Liꞈ kʼoˆ ‘Daꞈ jaˇ ve mvuhˇ miˬ’ hkʼaw nawˬ Liꞈ hpu henˇ leh hkʼa dehꞈ na gʼa tuˬ Liꞈ hpu ve miˬ guiˬawˬ han cawˬ ve yoˬ. Liꞈ hpu awˬ ti, venˇ, leh mvuhˇ miˬ laiˉ mvuhˇ miˬ kʼoˆ taˍ ve yoˬ. Liꞈ hpu gʼaw htaˇ nawˬ miˬ guiˬ awˬ han liꞈ kaꞈ gʼa nyi ve kʼo, hkʼa dehꞈ na gʼa tuˬ yoˬ. Liꞈ kʼoˆ ‘Daꞈ jaˇ ve mvuhˇ miˬ’ lehˬ Liꞈ hpu hkʼaw kʼoˆ taˍ ve awˬ ti teˇ hpaˍ htaꞈ nawˬ hkʼa dehꞈ na gʼa tuˬ ga laˇ gʼa ve yoˬ. Nawˬ miˬ guiˬ awˬ han htaꞈ hkʼa dehꞈ na gʼa˗oˬ htaˇ, nawˬ Liꞈ hpu hkʼaw ve awˬ lawn htaꞈ hkʼa dehꞈ na gʼa la tuˬ yoˬ.

Liꞈ kʼoˆ ‘Daꞈ jaˇ ve mvuhˇ miˬ’ lehˬ miˬ guiˬ awˬ han leh bvuhꞈ taˍ ve awˬ yanˇ htaꞈ kʼoˆ taˍ ve yoˬ. Miˬ guiˬ awˬ han chi ngaˬ hui hkʼa dehꞈ hpfuhˆ nyi leh te tawˆ la ve yoˬ. Nawˬ Liꞈ hpu htaꞈ hkʼa dehꞈ na gʼa la tuˬ ga laˇ gʼa ve yoˬ.

Nawˬ awˬ lawn chi teˇ hpaˍ htaꞈ na gʼa la tuˬ yoˬ.

• Aˍbraˍhan, Iˉcaˆ leh Yaˍkoˆ hkʼaˬ kaꞈ lo kʼai jaw ve le?

• Iˉsaˍreˍlaˆ chaw Eˇjiˆtuˆ mvuhˇ hkʼaw tawˆ la leh Gʼuiˬ sha ka tiꞈ te taˍ ve mvuhˇ miˬ hkʼaw loꞈ˗e tuˬ hkʼaˬ kaꞈ lo kʼai jaw ve le?

• Iˉsaˍreˍlaˆ chaw ve venˇ leh canˉ paˍ ve venˇ hkʼaˬ hkʼe peu˗eˬ daꞈ ve le?

• Yeˍsuˆ bon maˍ jaw ve awˬ ti

• Baˍbuˍlonˍ venˇ, Heˍlaˍsaˆ venˇ, Roˉmaꞈ venˇ leh Liꞈ hpu hkʼaw awˬ nu ve venˇ teˇ hpaˍ hkʼaˬ hkʼe hpehꞈ ve le?

Liꞈ hpu ve miˬ guiˬ awˬ han Shaw nyi kuiˬ Taꞈ yehˬ liꞈ teh kuiˬ bawehˇ in˗teu˗neꞈ hkʼaw nawˬ nyi gʼa ve yoˬ.