Wa Aebere 13:1-25
13 Mudhowenave adhiveliwana abali.
2 Kamudiwale wachela alendo,* namwasa oi voirana vyevi, atu enango tatoowachela angelo mo-oidhiwa.
3 Muthuulelenga atu tali perezo kalanga ninga mumangiwile vambo-i na aliwa.* Muthuulelenga thitho atu anooni-iwa nyarwa, voi thitho nanyoene muli atu.
4 Banja likale lolemezeya vamethoni vaatu othene, thitho vogona vaatu othelana vakale vo-othakali-iwa, namwasa oi Nlungu unodha tonga atu anoira unyambi* naatu anoraruwa.*
5 Kamudhiveliwengana kobiri, mbwenye mukalenga okwakwana na vyongo vinanyo vahoriyo. Namwasa oi Nlungu uongile ira: “Kandinodha u-iyani venango utawani navang’onovene.”
6 Nikale olimba rima thitho nionge ira: “Yohova ngunondikami-a. Kandinodha ova. N’nga mutu unondiira n’ni?”
7 Muthuulelenga atu anousogolelani, namwasa oi enala tatoufunji-ani madhu a Nlungu. Thitho vanothuulelanyo vya makalelwiwa apama, mu-arele iroromelo iwa.
8 Yesu Kristu ngween’neve dhilo, penene, thitho kanodha chinja modhowa nodhowa.
9 Kamudimeli-iwe na mafunji-edho o-iyana-iyana o-oidhiweya. Riya rima wa Nlungu kunofuna ukami-ani ira mukale olimba, a-kala vyodya. Namwasa oi atu anokalelave thuulela vya vyodya,* kavinoaganyali-a.
10 I-yo nitokaana iguwa ya sembe yoi atu anolaba basa lopambuleya vatendani katina ufulu odya vyongo vinoveleliwa vaiguwanivo.
11 Namwasa oi sangiri ya vinyama, ndimuwa wa asembe anooivolowana mulimburo lochena ninga sembe yolevelela vyodawa, mbwenye vinyamavyo anoovidhowana undhe wa sasa mavika-a.
12 Ee-no naliyene thitho Yesu atooni-iwa nyarwa undhe wa lango nlukhulu wa sidadi ira acheni-e atu na sangiree.
13 Dhoweni nim’arele undhe wa sasao, ninyoziwanga ninga mwemo mwanyoziwele liye.
14 Namwasa oi va-eeni kanina sidadi lokaatheya, mbwenye ninofunechecha sidadi linodhalo.
15 Dhoweni hora dhothene nim’titimi-e Nlungu dhela mwa Yesu. Namwasa oi irana vyevi uli ninga sembe inovelela i-yo wa Nlungu thitho nino-indi-edha basa milomwi-u volaleela dhinalee.
16 Thitho kamudiwale irana vyongo vyapama nogawela atu enango vyongo vinanyo, namwasa oi Nlungu unosangalala na sembe ninga dhedhi.
17 Muvwelenga atu anousogolelani noagonjelanga namwasa oi aliwa anoing’anela vingumi vinyu moi anodha wakhula selu. Muirengana vyevi ira talabenga basa liwa mosangalala a-kala modungunya, namwasa oi tairangana vyevi kavinouwendelani pama
18 Mudhowenave nilobelela, namwasa oi ninororomela ira nitokaana ithuulela rima yochena* thitho ninofuna irana vyongo vyothene moona rima.
19 Mbwenye simbwasimbwa ndinoulimbi-ani ndilobelela ira ndiwelele weo mombaranya.
20 Va-eeni, Nlungu wa rendele am’venyathi-idhe namakumbiza nlukhulu wa mabila oi utokaana sangiri ya vwelano lo-omala, Mbwii-u Yesu,
21 auva-eni vyongo vyothene vyofuneya ira muire ifuneloyee. Thitho dhela mwa Yesu Kristu, anikami-e irana vyongo vyothene vyom’sangalali-a. Nlungu atitimi-iwe modhowa nodhowa. Ame.
22 Va-eeni abali, ndinaauvepani ira muvuruwane moleva rima madhu olimbi-ala, namwasa oi karta liulembeleni miyoli kalilapile.
23 Muidhiwe ira bali-u Timoteo utothathuliwa thitho akala unodha vachineneeva, ndinom’dhanee vambo-i dhauonani.
24 Muvelele mwenyula wanga waatu anosogolela vari vinyu thitho waatu enango othene ochena. Abali awu Italiya uno anaaumwenyulani.
25 Riya rima ulukhulu wa Nlungu ukale nanyo mwethene.
Madhu achindo
^ Venango: “riyela rima atu oi kamunoaidhiwa.”
^ Mundhila inango: “kalanga ninga munaaona nyarwa vambo-i naaliwa.”
^ Thapulela malamulo okhuza vya vyodya .
^ Venango: “yapama.”
