Wa Aroma 6:1-23
6 N’nga nionge n’ni? N’nga nidhowenave dawa ira riya rima ulukhulu wa Nlungu uwenjedheleye?
2 Mwaimbarimbari khabe. Voi natookwa wu vyodawa, n’nga nidhowenganave dawa namwasa wan’ni?
3 N’nga kamunoidhiwa ira i-yo othene nabadiziwile thitho nili ovwelana na Kristu Yesu, nabadiziwile thitho muukwawee?
4 Ee-no natoo-eliwa masiyeni vyabadiziwile i-yo muukwawee, ira mofwanafwana na Kristu wenuo avenyathi-iwile dhela mu titimi-o la Baba, i-yo thitho nikaena ingumi ipya.
5 Namwasa oi akala nili ovwelana na liye vokwa mofwanafwana na liye, mwaimbarimbari ninodha kala thitho ovwelana na liye vovenyathi-iwa mofwanafwana na liye.
6 Namwasa oi nitoidhiwa ira makalelwi-u awale atoothomeiwa vambo-i na liye vaimurini naifunelo yoi manungwi-u odawala akale o-okaana kopolo, thitho ira na-akale adhaari a vyodawa.
7 Namwasa oi mutu ukwide kanokaanave selu* wa vyodawavyee.
8 Akala natookwa vambo-i na Kristu, ninororomela ira ninodha kaana thitho ingumi vambo-i na liye.
9 Nitoidhiwa ira voi Kristu utovenyathi-iwa, kanodha kwave thitho kanotongiwa na wukwa.
10 Liye atookwa fendo imbo-i baa-i ira akumi-e vyodawa thitho utokaana ingumi ira airengana ifunelo ya Nlungu.
11 Nyo thitho mukalenga ninga atu okwa wu vyodawa, mbwenye aingumi wa Nlungu dhela mwa Kristu Yesu.
12 Ee-no kamurumele ira vyodawa vitongengave ninga mwene manungwinyu oi anokwa vo-arela vinofuna aliwa.
13 Thitho kamuvelele manungwinyu wu vyodawa ira akale mafwaramento oirana vyongo vyo-olongomana, mbwenye mudhivelele wa Nlungu ninga atu avenyathi-iwile. Manungwinyu thitho mwaavelele wa Nlungu ninga mafwaramento oirana vyongo vyolongomana.
14 Vyodawa kaviutongengani ninga mwene, namwasa oi kamuno-arela ilamulo, mbwenye munosogoleliwa na riya rima ulukhulu wa Nlungu.
15 N’nga vyaira e-no kuongela ira nidawenga namwasa oi kanino-arela ilamulo, mbwenye ninosogoleliwa na riya rima ulukhulu wa Nlungu? Mwaimbarimbari khabe.
16 N’nga nyo kamunoidhiwa ira mwadhivelelanga wa mutu mwinangwee nom’vwelanga, munokala adhaaree? Munokala adhaari a vyodawa vyevyo vinosogolela wuukwa, venango adhaari a vwela weo unosogolela wu longomano.
17 Mbwenye ninosimba Nlungu ira angalive ira voroma mwali adhaari a vyodawa, mwatoovwela mokhumela vathi varima makhundo mapya afunji-iwile nyo.
18 Ee voi mwatoothathuliwa wu vyodawa, mwatookala adhaari a longomano.
19 Ndinouwonganani ninga munoongecha atu enango namwasa ofooka wa manungwinyu. Moda wavelenle nyo manungwinyu ira akale adhaari a vyongo vyonyakavala na o-ovwela malamulo naifunelo yoi muirenga vyongo mo-o-arela malamulo, muvelele thitho manungwinyu ira akale adhaari a longomano na ochena.
20 Namwasa oi vyalinyo adhaari a vyodawa, mwali othathuwa wu longomano.
21 N’nga vahora yeniyo mwava-echa vyova-a vyoi a-vi? Vyali vyongo vyoi va-eeni vinaauva-ani manyadho. Thitho vyo-arelavo va vyongo vyevyo ndi wukwa.
22 Mbwenye namwasa oi va-eeni mutothathuliwa wu vyodawa nokala adhaari a Nlungu, munova-a vyova-a vyochena thitho komoniwee munodha kaana ingumi yo-omala.
23 Namwasa oi vyodawa vinodhi-a wukwa, mbwenye yotuva ivelenle Nlungu ndi ingumi yo-omala dhela mwa Mbwii-u Kristu Yesu.
Madhu achindo
^ Venango: “utoleveleliwa.”
