Ilembile Luka 19:1-48
19 Ee-no Yesu atoovolowa mu Yeriko, mbwenye aira vira.
2 Mwemo mwatookala mutu mwinango dhinalee Zakeyo. Liye ali ndimuwa waalimbo khomi-a soko thitho ali ofuma.
3 Zakeyo anoofunechecha angam’moni Yesu, mbwenye kaaoda m’mona namwasa wa mwinji waatu, voi liye ali okwiva.
4 Ee-no atootamangela sogolo magwela muri wa savu ira aode m’mona, namwasa oi Yesu avirana ndhila yeniyo.
5 Yesu angafiile vamurinivo, atoing’ana dhulu nom’mwandela ira: “Zakeyo, thitha mombaranya namwasa oi penene ndinaa nyumbaniwaa.”
6 Zakeyo angavwide vyevyo atoothitha mombaranya thitho atoom’mwachela mosangalala vandhevee.
7 Atu tangaoni Yesu avolowanga m’mbamo, othene tatooroma ng’ung’uza noonganga ira: “Utovolowa m’mba mwa mutu odawa.”
8 Mbwenye Zakeyo atooimela nom’mwandela Mbwiye ira: “Mbwiye, miyo ndinomeya vari fumanga nova-a atu osauwa. Thitho yongo iwakile miyo mutu uliwethene ndinom’mweli-edha weli-edha fendo 4.”
9 Yesu angavwide vyevi atoom’mwandela ira: “Penene ivulumucho itofiya vandhe vano, namwasa oi liye thitho ndi mwana Abrahamu.
10 Mwana mutu udhele dhasaka novulumucha atu odimela.”
11 Vahora yavuruwana aliwa vyevi, liye atoawandela ifwanafwani-o inango namwasa oi aira kwivela wu Yerusalemu thitho atwao tathuulela ira Umwene wa Nlungu unooneela hora yeniyo.
12 Ee-no liye atoonga ira: “Lombwana mwinango oi ali mwana mwene atookozeela ira adhowe uilambo yaundendai ira amakale mwene nowelao.
13 Moi e-no atoaitana adhaaree 10 noava-a kobiri dha mina 10 thitho atoawandela ira, ‘Muire malonda na kobiri dhedhi fiyedha miyo welao.’
14 Mbwenye atu awuilambo ya waniwa tanoom’mwidananee thitho liye angadhowile tatooruma anamaimelela ira tamaonge ira, ‘I-yo kaninofuna ira mutu wen’na akale mweni-u.’
15 Angawelenle waniwa vomala e-liwa ninga mwene, atoaitana adhaaree aava-idhe liye kobirale ira tadhe nolengesa kobiri dhaganyanle aliwa.
16 Oroma atoodha noonga ira, ‘Mbwiyanga, kobirinyu ya minile itoganyali kobiri dhinango dha mina 10.’
17 Liye atoom’mwandela ira, ‘Utoira pama, uli dhaari wapama! Namwasa oi utothonyi-edha ira uli ororomeleya vayongo ing’ono, ndinouva-a masidadi 10 ira waatongenga.’
18 Adhamale wanambili atoodha noonga ira, ‘Mbwiyanga kobirinyu ya minile itoganyali kobiri dhinango dha mina dhokwakwana 5.’
19 Liye atoom’mwandela wenuo thitho ira, ‘Naweene thitho unotonganga masidadi 5.’
20 Adhamale watoodha waneraru noonga ira, ‘Mbwiyanga kobirinyu yaminile ila. Ndateimanga vanguwoni noilokota.
21 Ndatoirana vyevi namwasa oi ndinouovani. Nyo muli mutu ouma rima, munotukula vikondile nyo a-lokoti-a thitho muno-anda vya-adhalilenyo.’
22 Liye atoom’mwandela ira, ‘We dhaari othakala ndinoutonga movwelanana viongile we. N’nga uongile ira ndili ouma rima, otukula vya-alokoti-idhe miyo, no-anda vya-adhalile miyo?
23 N’nga mwasiwa ngwan’ni kulokoti-idhe kobirangiyo bankoni? Wa-aire e-no miyo vowela ndangaitukunle vambo-i na juru.’
24 “Adhaire e-no atoowandela atu aimenle duzi naliye ira, ‘Kam’mwakeni kobiri ya miniyo noivelela wa mutu una kobiri dha mina 10.’
