TCUH KAˍ PAˍ TAWˇ HKAWˇ 3. NAˬ BEUˬ

‘Chehˇ kuiˬ teˇ kaˬ peuˬ teˇ kaˬ awˬ hkʼaw lo naˬ beuˬ gaˬ la tuˬ yoˬ.’—LUˉKAꞈ 21:11.

● Aˍfaˍriˆkaˆ miˬ guiˬ teˇ tawn lo maꞈ bawˆ daꞈ ve awˬ yanˇ htaˇ Baw˗sa˗le naˆ tsuhˇ yehˬ hk’aw saˍ laꞈ g’onˍ te chehˇ ve yoˬ. Yawˇ chehˇ ve venˇ hk’aw kanˉ te chehˇ ve chaw naˬ hpeuˆ a naˍ hpehꞈ leh suh˗e yoˬ te chehˇ ve chaw htaꞈ yawˇ haꞈ shaˉ piˇ ve yoˬ. Yaꞈ hk’aˇ, yawˇ hk’a dehꞈ nyi haꞈ shaˉ piˇ maˇ g’a ve yoˬ. a Venˇ lonˉ hk’aw ve saˍ laꞈ g’onˍ ga laˇ tuˬ yawˇ lawˬ ve htawˇ, ga laˇ maˇ g’a sheˍ. 4 ha pa peuˬ hk’awꞈ nawˉ, yawˇ lawˬ ve hk’e ca ga la ve yoˬ. Yaꞈ hk’aˇ, Baw˗sa˗le yawˇ haꞈ shaˉ piˇ ve chaw geh a naˍ nehˉ leh suh˗e ve yoˬ.

AWˬ TEHˬ VE Aˬ HTOꞈ MA LE? Awˬ to hkʼaw ve a naˍ teˇ hpaˍ lehˬ awˬ tsuhˇ hpoˆ a naˍ, gʼoˇ peˬ awˬ nyi te ve a naˍ, loˆeꞈ (HIV) a naˍ, mawꞈ hoꞈ a naˍ leh naˬ hpeuˆ a naˍ, chi teˇ hpaˍ lehˬ chaw suh maˇ jaˇ tuˬ te piˇ ve yoˬ. 2004 hkʼawꞈ hkʼaw ceh tiˉ kaꞈ a naˍ chi ve 5 ceuˬ htaꞈ pa taw, 10.7 lanˬ gʼaˇ suh˗e ve yoˬ. Chi ve teˇ hkʼawꞈ hkʼaw a naˍ chi ve teˇ hpaˍ htaꞈ pa taw 3 miꞈ niꞈ ehˉ hkʼaw 1 gʼaˇ suh˗e ve yoˬ.

MAˇ˗AWˍ VE CHAW HKʼAˬ HKʼE KʼOˆ VE LE? Mvuhˇ miˬ yaˇ gʼaˇ hteꞈ maˇ ve kʼo, naˍ beuˬ leh naˍ ve gawˬ ve kaꞈ gʼaˇ hteꞈ maˇ la ve yoˬ.

CHI HKʼE KʼOˆ VE AWˬ HKʼAˇ CA˗AW LAˇ? Mvuhˇ miˬ yaˇ gʼaˇ hteꞈ maˇ la ve yoˬ. Yaꞈ hkʼaˇ, chaw yaˇ cuˇ yiˍ cawˬ leh chaˬ nyi g’a ve, a naˍ maˇ gʼa pehˇ kʼai gʼa tuˬ gu gʼa leh a naˍ htaꞈ kaꞈ haꞈ shaˉ gʼa ve yoˬ. Chi htaꞈ pa taw, naˬ beuˬ a naˍ chi ve teˇ hpaˍ gʼaˇ hteꞈ i kʼai cawˇ ve maˇ heˆ laˇ? Yaꞈ hkʼaˇ, chi hkʼe maˇ heˆ.

NAWˬ HKʼAˬ HKʼE DAWˇ VE LE? Naˬ beuˬ cawˬ tuˬ yoˬ tehꞈ awˬ gʼuˇ suhˍ htaˇ kaꞈ Liꞈ hpu hkʼaw kʼoˆ taˍ ve hkʼe, chaw yaˇ a naˍ chi ve htaꞈ pa taw tuꞈ hkanˍ chehˇ ve maˇ heˆ laˇ?

Miˬ hiˆ ve, caˇ tuˬ dawˬ tuˬ maˇ lawꞈ ve, leh a naˍ teˇ hpaˍ chaw laiˉ lanˬ gʼaˇ htaꞈ suh tuˬ te piˇ ve yoˬ. Chi teˇ hpaˍ lehˬ chaw yaˇ te taˍ ve maˇ heˆ. Yaꞈ hkʼaˇ, chaw yaˇ te taˍ ve awˬ ceuˬ kaꞈ chaw laiˉ lanˬ gʼaˇ gʼa tuꞈ gʼa hkanˍ chehˇ tuˬ te piˇ ve yoˬ. Laiˉ gʼaˇ kʼo haꞈ shaˉ piˇ ve htaꞈ gʼa cawˇ ve htawˇ kʼawꞈ te luˬ piˇ ve yoˬ. Liꞈ hpu hkʼaw tcuh kaˍ paˍ ve tawˇ hkawˇ hkʼaˬ hkʼe kʼoˆ taˍ ve htaꞈ chaˬ nyi sheˍ.

[Awˬ maiˉ]

[Awˇ ceˍ awˇ fa]

“Chaw yaˇ htaꞈ laˇ caˬ shiˉ cheꞈ caˇ ve kʼo, kawˆ tuˬ cawˬ jaˇ. Yaꞈ hkʼaˇ, chi ve aꞈ kehˉ kawˆ tuˬ cawˬ ve lehˬ awˬ to hkʼaw a naˍ lonˉ cawˬ leh maˇ˗awˍ ve chaw kaꞈ chi hkʼa shuˍ gʼa hpuˇ ve htaꞈ mawˬ ve yoˬ.”—A NAˍ HPAWˇ CHAˬ NYI PAˍ, MAI˗HKEUN.

[Awˬ han yuˬ laˬ kuiˬ]

© William Daniels/Panos Pictures