Ilembile Juwau 2:1-25
2 Vadambo laneraru wu Kana wau Galileya watookala pwando la kazameto thitho m’mee Yesu ali weo.
2 Yesu na anamafunjedhee tatooitaniwa thitho wu pwando la kazametolo.
3 Vinyu ungamadhi, m’mee Yesu atoom’mwandela ira: “Vinyu utoamalela.”
4 Mbwenye Yesu atoom’mwandela m’meeuo ira: “N’nga m’ma vinonikhuza a-vi, horanga kinafiye.”
5 M’meeuo atoawandela anamalaba takami-a vevo ira: “Muire yongo iliyothene inauwandeleni liye.”
6 Valimburonivo vatookala mino 6 mwa-eliwa ma-inje odhicheni-ana movwelana na malamulo a Ayuda. Muno uliwethene wavolowa malitru 44 venango 66.
7 Ee-no Yesu atoawandela ira: “Mudhali-e minwila na ma-inje.” Thitho aliwa tatooidhali-a.
8 Moi e-no atoawandela ira: “Murungemo vang’ono mumam’va-e namaing’anela pwandoli.” Aliwa tatooiradi vyevyo.
9 Namaing’anela pwandolo atoolawila ma-inje asanduchiwile vinyuao. Voi liye kaaidhiwa wakhumile vinyuo (angalive ira anamalaba tarungile ma-injale tatooidhiwa), namaing’anela pwandolo atooitana namathela
10 nom’mwandela ira: “Mutu uliwethene voroma unokhumi-a vinyu wapama mbwenye atu talezela, panokhumi-a liye vinyu o-oriya maningi. Mbwenye we utolokota vinyu wapama fiyedha e-ni.”
11 Yesu atooira vyevi wu Kana wau Galileya ninga imbo-i mwa vizindiyelovyee vyoroma. Liye atooni-a titimi-olee thitho anamafunjedhee tatooroma m’roromela.
12 Vyevi vingaireile, Yesu, m’mee, abalee na anamafunjedhee tatoodhowa wu Kafarnau, mbwenye katadimbenleo maningi.
13 Paskwa ya Ayuda yali ingakwivenle, ee-no Yesu atoovenyathi dhowa wu Yerusalemu.
14 Weo atoofwanya alimbo guli-a ng’ombe, mabila khangaiwa na alimbo chinja kobiri tangakaathidhe mipandoni mwiwa kachisinimo.
15 Ee-no atoosakanya chamu wa go-i noatamangi-ana atu othene tana mabila na ng’ombe kachisinimo. Atooboma kobiri dhaatu tachinja kobiri nondunya mameziwa.
16 Moi e-no atoawandela alimbo guli-a khangaiwa ira: “Mukhumi-e vyevi muno! Muvaeletu i-ya sanducha nyumba ya Babanga kala nyumba yoguli-edhamo malonda!”
17 Anamafunjedhee tatoothuulela malemba anoonga ira: “Dhivelela wanga vanyumbani vinyu unodhakala ninga mulo uno-inda rimani mwanga.”
18 Mbwenye Ayudao tatoonga ira: “N’nga unonioni-a izindiyelo yoi a-vi yothonyi-edha ira utokaana utongi oirela vyongo vyevi?”
19 Yesu atoawakhula ira: “Mugwi-e kachisula thitho miyo ndinodha umanga malambo mararu.”
20 Moi e-no Ayudao aongile ira: “Kachisula wamangiwile wa vyawa 46, n’nga we unoonga ira unodha umanga malambo mararu?”
21 Mbwenye liye aonga vya kachisi wa manungwee.
22 Ee-no angavenyathidhe muukwa, anamafunjedhee tatoothuulela ira liye aonga vyevi thitho tatoororomela malemba na madhu aonga Yesu.
23 Moi e-no angali va pwando la Paskwa wu Yerusalemu, atu anjinji tatoom’roromela tangaoni vizindiyelo vyaira liye.
24 Mbwenye Yesu kaaroromele maningi namwasa oi othene enao atoaidhiwa pama,
25 thitho liye kaafuneela mutu mwinango oi am’mwandelemo vya mathuleloni mwa mutu, namwasa oi liye anooidhiwa vili rimani mwamutu.