25 Mbwenye aliwa tatoom’mwandela ira, ‘Mbwiye, liye utomakaana kobiri dhinango 10 dha mina!’
26 ‘Mwaimbarimbari ndinouwandelani ira, mutu uliwethene unavyongo unodha va-iwa vinjinji mbwenye mutu ukondile a-kaana unodha wakiwa masiki vinaliyevyo.
27 Thitho amwidananga akondile a-funa ira miyo ndikale mweniwa, mwaadhena uno thitho mwaaphe miyo ndionanga.’”
28 Angamadhi onga vyevi atoodhowanave ulendwee odhowa wu Yerusalemu.
29 Moi e-no angakwivenle wu Betifaji na Betaniya va mwango oitaniwa Maolivi, atooruma anamafunjedhee ambili.
30 Liye atoawandela ira: “Mudhowe isa inoonanyoyo thitho mwavolowa mwemo, munamafwanye mwana buru angamangeliwile oi kanarome gweliwavo na mutu. Mumam’thathule nom’dhanee uno.
31 Mutu aufukani ira, ‘Mwasiwa ngwan’ni munaam’thathula?’ Mumaonge ira, ‘Mbwiye unam’funa.’”
32 Ee-no atu arumiwilao tatoodhowa thitho tafwaidhe ninga mwawandeliwile aliwa.
33 Mbwenye vyathathula aliwa buruo anyaa tatoafuka ira: “Mwasiwa ngwan’ni munaam’thathula burula?”
34 Aliwa tatooawakhula ira: “Mbwiye unaam’funa.”
35 Moi e-no aliwa tatoom’tukula nom’dhowanee wa Yesu. Adhamale aliwa tatoo-ela nguwo dhiwa vaburunivo thitho Yesu atoogwelavo.
36 Vahora yawenda liye, atu tanoothandhela guwodhiwa dhaundhe ndhila.
37 Tangafiile vaduzi na ndhila yokhumela wu Mwango wa Maolivi, mwinji othene wa anamafunjedhao watooroma sangalala nom’titimi-a Nlungu mogweli-a madhu namwasa wa mabasa akopolo aoni aliwa.
38 Aliwa taonga ira: “Oraeli-iwa ngunodha ninga Mwene mu dhina la Yohova! Rendele dhulu na titimi-o dhuludhuluo!”
39 Mbwenye Afarisi enango tali va mwinjinivo tatoom’mwandela Yesu ira: “Namafunji-a kaasumululeni anamafunjedhinyuala.”
40 Mbwenye liye atoawakhula ira: “Mwaimbarimbari ndinouwandelani ira: “Aliwa tamiyala, mabwe anooda khuwa.”
41 Yesu angakwivenle sidadi la Yerusalemu thitho angalioni, atooroma lilela.
42 Liye atoonga ira: “Aakale ira we penene utozindiyela vyongo vya rendele—mbwenye va-eeni vitolokoteya ira wa-avione.
43 Namwasa oi malambo anodha ufiyedha oi amwidanaa anodha manga panda wa vimuri vyosongowa nourungunuwa. Amwidanaa anodha udhimbinuwela khumela wu vikhundu vyothene.
44 Aliwa anodha ugwi-a vathi nounonga vambo-i naa-imaa ali varivaa* thitho katinodha i-ya libwe vadhulu va libwe n’nango, namwasa oi kwaazindiyenle ira horaa yonongiwa itofiya.”
45 Adhamale atoovolowa kachisini noroma tamangi-a atu aguli-a vyongo,
46 noawandela ira: “Malemba anoonga ira, ‘Nyumbanga inodhakala nyumba yolobelelamo,’ mbwenye nyo mutoichinja kala phawo lamambavwa.”
47 Thitho dambo na dambo liye anoodhowanave funji-a kachisinimo. Mbwenye andimuwa a sembe, alembi naandimuwa andimuwa tanoofunechecha ira tam’phe.
48 Mbwenye kataodile irana vyevi namwasa oi atu tanoom’gumanyeela ira tavuruwanenga vyafunji-a liye.
Madhu achindo
^ Mundhila inango atu ali sidadinimo.
