Ilembile Luka 21:1-38
21 Yesu angaing’an’nee atoona atu ofuma taponyanga vyovelela viwa mu kaxa la vyovelela.
2 Adhamale atoona i-yana mwinango wa makwele osauwa aponyanga visikobiri vinli vyoeva kopolo maningi.*
3 Moi e-no liye atoonga ira: “Mwaimbarimbari ndinouwandelani ira i-yana wa makwele osauula, utoponya vinjinji kwaranya atu othene taponyile kobiri dhiwa.
4 Namwasa oi atu othene taponyile viru-ile aliwa va fuma inaaliwa, mbwenye i-yanula mosauwawee, utoponya vyothene vyana liye vyoi vingam’kami-idhe vaingumiyee.”
5 Vahora inango, hora yaonga atu vyobalei-iwa wa kachisi na mabwe apama maningi, thitho na vyotuva vyoveleliwa wa Nlungu,
6 liye atoonga ira: “Onga vyavyongo vinoonanyovi, malambo anodha fiya oi kavanodha a-ala libwe nlilothene vadhulu va libwe n’nango linofuna konda a-gwi-iwa.”
7 Moi e-no tatoom’fuka ira: “Namafunji-a, n’nga vyongo vyevi mwaimbarimbari vinodha ireya e-lini, thitho izindiyelo yothonyi-edha ira hora yoi vyongo vyevi viireye i-adhi vang’ono inodha kala n’ni?”
8 Liye atoawakhula ira: “Muire polepole ira atu ta-adhaudimeli-eni, namwasa oi atu anjinji tanodhadha mu dhina langa noonganga ira, ‘Kristule ngumiyo,’ thitho anodha onga ira, ‘Horile itokwivela.’ Kamudhaa-arele.
9 Thitho mwadhavwa limbili la khondo na magereve kamudhaove maningi, namwasa oi vyevi vinofwanela ireya voroma, mbwenye magomelo anodhakala ta-anafiye.”
10 Adhamale atoawandela ira: “Ziza linodha dhimbinuwela ziza n’nango thitho umwene unodha dhimbinuwela umwene unango.
11 Unodha ireya vindharandhara vyakopolo thitho unodha kala sau na ndhala mamburo o-iyana-iyana. Unodha kala vyongo vyoophi-a thitho dhulu unodha oneya vizindiyelo vyodabwi-a.
12 “Mbwenye vyongo vyothene vyevi vya-anaireye atu anodha umangani nouoni-ani nyarwa thitho anodha uvelelani umasinagoga na perezo. Anodha udhowanani wa mamwene na waanamatonga namwasa wa dhinalanga.
13 Vyevyo vinodha uva-ani ngari yovelela umboni waatu enango.
14 Ee-no kamunofwanela kozeela vyoi mumawakhule vodhivunela,
15 namwasa oi miyo ndinodha uva-ani madhu oi mumaonge thitho ndhinodha uva-ani zelu dhoi alimbo runi-a othene katinodha oda dhikonda venango dhiruni-a.
16 Thitho anamabalinyu, abalinyu, naafwinyu anodha uvelelani* thitho tanodha pha enango a nyo.
17 Atu othene anodha idanananyo namwasa wa dhina langa.
18 Mbwenye masiki na sisi limbo-ilene la murunimwinyu, kalinodha nongeya.
19 Mbwenye mwadhavilela fiyedha khomoni, munodha kaana ingumi yo-omala.
20 “Mwadhaona magulu akhondo tangarungunuwile Yerusalemu, mudhaidhiwe ira sidadilo li-adhi vang’ono ira linongiwe.
21 Moi e-no atu tali mu Yudeya tadharome tawela myangoni thitho atu tali wari mwasidadimo tadhakhumemo. Atu tali undhe wa sidadi kativolowemo,
22 namwasa oi enala anodha kala malambo oi Nlungu adhatonge atu ira vyothene vyalembiwile vidhakwakwaneli-edhiwe.
23 Soka waa-iyana a wise na oyamwi-a a-ima malambo enao! Namwasa oi ilamboni munodha kala nyarwa ilukhulu thitho thakaleliwa wa Nlungu unodha afiyedhela atwala.
24 Atu tanodha phiwa na sarasada thitho tukuliwa kala adhaari dhowa wu vilambo vinango. Atu amaziza enango tanodha nyingala Yerusalemu fiyedha hora yakaathi-iwile yaatu amaziza enango ingamadhi.
25 “Thitho vadhuwa, vamwedi na vanyenyedhi vanodha oneya vizindiyelo. Vailambo yavathi atu amaziza enango tanodha gomiwa luso namwasa ouuma wa mabimbi a barani.
26 Atu anodha i-leya noova thitho nodedi-edhela vyongo vinofuna dhaireya va ilambo yavathi, voi kopolo dha dhulu dhinodha tekenyeya.
27 Amala anodha ona Mwana mutu adhanga vamiramboni nakopolo thitho titimi-o nlukhulu.
28 Mbwenye vyongo vyevi vyadharoma ireya, mudhaimele noimeli-a mirwinyu, namwasa oi ivulumucho inyu inaakwivela.”
29 Angaongile vyevi, atoawandela ifwanafwani-o inango ira: “Muing’anecheche muri wa masavu na miri inango.
30 Mwaona miri iphuwelanga mathakuru matete, munoidhiwa ira ilimwe ili duzi.
31 Saasawa thitho na nyo mwadhaona vyongo vyevi viireyanga, mudhaidhiwe ira Umwene wa Nlungu utokwivela.
32 Mwaimbarimbari ndinouwandelani ira mbumba yen’na kinodha mala wukwa yothene, vyongo vyevi vya-anaireye.
33 Dhulu na ilambo yavathi vinodha mala mbwenye madhwanga anodha kalavo dhowa nodhowa.
34 “Mbwenye muire polepole ira miriminyu ya-alemweye noudya maningi, umwa maningi na vyokhumbanya vyaingumi, ira dambolo la-aufwanyeni morurumucha,
35 ninga go-i. Namwasa oi linodha fiyedhela atu othene okala vailambo yathi.
36 Ee-no mukale methove thitho mulobelenga mosembezela hora dhothene, ira mudhaode tawa vyongo vyothene vinofwanela ireyavi, thitho ira mudhaode imela vamethoni va Mwana mutu.”
37 Nathana Yesu anoofunji-a kachisini, mbwenye nama-iyu anoodhowa magona Mwangoni wa Maolivi.
38 Thitho atu othene tanoobe-a maningi dhowa kachisini ira tamam’vuruwane Yesu.
Madhu achindo
^ Mundhila inango: “malepton menli oi ndi kwadranti imbo-i.
^ Venango: “udhimbinuelani.”
