Wa Aroma 11:1-36
11 Ndinofuna ndifuke ira, n’nga Nlungu atookonda atwee? Mwaimbarimbari khabe. Voi miyo thitho ndili m’mbo-i wa Israeli, mbumba* ya Abrahamu, wa ziza la Bejamim.
2 Nlungu kaakondile atwee aaidhi liye voroma. N’nga kamunoidhiwa vinoonga lemba n’nango vyokhuza Eliya, vahora yasembezela liye Nlungu moruni-ana na Aisraeli? Liye aongile ira:
3 “Yohova, aliwa atopha anamaongelinyu nogwi-a viguwa vinyu vya sembe moi ndi-adhi ndekhene baa-i. Va-eeni tatoroma ndisaka ira tandiphe.”
4 N’nga Nlungu am’mwandenle n’ni? Am’mwandenle ira: “Miyo nditokaana atu 7.000 oi katinarome kokorelavo Baala.”
5 Vahora ino thitho vatokala atu enango oyeva asakuliwile moriya rima ulukhulu wa Nlungu.
6 Ee-no akala atosakuliwa moriya rima ulukhulu, katisakuliwile namwasa wa mabasiwa khabe. Vyakala e-no, riya rima weu kunakalave ulukhulu khabe.
7 N’nga nionge a-vi veva? Ninoonga ira yasakasaka Aisraeli kataifwaidhe, mbwenye atu osakuliwa mbaifwaidhe. Atu enangwao tatooumi-a mirimiwa.
8 Ninga munoongela malemba ira: “Nlungu utoairi-a gona irulo ilukhulu mwauzimu, utoava-a metho o-oona na mabaru o-ovwa, fiyedha va-eni.”
9 Thitho Davide aongile ira: “Meziwa ikale go-i, yoagwegweducha na yongo yowalanga.
10 Methwiwa akaena isi ira ta-aone, thitho hora dhothene muorami-e mithaniwa.”
11 Ndinofuna ndifuke ira, n’nga tatoogwegweduwa fiyedha gwelatu? Khabe. Mbwenye namwasa odawa wiwa atu amaziza enango tatoofwanya ivulumucho, thitho vyevi vitoiri-a ira atu odawao takaena bivu.
12 Akala dawa wiwa unodhi-a fuma vailamboi thitho akala yeva wiwa unothapulela fuma wa atu amaziza enango, kuongela ira vanodhakala maraeli-o manjinji namwasa oinjiva wiwa.
13 Va-eni ndinoongana nyo atu amaziza enango. Voi ndili rumiwi orumiwa waatu amaziza enango, ndinolemeza urumiwanga,
14 ira venango ndiiri-e atu aziza langa kaana sanje, novulumucha enango a aliwa.
15 Akala Nlungu utokaathei-a rendele vailambo namwasa okondiwa wiwa, kuongela ira tadhawacheliwa vinodhakala ninga tatoavenyathi-a.
16 Thitho akala pau yomeya yaveleliwile sembe ninga yova-a yoroma njochena, kuongela ira pau yotheniyo njochena thitho. Akala chichi ngochena, kuongela ira tambidhee thitho tochena.
17 Mbwenye akala tambi dhinango dhatoogwandiwa, thitho angalive ira we uli tambi ya muri wa maolivi wa-angani, watoo-eliwa vari vatambi dho-ala thitho watooroma fwanya vyothene vyofuneela khumela wu chichi wa muri wa maolivuo,
18 kudhiulukhuli-e namwasa wa tambi dhagwandiwiledho. Mbwenye akala unodhiulukhuli-a uthuulelenga ira kai we unokami-a chichi, mbwenye chichi ngunokami-a we.
19 Venango unoonga ira: “Tatoogwandavo tambi dhinango ira ta-elevo miyo.”
20 Vyevyo pyaimbarimbari. Aliwa tatoogwandiwa namwasa oi katana iroromelo, mbwenye we ulive vaimurinivo namwasa wa iroromelo. Moi e-no u-iye dhiulukhuli-a, mbwenye uthonyi-edhe ira uli oova.
21 Namwasa oi akala Nlungu kaalevelele tambi dhapwethile vevo, we thitho kunodha leveleliwa.
22 Uthuulelenga riya rima na a-levelela wa Nlungu. Atu agwide Nlungu kaalevelele, mbwenye we watoothonyi-edhiwa, riya rima. Ukaleve ofwanelela thonyi-edhiwa riya rima. Mbwenye wa-aire e-no, naweene thitho unodhagwandiwa.
23 Aliwa taroma kaana iroromelo, anodha e-liwa vaimurinivo, namwasa oi Nlungu unodha aweli-edha okoka vali aliwa.
24 Akala weyo wagwandiwile vamuri wa maolivi unomelecha angani, no-eliwa wu muri wa maolivi oira dhaliwa, vinokala vyo-orucha weleli-edha tambi wagwandiwile aliwa.
25 Abali ndinofuna ira muidhiwe vya segeredo yen’na yopambuleya, ira mwa-adhionenga ira muli atu azelu. Segeredwee njoi atu enango amu Israeli atoumi-a mirimiwa, vyevi vinongo ireya fiyedha numero yothene yaatu okhumela maziza enango yakwakwanela.
26 Aisraeli othene anodha vulumuchiwa mwandhila yen’na movwelana na vinoonga malemba ira: “Namavulumucha unodhakhumela mu Ziyoni thitho unodha mali-a vyongo vyothene vyothakala wa ziza la Yakobo.
27 Leli ndi vwelano linofuna miyo dhaira na aliwa ndadhaakhumi-edha vyodawa viwa.”
28 Pyaimbarimbari ira aliwa ndi amwidani amilanyu yapama thitho vyevi vitoukami-ani. Mbwenye Nlungu utoasakula noadhiveliwana namwasa wa anamabaliwa awale.
29 Nlungu kanodha dungunya namwasa wa vyotuvavyee thitho namwasa oi atoaitana.
30 Nyo mwali o-ovwela Nlungu, mbwenye va-eni mutothonyi-edhiwa tangaranga namwasa wa vwela wiwa.
31 Aliwa va-eni mbo-ovwela thitho Nlungu utouthonyi-edhani tangaranga. Mbwenye unooda athonyi-edha thitho tangaranga ninga mwairele liye na nyo.
32 Nlungu utorumeli-a atu othene ira takale adhaari o-ovwela ira othene enao aathonyi-edhe tangaranga.
33 Mwaimbarimbari, maraeli-o anovelela Nlungu mboinjiva maningi. Zeludhee todi-a, thitho liye ngoidhiwa vyongo maningi. Moda unotonga liye ngorucha uvwechecha, n’nga mbaani unazindiyele ndhiladhee?
34 “N’nga mbaani unoidhiwa mathuulelo a Yohova? Venango mbaani unakale namalangi-ee?”
35 Venango thitho “mbaani uromile m’va-a yongo, ira liye am’mweli-edhe?”
36 Namwasa oi vyongo vyothene vinokhumela wa liye, ndi liye aviphanduchile thitho pyee. Atitimi-iwe modhowa nodhowa. Ame.
Madhu achindo
^ Mundhila inango: “mbeu.”
