Lanambili wa Timoteo 3:1-17
3 Mbwenye uidhiwe ira malambo omari-a anodha kala hora yavakhundu na yorucha.
2 Atu anodha kala odhidhiveliwana okhene, odhiveliwana kobiri, ogaya, odhigweli-a, onyoza, o-ovwela anamabala, o-osimba, o-ororomeleya,
3 o-odhiveliwana abaliwa, o-ofuna vwelana naatu enango, oongela afwiwa vyothakala, o-odhikondi-a, oophi-a, o-odhiveliwana vyapama,
4 oirela afwiwa vyongo vyothakala, o-ovwa vyoonga vyaatu enango, osimbwa dhiulukhuli-a, odhiveliwana vyosangalali-a malo modhiveliwana Nlungu,
5 thitho ooneya ninga odhivelela wa Nlungu mbwenye anokonda ira kopolo yodhiveleliyo iyachinje. Atu enala uwarambenga.
6 Enango mwaatwala anovolowela mabanja aatu enango mo-ooneya noiri-anga a-iyana enango ira takale adhaariwa. A-iyanala anokala ofooka namwasa wa vyodawa viwa thitho otukuleya na naluveluve o-iyana-iyana.
7 Hora dhothene anofunjedhecha, mbwenye katinooda idhiwa imbarimbari molinyali.
8 Mofwanafwana na Yane na Yambre tam’runi-idhenga Mose, atu enao anodhowanave runi-a imbarimbari. Aliwa atokaana mathuulelo obenda maningi na o-ofwanelela iroromelo yen’na.
9 Mbwenye aliwa katinooda dhowa undendai, namwasa oi uzimoriuwo unooneela pama waatu othene, ninga mwakalele aliwa naatu ambilale.
10 Mbwenye we utodhilimbi-edha a-rela vinofunji-a miyo, ingumi yanga, ifunelwanga, iroromelo yanga, leva rima wanga, udhivelanga novilela wanga.
11 Unoidhiwa thitho mwemo mwarucheele miyo na nyarwa dhaguman’nena miyo wu Atiokeya, wu Ikoniyo na wu Listra. Mbwenye ndatoovilela thitho Mbwiye atoondivulumucha wu vyongo vyothene vyevi.
12 Voi atu othene ofuna kaana ingumi yodhivelela wa Nlungu movwelana na Kristu Yesu, na aliwene thitho anodha a-ra-ariwa.
13 Mbwenye atu othakala anodha dhowanave simbwa thakala nodimeli-a enango thitho aliwa anodha dimeli-iwa.
14 Mbwenye we, udhowenave a-rela vyafunjedhile we na vyaroromenle we vasogolo vovinyindela, namwasa oi unom’mwidhiwa aufunji-idhe.
15 Romela ungali mwana, utoidhiwa malemba ochena anofuna uva-a zelu dhoukami-a ira udhavulumuwe namwasa ororomela Kristu Yesu.
16 Malemba othene avudheleliwile na Nlungu, thitho mbokami-a vofunji-a, sumulula, saka-edha vyongo nolangi-a molongomana,
17 ira mutu wa Nlungu akale ofwanelela maningi na okozeya mokwakwanela laba basa lililothene lapama.