Ilembile Luka 13:1-35
-
Muchinyuwe mwa-aire e-no munodha nongiwa (1-5)
-
Ifwanafwani-o ya muri wa savu o-ova-a (6-9)
-
I-yana ovindeya thana atooili-iwa vadambo la Sabudu (10-17)
-
Ifwanafwani-o ya isimbeu ya mostarda na ya vyotupi-a (18-21)
-
Vanofuneela thindhi ira nivolowe valango ung’ono (22-30)
-
Herodi atoongiwa ira ndi “kandwe” (31-33)
-
Yesu atoolela Yerusalemu (34, 35)
13 Vahora yeniyo, atu enango ali vevo tatoom’mwandela Yesu vya Agalileya oi taphiwile na Pilato vahora yavelela aliwa sembe dhiwa.
2 Yesu atoawakhula ira: “N’nga nyo munothuulela ira Agalileya enala tali odawa maningi kwaranya Agalileya enango othene namwasa wa vyongo vyaaireilevyo?
3 Kabe. Mbwenye miyo ndinouwandelani ira mwa-achinyuwe, mwethene munodha nongiwa ninga vyate aliwa.
4 N’nga a-vi vyaatu 18 ale akwide namwasa ogweliwa na nyumba yadhulu wu Silowe, n’nga nyo munothuulela ira aliwa tali odawa maningi kwaranya atu othene amu Yerusalemu?
5 Kabe. Mbwenye ndinouwandelani ira mwa-achinyuwee, mwethene munodha nongiwa ninga mwanongiwile aliwa.”
6 Adhamale atoawandela ifwanafwani-o ila: “Mutu mwinango atookaana muree wa masavu mundani mwamauva, thitho atoodhowa masaka yova-a murinimo mbwenye kaafwaidhe yongo.
7 Moi e-no atoom’mwandela mutu asamalela munda wa mauvuo ira, ‘Ndikanle ndidhanga vano wa vyawa viraru ira ndidhasake savu murinimu, mbwenye kandinofwanyamo naimbo-ene. Uugwi-evovyaa! Namwasa oi unaanonga mateya.’
8 Liye atoom’mwakhula ira, ‘Mbwiye munoona a-vi muu-iye yawa yei ba-i, miyo ndino-umba rungunucha mwirula no-elavo makatha ira vakhale ndimo.
9 Wadhava-a sogolou vinodha kala pama, mbwenye wa-adhava-e mudhaugwi-e vinyu.’”
10 Vahora inango Yesu aira funji-a va sinagoga vadambo la Sabudu.
11 Mwemo mwatookhala i-yana mwinango oi zimu othakala watoom’buleli-a wa vyawa 18. Liye ali ovindeya thana moi kaaoda inuwa.
12 Yesu angam’moni atoom’mwandela ira: “I-yanawe, marendaa atoili-iwa.”
13 Moi e-no atoom-inda i-yanuo, thitho hora yeniyene atooinuwa noroma m’titimi-a Nlungu.
14 Mbwenye namasongolela wa sinagoga angaoni vyevi, atoothakaleliwa namwasa oi Yesu atoili-a mutu vadambo la Sabudu. Ee-no atoowandela mwinji waatuo ira: “Vatokala malambo 6 anofwanela i-yo laba basa. Mudhenga dhaili-iwa malambo enao a-kala vadambo la Sabudu.”
15 Mbwenye Mbwiye atoom’mwakhula ira: “Nyo ainyengo, n’nga uliwethene wa nyo kanothathula ng’ombee venango burulee vadambo la Sabudu nodhowa maimwi-a ma-inje?
16 I-yana wen’na ngwaziza la Abrahamu thitho ukanle aoni-iwanga nyarwa na Satana wa vyawa 18. N’nga liye kafwanenle ili-iwa vadambo la Sabudu?”
17 Angaongile vyevi atu othene aaruni-a tatookaana manyadho. Mbwenye mwinji othene waatu watooroma sangalala namwasa wa vyodabwi-a vyairile liye.
18 Liye atoodhowanave onga ira: “N’nga Umwene wa Nlungu uli ninga n’ni, n’nga niufwanafwani-edhe na n’ni?
19 Uli ninga isimbeu ya mostarda yatukunle mutu dhowa madhala mundanimwee, adhamale yatoomela nokhala muri ulukhulu, moi mbalame dha dhulu dhatoodha dhamanga thunji dhiwa tambinimwee.”
20 Liye atoonga thitho ira: “N’nga Umwene wa Nlungu ndiufwanafwani-edhe na n’ni?
21 Uli ninga rombwe otupi-edhana mapau watukunle i-yana* mautangani-a na utu okwakwana maparato mararu malukhulu opimela, thitho utu othene wenuo watootupa.”
22 Yesu anoowenda sidadi na sidadi thitho mudhi na mudhi. Liye anoofunji-a wu adhowanganave ulendwee odhowa wu Yerusalemu.
23 Moi e-no mutu mwinango atoom’fuka ira: “Mbwiye, n’nga pyaimbarimbairi ira atu anofuna dhavulumuwa mboyeva?” Mbwenye liye atoawandela ira:
24 “Mudhilimbi-edhe mwakopolo ira muode volowa valango ung’ono. Mbwenye ndinouwandelani ira, atu anjinji anodha funechecha volowa mbwenye katinodha volowa.
25 Mwinyaa nyumba adhafunga lango, nyo munodha imela vandhe nogogodanga suwo thitho munodha onganga ira, ‘Mbwiye kanidhuleleni.’ Mbwenye liye unodha uwakhulani ira: ‘Kandiidhi unokhumela nyo.’
26 Thitho munodha roma onga ira, ‘Nanoodya noumwa vamethonivinyu thitho nyo mwanoofunji-a ndhilamwi-u.’
27 Mbwenye liye unodha uwandelani ira kandiidhi ukhumenle nyo. Khumanivo vamethonivanga, nyo mwenthene oira vyongo vyo-olongomana!’
28 Weo mwadhaona Abrahamu, Izaki, Yakobo naanamaongela othene tangali mu Umwene wa Nlungu, nyo munodhanla nothakuna meno mungamadhi ponyedhiwa undhe.
29 Atu anodhadha khumela uvikhundu vyothene vyailambo yavathi thitho anodha kaathi vamezani mu Umwene wa Nlungu.
30 Mbwenye atu ali omari-a anodha kala oroma, thitho atu oroma anodha kala omari-a.”
31 Vahora yeniyo Afarisi tatoodha nom’mwandela ira: “Mukhumeo uno, namwasa oi Herodi unofuna uphani.”
32 Liye atoawakhula ira: “Mudhowe mumam’mwandele kanduo ira, ‘Miyo ndinaakhumi-a viwanda penene na ebe-i thitho ndinomari-a kwichino.’
33 Mbwenye ndinofwanela dhowanave ulendwanga penene bebe-i na kwichino, namwasa oi pyo-ofwanelela ira namaongela tamphele undhe wa Yerusalemu.
34 Yerusalemu, Yerusalemu, opha anamaongela na oponyedha mabwe atu orumiwa wawe. Moweli-edha weli-edha ndafuna gumanya a-imaa vambo-i, ninga mwemo khuu munogumanyela aliwa anapiyee matengani. Mbwenye nyo atu kamufunile vyevyo.
35 Kavuruwanani! Nlungu utou-iyedhani nyumbila. Mwaimbarimbari ndinouwandelani ira, kamunodha ndiona okoka fiyedha vanofuna nyo dhaonga ira: “Oraeli-iwa ngunodha mudhina la Yohova!”*
