TUꞈ JAˇ HKANˍ JAˇ VE LEHˬ DAWˇ LAW KUIˬ CAWˬ TUˬ TE LAˇ VE

“Awˬ leh meuˇ ve awˬ nyi awˬ haˉ teˇ hpaˍ awˬ hkʼaw lo haˍ jaˇ ve awˬ yanˇ gaˬ la tuˬ yoˬ.”—2 TIˆMOˉSEˍ 3:1.

Nyi ma luˬ jaˇ tuˬ te laˇ ve awˬ hawˉ lo ve chi teˇ hpaˍ htaꞈ nawˬ gʼa kaˇ gʼa mawˬ jaw-aw laˇ?

● Naˬ beuˬ a naˍ htaꞈ pa taw chaw laiˉ ha gʼaˇ gʼa suh˗e ve.

● Meuꞈ ve kaˆ ve htaꞈ pa taw chaw laiˉ hinˉ gʼaˇ gʼa suh˗e ve.

● Miˬ hiˆ ve htaꞈ pa taw chaw laiˉ meunˍ gʼaˇ gʼa suh˗e ve, leh chaw maˇ maˇ chehˇ kuiˬ maˇ cawˬ ve.

Teˇ lawn peuˬ teˇ lawn hkʼaw hpehꞈ la ve awˬ lawn teˇ hpaˍ htaꞈ caˉ daꞈ ve nawˬ hkʼa dehꞈ dawˇ nyi tuˬ te laˇ ve yoˬ. Chi hkʼoˆ kaꞈ, Liꞈ hpu hkʼaw tcuh kaˍ paˍ ve tawˇ hkawˇ hk’aw k’oˆ ve, awˬ heˆ oˇ ve teˇ hpaˍ “awˬ leh meuˇ ve awˬ nyi awˬ haˉ” awˬ hk’aw awˬ tehˬ hpehꞈ la tuˬ yoˬ. a

Awˬ lawn chi ve hkʼaw awˬ lawn teˇ hpaˍ lehˬ, nawˬ chehˇ ve awˬ leh meuˇ awˬ yanˇ chi miˬ guiˬ chi hk’oˆ lo tuꞈ ve hkanˍ ve tiˉ cawˬ ve tehꞈ nawˬ htaꞈ maˇ yonˍ tcuh gaˇ. Tuꞈ ve hkanˍ ve chi teˇ hpaˍ htaꞈ nawˬ kaꞈ gʼa mawˬ chehˇ ve yoˬ. Chi htaꞈ pa taw, chi ve teˇ lawn lehˬ nawˬ dawˇ law kuiˬ cawˬ tuˬ bvuhꞈ laˇ taˍ ve yoˬ. Tcuh kaˍ paˍ ve tawˇ hkawˇ “awˬ leh meuˇ ve awˬ nyi awˬ haˉ” chi maˇ maw k’o peuˬ-e tuˬ yoˬ tehꞈ nawˬ g’a mawˬ tuˬ yoˬ. Chi hkʼoˆ kaꞈ, awˬ lawn chi hkʼaw “awˬ leh meuˇ ve awˬ nyi awˬ haˉ” hk’aw ngaˬ hui chehˇ ve maˇ heˆ tehꞈ chaw teˇ hpaˍ hk’aˬ hk’e k’oˆ ve htaꞈ cha nyi leh awˬ g’uˇ suhˍ hpawˇ chi aꞈ kehˉ daꞈ jaˇ ve cawˬ tuˬ yoˬ tehꞈ nawˬ yonˍ tuˬ te laˇ ve yoˬ.

[Awˬ maiˉ]