Ilembile Mateu 1:1-25
1 Bukhu la zele obaliwa wa Yesu Kristu, * mwana Davide, * mwana Abrahamu:
2 Abrahamu abanle Izaki,Izaki abanle Yakobo,Yakobo abanle Yuda naabalee.
3 Yuda abanle Perezi na Zera, thitho m’miwa ali Tamara.Perezi abanle Ezironi,Ezironi abanle Ramu.
4 Ramu abanle Aminadabu,Aminadabu abanle Nasoni,Nasoni abanle Salimoni.
5 Salimoni abanle Boazi, thitho m’mee ali Rahabi.Boazi abanle Obedi, thitho m’mee ali Rute.Obedi abanle Jese,
6 Jese abanle mwene Davide,
Davide abanle Solomu oi m’mee ali mwadhi Uriya.
7 Solomu abanle Rehoboamu,Rehoboamu abanle Abiya,Abiya abanle Aza.
8 Aza abanle Yosafati,Yosafati abanle Yeoramu,Yeoramu abanle Uziya.
9 Uziya abanle Yotamu,Yotamu abanle Ahazi,Ahazi abanle Hezekiya.
10 Hezekiya abanle Manasi,Manasi abanle Amoni,Amoni abanle Yosiya.
11 Yosiya abanle Jekoniya naabalee vahora yatukuliwile Ayuda dhowa wu Babulo.
12 Ayuda tangatukuliwile dhowa wu Babulo, Jekoniya abanle Salatieli,Salatieli abanle Zerubabeli.
13 Zerubabeli abanle Abiudi,Abiudi abanle Eliakimu,Eliakimu abanle Azoro.
14 Azoro abanle Zadoki,Zadoki abanle Akimu,Akimu abanle Eliyudi.
15 Eliyudi abanle Eliazara,Eliazara abanle Matani,Matani abanle Yakobo.
16 Yakobo abanle Yosefi man’nee Mariya, abanle Yesu oitaniwa Kristu. *
17 Ee-no maziza othene romela va Abrahamu fiyedha va Davide alivo maziza 14. Khumela va Davide mafiya vahora yatukuliwile Ayuda dhowa wu Babulo vali maziza 14. Khumela vahora yatukuliwile Ayuda dhowa wu Babulo mafiya vahora ya Kristu, * vali maziza 14.
18 Vyongo vyaireile ira Yesu Kristu * abaliwe phivi: Vahora yoi Mariya m’mee Yesu vyafukedhiwile liye na Yosefi ira unodha nthela, Mariyuo ali angana wise dhela mwa zimu ochena * ta-anathelane.
19 Mbwenye namwasa oi man’nee Yosefi ali mutu olongomana thitho kaafun’ne m’va-a manyadho waatu enango, atothuulela vyom-iya mwasegeredo.
20 Mbwenye angathuulele modi-a vya mwasula, ngelo wa Yohova * atoom’dhela mu vyoro-a nom’mwandela ira: “Yosefi mwana Davide, * kuove m’tukula Mariya i-yanaa m’dhowana nyumbaniwaa, voi liye una wise namwasa wa kopolo ya zimu ochena. *
21 Liye unodha bala mwana wa lombwana, thitho udham’va-e dhina loi Yesu, * namwasa oi unodha vulumucha atwee wuvyodawa viwa.”
22 Vyothene vyevi vyatoireyadi ira vyaongile Yohova * dhela mwa namaongelee vikwakwaneli-edhiwe. Liye aongile ira:
23 “Kavuruwanani! Namwali unodha kaana wise thitho unodha bala mwana wa lombwana. Mwanuo tanodha m’va-a dhina loi Emanueli,” loi linothapulela ira “Nlungu uli na i-yo.”
24 Ee-no Yosefi atoorurumuwa vairuloni noirana vyongo movwelana na vyam’mwandenle ngelo wa Yohova. * Atoom’tukula i-yanee nom’dhowana nyumbaniwee.
25 Mbwenye kam’gonathidhenee fiyedha angabanle mwana wa lombwana. Mwanuo atoom’va-a dhina loi Yesu.
Madhu achindo
^ Venango: “thandha wa ziza la Yesu.” Muone Thapuleliwa wa madhu enango a Bibilyani.
^ Dhinali mu Iebere ndi Yoswa loi linothapulela “Yohova ngunamavulumucha.”
