve leh aˬ htoꞈ ma pa taw yawˇ hui oˇ hk’e dawˇ ve htaꞈ na piˇ nyi sheˍ.
LIꞈ HPU HK’AW BEˆ MAˍ LAˇ TAˍ VE: “Chaw teˇ gʼaˇ le le lehˬ, a shu yawˇ te taˍ ve kanˉ htaꞈ dawˇ nyi tehˆ nyi-o. Oˇ hkʼe te ve kʼo, shu te taˍ ve kanˉ awˬ hkʼaw lo yawˇ gʼa ha lehˬ tuˬ ve teˇ ceuˬ maˇ heˆ. Yawˇ awˬ to te taˍ ve kanˉ awˬ hkʼaw lo ceh tiˉ yawˇ gʼa ha lehˬ tuˬ yoˬ.”—Gaˍlaˍtiˆ 6:4.
Maˇ te g’a ve awˬ ceuˬ: Ngaˬ ve te hk’aˇ dawˇ hk’aˇ g’a pa cawˇ ve aˬ htoꞈ ma cawˬ ve le? Ngaˬ te yaꞈ tuˬ nyiˉ laˇ ve hk’aˬ hk’e ve teˇ yanˇ le? Ngaˬ a shu yawˇ awˬ to yuˬ tiˍ g’aˇ tuˬ hk’aˬ hk’e ve teˇ yanˇ le?
LIꞈ HPU HK’AW BEˆ MAˍ LAˇ TAˍ VE: ‘Ngaˬ hui venˇ baˆ maˇ cawˬ tehꞈ k’oˆ ve k’o, ngaˬ hui a shu yawˇ awˬ to htaꞈ heˍ ve yoˬ.’—1 Yoˇhanˬ 1:8.
Ngaˬ yonˍ ve awˬ ceuˬ: Ngaˬ awˬ liˇ awˬ hk’aˇ hk’aˬ hk’e cawˬ ve le, leh aˬ htoꞈ ma pa taw le? Ngaˬ G’uiˬ sha htaꞈ yonˍ-aw laˇ? G’uiˬ sha awˬ tehˬ cawˬ ve tehꞈ ngaˬ aˬ htoꞈ ma pa taw yonˍ g’a ve le? Maˇ hteˇ maˇ cawˇ ve tehꞈ ngaˬ shawˍ tuˬ te hk’aˇ dawˇ hk’aˇ hk’aˬ hk’e ve le, leh aˬ htoꞈ ma pa taw le? Awˬ g’uˇ suhˍ hpawˇ htaꞈ caˉ daꞈ ve ngaˬ hk’aˬ hk’e yonˍ ve le?
LIꞈ HPU HK’AW BEˆ MAˍ LAˇ TAˍ VE: “Nawˬ ve dawˇ shiˍ puiˉ ve nyi ma lehˬ, nawˬ htaꞈ haꞈ shaˉ taˍ laˇ leh, maˇ daꞈ ve awˬ ceuˬ htaꞈ nawˬ maˇ gʼa te tuˬ tawˍ taˍ laˇ tuˬ yoˬ.”—Tawˇ naˉ ve 2:11.
